انا زوجي الشمالي باللا انصحوني ايش اسوي معاه

انتي واوووو

حبيبتي يا ريت تسمعي نصيحتي كأخت ما عليكي من أناس وكلامهم انا احس ان زوجك رجل واقعي مو بياع كلام والرومانسية رزق مثل المال وأي شي ثاني إذا ربك ما رزقك بزوج رومانسي فأكيد زوجك في الكثير من المميزات الثانية مثلا انه ماهو براعي حريم ولا تباتين طول الليل تبكين لأنه يخونك مع وحدة ثانية ولا مجوعك انت واولاده(بخيل) ولا يفضل اهله عليكي او يميد إيده عليكي إنتي وأولاده وعايشين فرعب والعباذ بالله،
زوجك يحبك بس ما تربى على الدلع والمياصة اعذريني إنتي لك 8 سنين عايشة معاها ما حلك تفهميه وتقتنعي بيه رغم عيوبه شوفي نفسك أكيد فيك عيب وهو صابر عليه وانا فيني عيوب وكل انسان فيه عيوب وهو إذا عيبه الوحيد انه ماهو برومانسي فذ شي صدقيني حبيبتي ماهو بشي يعيبه وانا متأكدة من خلال كلامك عنها انه يحبك
فاسمعي نصيحتي لا تطيريه من ايدك زوجك ذ في مليون وحدة تتمناها وإذا مفكرة انو في إنسانه متزوجة زوج مثالي فأنتي غلطانه كلنا متزوجين ازواج فيهم مميزات وعيوب وحنا بعد كذا والحياة الزوجية يبغالها صبر إذا تحبين الرومانسية عيشيها بس لا تضغطين عليه بيها على طالعة والنازلة تكيفي مع الوضع وإذا في ملاحظات قوية مره فتعامله خليه لما يكون امروق وقولهم له بهدوء ولا تفرطين بزوجك وتشتتي عيالك وتخربين على نفسك هذي نصيحة أخت محبة ❤️

أي في غلط يوقعون فيه حريم كثير هي المقارنة
تقارن زوجها الحالي بزوجها القديم رغم عيوب القديم إلى انه إذا كانت فيه ميزة وحدة ماهي فزوجها الحالي تظل تقارن وتقول ياليتني ما تطلقت ويا ليت ويا ليت ووو....
مقارنة الزوج بازواج خواتها وصديقاتها رغم ان 99 في المئة من الحريم يجملون حياتهم الزوجية للحريم الثانيين زوجي جبلي ما تذكر الي محاسن زوجها لأنها انسانه فاهمة ولا هي فاضحة زوجها رغم ان زوجها فيه مليون علة ولما يصير كذا تشوفين بعض الحريم يتأسفون على حالهن ليش زوج فلانه احسن من زوجي وهي ما تدري ان زوج فلانه ما فيه الي ذيك الميزة الي تظل تشكره بها في كل محفل !


مقارنة الزوج بأزواج اسوشيال ميديا
زوج الممثلة الفلانية جايب لها كذا وزوج الفنانة الفلانة رومانسي وزوج صانعة المحتوى الفلانية كل يوم يفاجئها بهدية وسفرة ويحضنها ويبوسها ويتغزل فيها و كذا وكذا وكذا وترى اغلب تصرفاتهم يسواها عشان المتابعين يعني مثلا وحدة إذا بفاجئها زوجها ليش ما يفاجئها الى على الكاميرا سلامات وين التلقائية والحب الحقيقي الي من دون مقابل ؟
وكمان اغلبهم يخطط مع الزوجة انا راح اجبلك كذا وسوي روحك متفاجئة علشان تكثر نسبة المشاهدة واحضان وبوس وكله علشان نشوفه حنا ونصير ندب حظنا ونبكي ونقول ياربي إيش هذي البلوى أي والله أني اجمل منها ليش زوجها يحبها كذا وانا زوجي ما كان يحلم يتزوج وحدة فجمالي مايبوسني الى في المنام هههه
وكل الفرق بين زوجك وزوجها يا بنت الحلال ان زوجك حقيقي وحياتكم طبيعية وكل الباقيين الي ذكرناهم حياتهم فوتوشوب ههههه
والله العظيم الي اقوله حقيقي وترى في بعض الأغلاط انا نفسي وقعت فيها بس الحمد لله أني تداركت الموقف 😂

😂😂😂😂😂

معلش بتكلم بصراحه وتقبلي كلامي


اولا زوجك من خلال وصفك مو شمالي .. زوجك اعتقد انه شرقي والله اعلم


ثانيا .. افصلي بين حياتك الزوجيه وبين اهلك .. ليش كل حركه وكل كلمه لازم تشكين لأهلك؟؟ عارفه انك مقهورة وتعبتي من زوجك بس مو مبرر انهم يتدخلون في حياتك ويقولون لزوجك يجلس معك ويراعيك و.و.و.. لأن تصرف زوجك عفوي جدااااا .. واكيد مثل كل الرجال عنده ضغوطات مو فاضي للتفاصيل الصغيره مثل انه يلاحظ لبسك او يعرف انتي وش تفكرين فيه .. اغلب ازواجنا تغلب عليهم الجلافه فما يعرفون للكلام الحلو لأنهم مو متعودين عليه ولا يعرفون للهدايا لكنه يجيب لك اي شي تطلبينه ..وقيسي عليها اشياء كثيرررر ..


ما اقولك هذا الكلام عشان ابرر لزوجك .. لا .. لكن الحياه موده ورحمه ..والامور تمشي..لاتسمعين كلام احد يقولك هو اللي يلاحقك مو انتي تلاحقيه ..غلط يا قلبي غلللللط ما احد يلاحق الثاني كلن يعيش حياته حسب شخصيته ومشاغله واذا لقيتي وقت مناسب وزوجك فاضي ومروق سوي اللي تحبينه من لبس او رقص او اي شي يشبع رغبتك انتي مو عشانه .. واذا زوجك مشغول حاولي تشغلي نفسك بشي مفيد بدل الانتظار والتفكير فيه .


برضو لا تنتظرين منه كلام حلو .. بادري انتي طول يومك خليه ع لسانك يا حبيبي يا قلبي يا ..يا... حتى يتعود منك .. خليها عفويه منك مو متكلفه .. سوي لكم جو خاص بعيد عن الاطفال وعن الازعاج مره او مرتين ف الاسبوع ..
وباقي الايام احرصي انكم تجتمعون مع اطفالكم لو على قهوة اهم شي يتعود على جمعتكم .. ومع الوقت بيفقدك ويفقد الجمعه وجوك الحلو .




ياليت تتقبلي كلامي بصدر رحب ..


ويارب يسخر لك زوجك ولا يشوف غيرك ..