معلمة بنتي بين كل يومين ترسل 😕

بسم الله الرحمن الرحيم
السلام عليكم ورحمة الله وبركاته.. اخواتي في الله كيف حالكم عساكم طيبات وفي أتم الصحه والعافيه يارب ❤.. الموضوع انه معلمة بنتي كل يومين ثلاث ترسل رساله تشتكي من بنتي بنتك ضعيفه ومره بنتك ما تنتبه ما تركز.. كلمت بنتي جبت لها معلمه تقويه بل معلمتين بعد عناء وبحث طويل وتوها باديه مع معلمات التقويه مده قصيره وقلت لها وفهمتها هذي المعلمه لكن بدون جدوى يعني ايش اسوي ما اقدر اضغط كثير على بنتي وتكره المدرسه تراها تروح مغصوبه وهذا مستواها وقدرتها.. كرهت بنتي بسببها وصرت مرات اقسي عليها بالكلام وما ينفع الحين انقلها مدرسه ثانيه او فصل ثاني.. وهيه ظاغطه على برسائل تعبت منها وتعبت نفسيتي.. معرف هيه تحط حرتها فيني وتنفس عن غضبها ومشاكلها عندي وتتحجج بنتي ولا ايش بالضبط.. ووضعي في حيره ما اقدر ارد على المعلمه بكلام غير طيب وتزيد قسوتها على بنتي.. ودائما ارد عليها بطيب. ما اقول غير الله يهديها ويسخر قلبها لبنتي وبنات الفصل.. لأنها بعد في القروب ترسل رسائل تضغط فيها الأمهات بشكل عام وما تكتفي وترسل لي انا بشكل خاص.. ايش الحل معها حيرتني الصراحه 😞

52 تعليق 14,849 مشاهدة

شاركي في النقاش

سجلي الدخول لإضافة تعليق.

التعليقات

51
  1. @orod_alfrh

    لاتقولين طيب وبس ،
    قولي تو جبت لها مدرسه خصوصيه وانا اتابع معها
    وجزاك الله خير عطيها فرصه لوضعها الجديد ان شاء الله يتحسسن
    وكلامك محل الاهتمام ووو الخ
    يعني بيني انك مهتمه ومعبره كلامها وجالسه تشتغلين
    ووضع بنتك اذا ماتحسن قولي لها هاذي قدراتها وبنقلها ع السنه الجديده
    وكان الله بعووونك هم يتعبونا واحنا نتعبهم وكلها لمصالح الصغار
  2. الاطفال قدرات وهي معلمه المفروض منها تراعي هالشي ودامها ماراعته فافضل حل طنشي رسايلها ولاتردي على كلامها الا في الشديد القوي خليها ترسل لين تشبع دامك عارفه محتوى رسالتها
    انت ماقصرتي جبتي معلمه لبنتك وتبغي منها الافضل بس هذه مقدرة بنتك ماراح تصير نابغه اذا المعلمه كل شويا راسله لك ملاحظات
    انت خلي بالك من بنتك ودروسها واذا حلت واجباتها وحفظت اللي عليها خلاص المعلمه مالها كلام عليها
    تعلمي تنطشي ولاتفتحي رسايلها لين تمل
    واذا صار وفتحتي رسايلها لاتردي الا ب طيب وقفلي ع الموضوع
  3. @am_salm_88

    صاحبة الموضوع

    المشاركة المقتبسة غير متاحة.

    ما في عندنا مدارس خاصه لصعوبات فيه في المدرسه صف صعوبات بس مش كل المواد..
    بنتي صف الرابع
  4. @am_salm_88

    صاحبة الموضوع
    ورود الفرح
    لاتقولين طيب وبس ، قولي تو جبت لها مدرسه خصوصيه وانا اتابع معها وجزاك الله خير عطيها فرصه لوضعها الجديد ان شاء الله يتحسسن وكلامك محل الاهتمام ووو الخ يعني بيني انك مهتمه ومعبره كلامها وجالسه تشتغلين ووضع بنتك اذا ماتحسن قولي لها هاذي ق…
    والله أكثر من مره قلت لها لكن هيه تتركني يومين وترجع مره ثانية ترسل.
  5. @allydy1985

    فيه مدرسات يسون نفسهم مايفهمون ان لكل طالبه استيعابها لفهم الدرس او الحفظ!!
    لو انا منج رحت لها المدرسه وتفاهمت معاها على هالرسايل اذا مافاد بقول للمديره ترسل لنا رسايل تشد فيها علينا وع الطالبات

تابعي تجارب أخرى من هذا القسم.