قصة زواجك

بزواجاتي الاثنين كلها يجيني ششي يربط لساني
مااقول موافقه للشيخ ماادري حياء ماادري وش السالفه
اروح اوقف والشيخ يسأل واختي تجاوب موافقه ياشيخ✋🏻
وانا بس اوقع

ههههههههههه عاد انتي غاسله يدي منك تقولين قصتك

مواقفك تقوطر كياته ههههههههههه يالطيحات ذي مدري شبلانا انتبهو بنات الي مابعد اعرسن خذو دروس وعبر من الموضوع

ياحرام طيحتي برستيجه هههههههههههه أم هند أقسم بالله ان تفكيرك وشخصيتك شي شي يفوق الوصف

الله احلى ايام😩♥️♥️
بختصر قد مااقدر😂😂
زوجي كان لبنت عمه
وهو مااعرفه ابد ابد ابد مع انه ولد خالتيبس بيتهم بعيد وهو مو بنفس الديره متوظف بمنطقه ثانيه وقتها
المهم اول مالتقينا شوفه غير مقصوده😂
في مرره جيت بيتهم وماكان فيه احد من اخوانها
وسبحان الله صادف انه جاي من دوامه
وكانت تستشور لي اخته وقتها☹️😂
ولما دخل غطيت وجهي بشعري الي على وجهي🤦🏻‍♀️
شفت رجلينه واقف ماتحرك
رفعت راسي الا وهو منزل راسه يحاول يشوف قلتله خير؟!😏
تفشل ضحك وطلع😆😄
كنت بزر وقتها بالمتوسط.
المهم ومرره ثانيه شفته بالغلط بملكة اخته
بعد ماروحو المعازيم اخذنا الاكياس ونخمخم العصاير والبواقي ننظف😂
قالت لي عمتي جيبي مويا من الملحق
ودخلت وادور واخذت المويا وقبل اطلع شفت مرايا واعدل فستاني واسولف مع نفسي😩
التفت بطلع الا هو عند الكنبه الي ورى الباب ياكل كيكة العروس وفمه مليان ويده ملطخه ومتنح حسيت انها خلوه وبيصير شي((تفكير بنات المتوسط)) وارتعد جيت بطلع طحت بعتبت الباب وكملت زحف وقمت ورحت لهم حسيت اني دخلت بر الامان ونسيت الي صار😂