تعبت من المقارنه بيني وبين سلفتي
السلام عليكم انا متزوجه لي سنوات وعندي عيال وسلفتي جنبي توها عروس قاعده اقارن بين حياتي وحياتها واحس بحسره احيانا على حياتي يعني قاعده اتذكر بداية زواجي ماحسيت اني عروس زوجي دايم بالاستراحه و الله يهديه هلكني بالعزايم والتنظيف لو يشوف غبار عيرني فيه اسبوع وكان نفسي اغير واجدد ببعض الاثاث يجي يقول اعزمي مع اني اعزم كان يبي بيتي مليان ناس وانا توي عروس حتى يوم اعزم كله طبخ يدي من حلا ومعجنات وعشا والله جاني تعب مايعلم فيه الا الله كل ماتذكرت دمعت عيني كنت قليل اطلع اتمشى مع انه يطلعني مولات احيانا بس ماذكر شريت شي نفسي فيه كنت ادرس وعندي ولدي واطلبه شغاله ويرفض دايم كلمته وحده من كثر عزايمك عشان اجيب شغاله مع اني اتعب من البيت والدراسه وولدي كل صبح مع البرد موديته لامي مرت اخوي كانت تو متزوجه معي وكان مريحها اخوي ماشاءالله جايب لها شغاله عشان تشد حيلها بالدراسه والاجازه يسفرها برا وانا لاسفر ولا شغاله بس اعزمي واطبخي تزوج اخو زوجي وسكن جنبي يمكن له سنه علاقتي فيها جميله بس اقارن هو ماشاءالله جاب لها كل شي نفسها فيه من سفريات من اثاث احدث شي نزل من مواعين كل شي هي مختارته حتى بحملها جاب لها شغاله تجيها كل ثلاث ايام بالساعات ومن زواجها ماشفته اهلكها بعزايم ولا شي ويوميا هو واياها برا ويجون محملين اكياس انا لو اجي يوم محمله اكياس حاسبني عليها شهر انا تعبت من المقارنه حتى زوجي تغيرت معاملتي له ويحاول يعوضني بشي لو بسيط بس حاسه بحزن وانكسار نفسي بس لو يسهر معي يوم واحد بس لاتقولون حاسدتها والله ماتمنى لها الاكل خير الله يزيدهم بس كل ماشوف حياتهم اتذكر بداية زواجي وتبدا المواجع عندي لانه للحين للاسف ماترك السهر دايم برا