اساعدها او لا؟

الله يعينك

المشكله ان اغلب الردود عاطفيه بحت
وموضوع الزواج بحد ذاته له ميزانيته سواء من اهل العريس او العروس حتى وان كانو على قد حالهم او فقراء
مستحيل العروس الكل يتخلى عنها من صديقات واهل وجيران واقارب
ومثل ماتفضلتي تقدر تستأجر فستان بمبلغ بسيط حسب ميزانيتها لو تضطر تبيع قطعة ذهب من جهازها في اضيق واصعب الظروف او بدال ماتلجأ للنت العالم الوهمي تطلب من الناس الحقيقيين اللي حواليها إلا ماتلاقي احد يفزع لها بمبلغ بسيط لتأجير الفستان او زوجها يدبر لو 500 ريال ويعطيها .

لكن الحقيقه احنا شعب ذبحته العاطفه وأي احد يحلف لنا بالله ويكسر خاطرنا صدقناه بدون لا نفكر وفوقها نلوم انفسنا اذا شكينا انهم نصابين شي ضحك هههههههههههه

مع ان اكثر النصب بالنت لانه عالم وهمي محد يشوف احد وهو افضل مكان لتصيد الناس والنصب عليهم بالاستعطاف واذكركم بقصة ساره ابراهيم اللي اشغلت تويتر من كم سنه وتبلت على نفسها انها مريضة سرطان وتنشر صور لبنت مالها شعر وتكتب كلام مؤثر انها داخله تاخذ الكيماوي والناس صارو يرسلون لها تبرعات مبالغ ضخمه للعلاج واللي راح اخذ عنها عمره واخر شي اكتشفوها الناس انها كذابه وان الصور سارقتها من الفيسبوك لبنت اجنبيه مريضة سرطان وكانت اكبر نصبه واكبر تلاعب بالمشاعر على مستوى البلد

في اشياء تستحق اننا نتعاطف معها ونصدقها ونتفاعل معها ونساهم في المساعده وفي حاجات واضحه انها تلاعب ونصب واللي يضحك ان لسه في بنات يظنون ان اللي يطلبون حاجات عينيه من لبس مستعمل واثاث ومواد غذائيه يعني ماهم نصابين مايدرون ان هذا طريق اخر للنصب عصابات تخصصهم كذا ياخذون الحاجات المستعمله ويبيعونها وحتى المواد الغذائيه متفقين مع عماله يشترونها منهم بمبلغ ارخص من السوق ثم يجمعونها ويبيعونها على المحلات

طيب
الفستان امره سهل مو تحويل وكذا

عادي ترسله مع تطبيق مرسول
ان كانت البنت تلعب او صادقه في كل الحالتين مافيها شي

بالنسبه للعاطفه هذي موب عاطفه هذي انسانيه

كان الله في عون العبد مادام العبد في عون اخيه

يمكن الضعيفه ماعنده جيران او اقارب نلتمس عذر لناس
ومانحاول نمنع الناس المساعده


ديننا الاسلامي حث ع المساعده وتفقد احوال الناس
وهو صالح لكل زمان ومكان

بس مدري شفيها العالم صارت تحذر


التحويل ممكن لان قد تصل الى امور مشبوهه وغيره واتفق معك

اما فستان وملابس عادي
حتى لو باعته واخذت فلوسه كم بيجيب ؟؟

بالضبط هذا اللي كنت بقوله
لكن الناس صاروا مريضين بالشك
خلاص مانتبرع لا بلبس ولا مواد غذائيه ولا اثاث
عادي نرمي الملابس الزايده والاثاث بالشارع بسبب الشك والتفكير المريض
بسبب فئه قليله ماتخاف من ربي وتضحك ع الناس نحرم فئه ثانيه كثيره محتاجه وتخاف ربي وماطلبوا الا من عوزه وحاجه ومضطرين ولا ماكانوا تنازلوا وطلبوا من اللي يسوى واللي مايسوى
اللي مايبي يعطي ولا يتبرع بس لانه شكاك وتفكيره مايدور الا حول محور واحد اللي هو بيضحكون علينا ويسرقونا بكيفه يخلي الشي يعفن ويخلل عنده ويزيد ولا يرميه باقرب زباله
بس لا ياثر ع الناس اللي فيها الخير ونيتها صافيه وعقلهم وتفكيرهم بعيد عن الشك وقلوبهم مافيها ذرة كبر ولاتعالي ع الناس يتبرعون ويعطون ويساعدون باللي يقدرون عليه

محد منع احد واللي حابه تعطي البنت فستان تروح تعطيها اياه وتتحمل مصاريف التوصيل والشحن ان كانت في منطقه ثانيه غير منطقتها هذا شي راجع لها قرارها وهي حره فيه
كلن عقله في راسه ويعرف خلاصه مو انا ولا غيري اللي نمنع الناس احنا بس نحذر ونوعي
وفعلاً الانسان ما يتعلم الا من تجاربه الشخصيه اما تجارب الناس تبقى مجرد حكايات للتسليه
وعلى فكره الجمعيات الخيريه فاتحه ابوابها تستقبل مساعدات اهل الخير وتصرف لمستحقيها
وبعض الجمعيات عندهم اوقاف ريعها يصرف على الايتام والارامل والفقراء وين الناس عنها ؟
بل ان البعض يشكك في الاوقاف والجمعيات الخيريه مع انها مرخصه من الدوله وعليها رقابه لكن الناس اللي تمتهن الشحاذه بمواقع التواصل الناس تتعاطف معاهم رغم انهم مجهولين ولا يعرفون عنهم شي !

واكررها مره ثانيه انا لم امنع احد ولا اقدر اساساً امنع احد من انه يعطي فستان او فلوس لمجهولين
وعلى قولك هو مجرد فستان مستعمل لو باعته او اجرته كم بيجيب !
على اساس اللي يجلس يشحذ بالشارع يرفض الريال بحجة انه وش يجيب ما كأنهم كونو ثروات من امتهان الشحاذه !
وللمره الاخيره اكررها انا لم امنع احد من ارسال فستان او فلوس لاحد كل واحد فينا عقله في راسه ويقدر يتخذ قراراته بنفسه ويتحمل نتيجتها