خطيبي يقول خليك ثقيله والثقل صنعه قهرني

لو أنا مكانك ما يسمع مني كلمه إلا ليلة الدخله ، أنا مثله ما أحب الميانه الزايده وكثرة الإتصالات بين الخطيبين ، أنا ملكت وظليت سنه ونصف مخطوبه كلمت زوجي ثلات مرات وهو يتصل فيني مره بالأسبوع نتكلم أقل من نصف ساعه كلها كلام عادي

إنتي عارفه هالشخص وهو واضح معك، والدليل قلتي في بداية موضوعك (تقريبا مشغول بحياته) ، هو مركز على بناء حياته ومشغول ببنائها وانتي جزء من حياته، لأن الزواج جزء من الحياة مو كل الحياه. وهذي فرصه انك تلتفتين لحياتك من كل النواحي وتخلين الزواج جزء من حياتك. وبالنسبه للشخصيه فشخصية الإنسان تتغير مع مر الوقت وإختلاف الظروف والمحيط إللي يتواجد فيه الإنسان. حتى لو حاولتي تفهمينه في هالمرحله تلقينه يتغير بمرحله قادمه. حاولي تتخلصين من الحساسيه والعاطفه القويه وتوازنين هالأمور في نفسك. والله يوفقك.

انتي و خطيبك مثل اخوي و زوجته
اول ما خطبها كانت مثل طبعك
هو ثقيل وهي متحمسه و عجوله
وضح لها بكل الطرق تخفف لكن هي اصرت على طبعها
بغى يطلقها على الملكه بس الاهل ردوه وهي بغت تموت يوم قال لها بطلقك
ثم رجع في قراره شفقه عليها و كملوا الزواج
و كنك يابو زيد ماغزيت
نفس الطبع تكرر العجله و الحماس والقرارات السريعه من جهتها
عاد اختصر لك طلقها بالنهايه
ليه
الطبع من البداااااااايه ماناسبه وهي ما حاولت تركز وتخفف حماسها وعجلتها

تبي تدمر هدف أو علاقة في حياتك (تعلق)أو (عظم)هذا الشي،فوراً راح تفقده ويرجع عليك الأمر بالضرر،أخرج هذي الشيئين من أي معادله تريدها حتى تحقق ماتريد تحقيقه

شكرا لكل وحده ردت على موضوعي خلوني اقولكم شي عني
انا والله العظيم مارسل كثير يمكن باليوم كنت ارسل مساء الخير طمني عنك اليوم زي كذا واذا صادف الوقت صباح أصبح عليه وانتظره يرد بس في مره كان خارج مع اولاد خالته وسألته ليش انت تقرأ وتطنش يعني عيب رد وقول انك مشغول وبعدها سمعني الكلام اللي قلتلكم عليه اني انا قروشته وهو مع ناس ومدري ايش لو تشوفون رسايل والله مافيها نشبه ولا قله ذوق ارسلت يمكن ٣ رسايل عتاب وقلي زي االي كتبت لكم.. ع فكره هو كان متزوج واكبر مني ب ١٢ سنه وانا لسى بنت اول زواج لي ويقول انه ناضج وفاهم الحياه وعشاني صغيره عاطفيه كذا؟ يلا ماعليه بس بسوي زي ماكتبتو لي ولو ارسل ماراح ارد واخليه يعرف كلمه اثقلي كان نفسي في شخص اشاركه يومياتي وهمومي ومواقففي لاني ماعندي صحبات كثير تقريبا شبه منعزله وماصدقت التقيت احد يفهم شخصيتي وكويس ويقولي اثقلي طيب بثقل الله يعين