متى تصحون برمضان 🌹وتاكلون من برى ولالا للسهرانات تعالوا

قبل الوظيفة كنت اصحى الظهر اصلي و اطلع اللحمة حقت الشوربة علشان تذوب و اطلع اللحمة المفرومة او صدور الدجاج لو ب اسوي سمبوسة دجاج و اسلق بيضتين و ارجع انام للعصر و اقوم اصلي و ابدأ اسوي الحشوات و اما بعد الوظيفة اجهز يوم الجمعة او السبت حقت اسبوع اللي هي الحشوات بس و احطها في الثلاجة لاني ما اطلع من الدوام الا الساعة ٣ ونص ارجع البيت يَ دوب ابدأ احشي و اجهز الشوربة و اي صنف زيادة بس هالسنة طلبت من وحدة تسوي لي مفرزنات لان مالي خلق للطبخ مع الدوام و الحمل الله يسهلها علينا اجمعين

هذا نظامي من سنين اصحى 12 اصلي الظهر و اجلس اقرا قرآن لحد صلاة العصر اصلي العصر وادخل المطبخ طبعا انا عايشه مع حماتي في نفس البيت ونفطر مع بعض فمقسمين الشغل بينا هي تطبخ الطبخة الرئيسيه والشوربه وتسوي العصير وانا علي الساندويشات او الفطاير والسمبوسه والحلويات والسلطة والقهوه والشاي
وما احب عيالي يسهرون حدهم 12 وبعدين نوم عشان اتفرغ لقيام الليل وقرائة القرآن
حتى لو اللي يصوم منهم ينام 12 واصحيه ع السحور يتسحر و يشرب ماي ويرجع ينام

بحكم اني موظفة ودوامي ع الساعة 9
اصحى ع الساعة 8 وارجع البيت ع الساعة 3 ارتاح لي نص ساعة

وبعد صلاة العصر ادخل المطبخ

طبعا الحلى والعصائر تكون مجهزة قبل يوم الا لو كان قطايف احشيها واخبزها بعد التراويح
سفرتي بسيطة ووقفتي في المطبخ ما تاخد مني ساعتين

قبل المغرب بنص ساعة او اكثر اكون خلصت

وقبل الاذان ب 5 دقايق اجهز السفرة

عاد الشكوى لله ..
وبسيطه ان شاءالله الصيام نتعود و يصير هين شوي ،،
بس بالصباح اذا كنت صاحيه اسوي حلا واعجن سمبوسه لحم وجبن واسوي سمبوسه خاصه ثانيه بالبر والخضار
واذا سويت منتو كذاب اجهزه بالثلاجه يبقى احطه فالفرن
اوكل بناتي وانتبه لهم
اكنس اغسل مواعين وملابس عادي زي اي يوم
ويبقى وقت اقرأ قرآن
نتكيف عادي مع الوضع المخبوص الشكوى لله😬

لا إله إلا أنت سبحانك إني كنت من الظالمين 🌹