ماعدت أقدر أستمر أكثر من كذا

الله يشفيك

اتركي الحبوب عنك اختي ممرضه قالت العلاجات النفسيه كذب بكذب بالعكس تزيد الحاله

غيري تفكيرك وبتنحل مشاكلك
دام انك تحافظين عالذكر والقران اذا الخلل في الشخصيه وشويه شويه لو ايش كان فيك تقدري تتخلصي منه
الله يقول (( ان الله لا يغير مابقوم حتى يغيرو مابانفسهم )) وانا شايفه انه صابك اكتئاب حاد من كثر الضغط وقله الناس
اول خطوه تنفضين غبارك ياقلبي عن نفسك وارمي كل شي سلبي اجلسي مكان هادي حطي لك شموع وساوي لك كوب قهوه ولا شاهي واتاملي في خلق الله وانوي بجد انك تتغيرين عشان نفسك اولا ..
معظم الامراض العضويه سببها نفسي وانتي قلتي انك وصلتي مرحله ماعاد تقدرين توقفين للصلاه فارحمي نفسك شوي وانطلقي
ارجعي للجامعه وخالطي الناس واضحكي حتى لو تكذبي على نفسك العقل الباطن مايدري انك سعيده منجد او لا لكنك تنقلين له موجات السعاده وهو بدورها يغذي الجسم فيه ..
قبل كنت مثلك افكر اني لو قريت قران او استغفرت مابعيش بضيقه الصح ان الانسان بعيش بتقلب لكن جربي اجلسي قبل الفجر بساعتين كلمي ربنا كانه صديق لك كانه كل شي لك وبس مالك غيره وبعد كيذا ادعي كثير يارب حبني وارضى عني صدقيني ربنا بيقلب كل حالك وبتصلين لمرحله جمييييله مرا وهدوء نفسي
القران جربي الختمه .. وافتحي اليوتيوب شوفي مقاطع الكون والمجرات والله تجيب الوناسه والراحه
بقولك بعد شي خطير تسويه وتعالي بعد اسبوع قولي لي وش فرق معك .. ابغاك تحملي على جوالك صوت امواج البحر ويوم تيجين تنامين تنفسي بعمق واسترخي ويوم تحسين انك على وشك النوم قولي (( انا احب نفسي .. انا متصالحه معها .. انا سعيده .. الحياه جميله .. استغفري وسبحي واحمدي الله )) واستشعري كانه في جسمك ضو ازرق خفيف يسري في كل خلايا جسمك .. يوم تزفرين تخيلي ان في لون اسود قاعد يخرج من تنفسك ويروح تماما .. كيذا تتخلصي شوي من الطاقة السلبيه ونامي ... او شوفي اليوتيوب في مقاطع اسمها مرحله التنظيف بموسيقى ألفا .. انا ضد ااموسيقى لكن في مقاطع ييكون شخص يتكلم فيها ويقولك وش تساوين جميله فعلا .. وقبل النوم اقراي المعوذات والكرسي على مويه وحطي ملح خشن لو عندك واغتسلي فيه يخرج الطاقه السلبيه وبترتاحين ..
جربي بعد شوفي لك هوايه حتى لو ماتحبيها بس جربي شي تحطي كل تفكيرك وجهدك فيه وبس تنجزيه بتحسي بفرحه
الرياضه بس ١٠ د في اليوم ساوي تمارين خفيفه اغصبي نفسك مافي شي بالساهل يبغالك تتعبي علشان صحتك وعلى شان نفسيتك
اخر شي بقولك اياه في كثير ناس يكون عندها سرطان ولا امراض خطيره بس تتشافى منه لانها رفضت الياس لانها تعرف انها قويه فجرت القوى الخفيه الي فيها وسبحان الله الي نزل فيك بلاء يقدر يرفعه عنك
اصبري واحتسبي الاجر واتمنى لو انتي صادقه مع نفسك وتبغي ترتاحي تطبقي الي قلتلك عليه وتعالي بعدها بشرينا بصحتك وعافيتك وكل ذا عن " تجربه "
الله يشافيك ويعافيك ويهون الدنيا عليك 🌹🌹

لا مو صحيح العلاج النفسي سبب لحل كثير من الازمات لكن يااختي صاحبة الموضوع روحي طبيب نفسي شاطر يمكن تحتاجين دواء ثاني غير دواء الاكتئاب وبتتحسنين ان شاء الله بس سارعي وروحي لطبيب

تدرين وش مشكلتك.
تخلطين بين الامور بشكل عجيب !
كلام الله سبحانه عارفين وكلنا إيمان
انو راحه نفسيه وشفاء
وليه تعزلين نفسك عن الناس
انتي مره تتكلمين عن ابوك وامك
وان ابوك متجبر وووو
وان امك شكاكه
ومره تدعين لاخوك وتدعين ع نفسك !
طيب ادعي لاخوك بالشفاء بعيد عن الدعاء على نفسك !
ومره ومره
انتي تعانين من اضطرابات نفسيه
والعلاج النفسي مايمنع تمسك بالقرآن
ابداً.
محتاجه علاج سلوكي اكثر من الحبوب.
ساعدي نفسك ولا تدققين بالامور
ولا تقولين انا وانا وانا.
ولازم تسوين تحليل لفيتامين دال.
وعبادتك فيها خلل للاسف
تقولين عبادتي عشان اخواني عشان
اهلي !!!!!
العباده طاعه لله والقيام بالطاعات
طلب وطمع بالرضى الله سبحانه
مالها علاقه بأمور الدنيا سوا كانت صعبه
او بسيطه
اما تقولين ماقصرت بالدعاء !!!!!!!!!
الدعاء عباده ونبقى مقصرين طول عمرنا.
انتي متذبذبه وايمانك لابد تراجعينه
وتعرفين وش معنى العبادات
اليأس اللي انتي فيه والضياع اللي انتي فيه والدوامه اللي انتي فيها تقدرين
تطلعين منها بإذن الله
وكوني ع يقين ان لابد تواجهين بالدنيا
مصاعب مواقف تكسرك
ولو ان طول عمرك ع سجادتك
لانها دار امتحان ودار بلاء
ارجعي لقصص الانبياء
تقولين طول عمرك عايشه مع القرآن
كيف كان الابتلاء بالانبياء!!!
قصصهم عبره لنا و دروس
اذا القلب فقه كلام الله
من المستحيل ان يظن هذا الظن
او يفرط بتركه.