قالت لي الحرمة هذا الكلام عطوني تجاربكم

اللي ردو ماقصرو الله يجزاهم خير

لا تفكرين وتشغلين بالك اذا محسوده او معيونه لان هذا ما يهم ثلاث ارباعنا تعرضنا لهذي الامور بس ماندري

المهم انك تبدأين تهتمين بنفسك صحياً وروحياً لان الجسم يحتاج الاثنين مع بعض عشان يتوازن ويقوى ويتعافى

- صحياً من ناحية الحرص على التغذيه الغنيه بالفيتامينات والمعادن والابتعاد عن الاكل اللي يضر من دهون ومعلبات وكثرة الملح والسكر

- اما روحياً بالتحصين بالاذكار ورقية نفسك بالفاتحه والمعوذات واحرصي على تلاوة سورة البقرة في بيتك بصوت مسموع وكل اسبوع حاولي تشطفين نفسك والبيت بمويه وملح بحري او بس ركزي على الزوايا والنوافذ وتقدرين مجرد تبخينه بدون تشطيف ميزة الملح البحري يسحب الطاقه السلبيه من الجسم والمكان .
ومثل مانصحتك اللي سوت لك حجامه استمري على القسط الهندي سمعت حتى دكتور عبدالباسط السيد تكلم عنه انه مفيد للناس اللي عندهم حسد او مرض روحي .

وماراح تستفيدين اذا ماحرصتي على تغذيتك خاصة انك مسويه حجامه يعني خسرتي دم ويمكن انتي اساساً عندك نقص فيتامينات ومعادن يعني الحين تحتاجين اهتمام اكثر

صحيح كلامك سليم
المريض الروحي يطلع منه معا الدم زي الرغاوي او الهواء
هذا كلام محجمتي الله يوفقها
استمري ع الحجامه هي نص علاج المريض الروحي بإذن الله يكفيك انها هدي نبوي
والرقيه لابد منها
وفالك العافيه

من فتره كنت اقرأ بمنتدى خاص بالرقيه يقول الشيخ ان الفوران او الرغاوي اللي تطلع بالحجامه بسبب ان الكوب المستخدم اما فيه كسر او مو مثبت كويس ويسحب هواء من برا ويقول لو يدهنون الاطراف بفازلين ماراح تطلع هذي الاشياء وحتى ثقل ولون الدم بسبب انه يتركه وقت طويل ويتجلط الدم ويتخثر يعني مالها علاقة بالمرض الروحي والله اعلم .

اما صاحبة الموضوع اتوقع ان المحجمه استدلت انه في حسد وعين بسبب الاعراض اللي تشتكي منها مثل ثقل على الاكتاف وتعب وامورها بالبيت ملخبطه ومتدهوره هذي علامات اغلب الرقاة يستدلون بها لكن مو شرط انها تكون فعلاً مرض روحي لان سبحان الله الانسان يمرض ويتعب اذا نقص بجسمه فيتامين او معدن معين ويبدأ يعاني ويجيه اكتئاب وتنقلب نفسيته ويضعف عشان كذا العاقل اللي يتقي الله ينصح بالرقيه وبنفس الوقت بالتغذيه كلها تكمل بعض

رحت حجمت عند وحده وسولفت انا وياها عن هالاشيا وضحكت قالت يابنتي لااحد يلعب عليك ويقولك شوفي الدم متجمد وفيك وفيك تقول معروف الدم اذا تعرض للهوا يتجمد مو دلاله على شي ولا اللي تقولك يطلع بخار الدم حار يطلع من الجسم وطبيعي تشوف زي البخار مافي حجامه تعرف ان فيك شي من الدم هاذي طريقه توهمك فيها علشان تكررين الزياره
.
.

من حديث ابن مسعود ..قوله صلى الله عليه وسلم (( مامنكم من احد الا وكل به قرين من جن وقرين من الملائكه .قلنا .واياك ؟ قال واياي الا ان الله اعانني عليه فأسلم فلا يامرني الا بخير )).. وفاسلم ورد لها روايتين ...

فاسلم .اي ان قرينه سلم من الكفر .
وفي رواية ابن مسعود ولفظه . بالفتح .فأَسْلَم . اي اسلم انا من فتنته واذاه فلا يأمرني الا بالخير.....


وكلامي محدد ان كل انسان معه قرين .... ولا اشوفك تعلقين لي على رد .. فاهمه ..