حيات الطفوله اابائسه

مرحبا بنات اول مره لفضفض لكم وي وابي نصايحكم انا بنت من يوم اني ببطن امي وابوي وامي منفصلين امي ماكانت تبيني تشيل اشياء ثقيله عشان اطيح لكن الحي مايموت وولدتني وانا خديجه لي سبع اشهر فهدت بالمستشفى شهرين ويوم جاء وقت خروجي امي قالت لابوي خذ بنتك مابيها 💔وخذاني وحطني عند زوجته وانا توي صغيره بالمهاد وامي تركتني فتره وبعدين مدري من زن ع راسها بنتك وحرام تخلينها اتوقع حرمه خالي وخذتني وليتها ماخذتني لو عشت عند حرمه ابوي كان يمكن تحن علي اكثر من امي وتزوجت امي من رجال واما عمري سنتين وكان يكرهني ومدري كيف مضت طفولتي لكن الي اتذكره من عمري ٨ وفوق الي صار يابنات ان امي كانت تحب عيالها اكثر مني لو يضربوني واضربهم تجي تضربني لحالي تلاحقني بالحوش وبظلام وانا انحاش واتوسل لها ماتضربني لكن تصر. وتلاحقي بظلام وتمسكني بزاويه وضررررب فيني وضرب بنعال تقبص كل شي تسويه اذكررر الاشياء ذي والله ابكي وياليت ع كذا وبس تقولي دايم روحي لاهلك ليت ياخذونكً مايمر يوم الا تسمعها ومايكر يوم الا نضربني وكان زوجها يضرب عيالها الي هم عياله وتجي هي تضربني انا طيب يمه انا وش سويت اكون نايمه وتجي تضربني بعز نومي بدون سبب ليه ليه تخيلوا ليه وش ردها هم عندهم من يضربهم وانتي محد يضربك ابوك مايضربك السالفه انها بفكرها تقول هي وش زودها محد يضربها وعيالي يضربوهم ابوهم ليه يمه انا عشت مع ابوي والا اعرفه عشان يضربني سبحان الله ذي ام ذي والله لو احد قالي انها مو امك لاصدقه من زين حساتي معك ومع زوجك اروح المدرسه مشي ماتخاف علي وعيالها يوديهم ابوهم وانا امشي اتعمد اقعد بالمدرسه ليين اخر وحده عشان زوجها كل مارجعت ودخلت للبيت يعايرني انه مو بيتك وتجين بعد طيب وين اروح حتى ابوي مافكر ياخذني ولا يسال عني ماخيلين اني ارجع من اامدرسه الساعه ٢ امشي بشارع لحالي والشارع فاضي اقول بنفسي ليت سياره تصدمني وافتك احس البيت مو بيتي كاني لقيطه منبوذه محد يبيني وامي يوميا تقول روحي لاهلك روحي للهلك طيب كيف اروح اذا هم مايبونيً وانتي ماتبيني لمن انجح واجيب الشهاده ماتهتم فيني لدرجه ارجع اقولها يمه نجحت ولانناظر فيني ولاتقولي مبروك ولمن يجون ععياالها تركض لهم وتناضر شهاداتهم الناجح تباركله وانا واقفه اناظر ينكسر خاطري واروح انسدح بفراشي واذكر بنتها وولدها كانوا راسبين والله سمعتها تقول لهم هي وش زودها عنكم تنجح وانتم ترسبون كنها طعنتني بسكين كاني مو بنتها دايم اذا عيالها اشتكوا لها مني وهم يكذبون لانهم عارفين انها بصفهم تطير عيونها علي وتقوم تضربني وانا ماسويت شي حتى لو تشوفهم يضربوني تسكت لكن انا ياويلي لو اقولهم كلمه تضرب فيني لين اموت بنعال الزنوبه الحاره ذيك عرفتوها الي قهرني انها تلاحقني بالحوش وبظلام وتظرب فيني لو دخلني شي بسم الله ولا فكرت فيني وزوجها يطق عياله تدافع عنهم وحرام ومدري ايش طيب وانا مو حرام الي تسوينه فيني هاذا غير معامله زوجها لي القاسيه الي ابشع الكلام اسمعه منه حسبي الله عليه وصبرت ودرست ونجحت ولمن وصلت للثانوي امي خلاص معد تبيني بيتها قالت لاخوي الكبير الي من ابوي خذ اختك ماعندنا مدرسه ثانويه قريبه من بيتنا ورحت عشت عنده بيته وعند حرمته وبدت معناتي ماتبيني وتسكر الثلاجه عني واخوي معها اقعد ايام ماكل ارح للمدرسه ريال معي البنات يتفسحون وانا لا حرمه اخوي تقولي انقلعي لامك ادق ع امي اقولها عن معاملتهم لي واني برجع اعيش عندها ترفض وتكلم اخوي ليه وليه انا مابي اطول عليكم هاذا الجزء الاول لمن تقرونه وحابيني اكمل اكتبوا لي للان قصتي طويله وقررت اكتبها بس ابيها تنقرا كامله