من وين شريتي لبس العيد 😍😂

تعصرهم بالسعر ماتاخذ حبل وتعصرهم حسستيني انها بتعصرهم بالخلاط
سبب المكاسره لان الفستان اللي ب ٦٠٠ بالاجازه وقبل العيد وموسم الزواجات يصير ب ١٢٠٠ هذا الشي شفته بعيني ماحد قالي
ماحد قال نترجاهم اقري زين شكلك مافطرتي افطري وتعالي اقري زين
ولا احد قال نتضارب معاهم او ناخذه بالغصب
ركزي ركزي بعد ماتفطرين

ان شاء الله بروح الرياض مول بس بسألك بنتي الكبيره تقول فاتحين مول جديد الرياض بارك تقول البنات يتكلمون عنه هو فيه ملابس حلوه ولا ابي أشوفه وشكلك عندك ذوق حلو

اشتريت من كوتون

تسلمين عيونك الحلوه
الرياض بارك ابد لا تفكرين فيه الا تمشيه وكوفي غيره لا
دخلت محل فساتين غااالي ب ٢٠٠٠ وفوق هذا بعد الخصم مو سعره الاصلي
كان الفستان ب ٦ الاف صار ب ٢٠٠٠ شرته وحده من قريباتي لزواج حماتها
بس انا ماعجبني وباقي المحلات ماركات ولا موجوده فروعها بباقي المولات
احرصي ع الرياض مول والعثيم الربوه الجسر اللي بين السوق القديم والتوسعه

ياعمري والله ماقصرتي شورك وهداية الله صورة الشاشه عشان ماأنسى الأماكن 😘