انا وزوجي وسوء التدبير

الان غلاء وضرايب وكل شئ زاد فواتيرروبنزين وحالة لازم تسوين ميزانية لكم وتضبطون الديون راحت بنود الرفاهية تسوق والمطاعم من زمان الان يادوب الضروريات فقط احرصي ان الراتب يكفيكم اكل لاخر الشهر التسوق مرة كل شهرين للضروري

انزين ليش ما تسألين خواتج كيف يدبرون خذي نصايحهم

أنتي تقدرين تدبرين الأمور اذا عرفتي وين تروح الفلوس
اول شهر اكتبي كل شئ تصرفون متى وكم
ثاني شهر ابدي وفري مثلا اكل مطاعم مرة في الأسبوع شاورما مرة فطائر مرة برجر مرة شئ ثاني مثلا شوفي شئ رخيص يخليكم تأكلون برا ومايخسون الاولاد بالحرمان
الباقي كله بيت دوري طبخات اقتصادية وأبدي حددي مقاضي البيت على أساس هذي الطبخات خطي جدول فطور غداء عشاء وأمشي عليه وحاولي تشترين الأشياء في أوقاتها الرخيصة وتجمدين وتشترين بالجملة كل ماقدرتي
مثلا اللبن يفرق كثير السعر لما تشترين علبة كبيرة عن علب صغيرة فيه أنواع أرخص من أنواع
الحليب البودرة ماله داعي غالي الطازج يغني عنه وارخص وأفود

التمشية روحوا حدائق او بر خذوا شاي قهوة تسالي وبتنيسطون اكثر من الملاهي لانكم بتجلسون سواليف احسن من الإزعاج
انتبهي للكهرباء والماء واستهلاكهم تقدرين توفرين مبلغ طيب
اذا تشترون كراتين ماء ركبوا فلتر واشربوا منه اوفر بكثير
وفيه افكار كثيرة في البداية بتحسين بصعوبة بعدين يسهل الموضوع ويترتب ويصير تلقائي
والله يفرج علي وعليكم ويرزقنا ويرزقكم من واسع فضله

بقولك ع ششي سويته اول ماسكنت بيتي الملك
صح انه الاثاث كاااامل اللهم لك الحمد بس الاكسسوارات والاشياء اللي تضيف جمال للمكان مااشتريتها
صرت شهريا اخذ 200من زوجي واحطها بحصاله ومهما صاااار م اقرب لها
وكل ششهر نفس الششي وقبل ادخل 200اخذ مبلغ بسيط للصدقه واتصدق
وبفتره بسيطه الحمدلله توفر معاي مبلغ حلو للكماليات واكسسوارات البيت
عزمت اهلي واهل زوجي واي احد يقول بزورك اقولهم حياكم الله
ومع السوالف اقول والله باقي ماكملت الكماليات والنواقص يعني اعطيهم خبر بشكل غير مباشر


لااازم توفرين من الراتب وصدقيني بتقدرين
القطات مع خواتك الغيها هالفتره اللين تجمعين مبلغ محترم
تقدرين تشتغلين مندوبة اذا معارفك كثير وخواتك وصديقاتك وتبيعين لهم
وفيه حركة الفيزا كمان شفت كثيييير توفقوا فيها
اغلب المواقع يكون الدفع عن طريق الفيزا واغلب الشعب وخصوصا الحريم ماعندهم فيزا
يصير يحولون لك مبلغ الطلبيه ومعها مبلغ زياده تحددينه يا50يا100وعلى حسب كمية الطلب
والله يرزقك ويبارك لك بمالك ووقتك💗

انتي ايش بيدك ؟؟
يعطيك الراتب ويقول لك اصرفي ودبري
والله كل الفلوس بيده ؟