اخوي وابوي

اخت سلسال انا سبق ورديت عليك في مواضيعك السابقة
ابوك السبب في اللي صار هو اللي تخلى عن ولده
هو السبب في العقوق اللي صاير
امك كمان لها دور في اللي صار وانت ذكرتيه في مواضيعك السابقة..ما ابي اعيده
لكن ابوك المفروض رجال وما يعطيها أذنه.. اجل ليش القوامة للرجال !!
ابوك الملام الاول ووصل الوضع لهذا المواصيل
ليه ما يكلم ولده ويحاول يصلح من خطاؤه!!
اخوك مجروح جدا ويحق له عاش مثل اليتيم ..وبينه وبين ابوه شارع فقط والله حرام😔
واصلييه انت روحي بيته عادي..واذا امه موجودة إيش المشكلة !!
اعزميه وخلي يجيك..مع الزمن ممكن يطيح اللي في راسه ويهدأ
لا تدخلي نفسك ..
لو مو عاجبك رفضه اتركيه في حاله افضل

مدري وش اقول
ابوي طيب كثير بس مدري ليه كذا صار معاه ومع اخوي
ابوي تعدل معاه شوي قبل كم سنة بس ذاك رافض وطارد الكل حتى اعمامي يطاردهم وعماتي
وابوي احس تنكسر نفسيته بسبب هالوضع ابنه يزور الجيران والناس الا بيت ابوه
والولدبقلبه حقد الدنيا على ابوي واعمامي وعماتي

عارفة والله
بس ايش اسوي ابوي الحين يبغى يصلح لي صار
يكلمه ويسلم عليه وذاك قاطع ومرت فترة تحسنت بس صار موقف او موقفين رجعو خربو كل شي ومن ضمنها ان ابوي كان مو راضي يتزوج من اقارب امه ويبغاه يتزوج بنت عمي وعلى اساس اتفقو وذاك رفض بالاخر وكسر بخاطر البنت
هو قاطع ابوي وماقام يجيه للبيت ابدا بعد ماتخرج من الكلية
يعني بيتنا ماقام يدوسه يمكن من سبع سنين
وامي مهما كان يبقى ابن ضرتها يعني قلبها مارح يصفى اتجاهه
انا موعاجبني رفضه اكيد لانه شي يزعل وللان بينه وبينا شارع واحد بس ويزور الكل الا بيتنا مايدوسه
احس الوضع تلخبط
المشكلة بعد ان اخوي يعامله بكراهية واختي تعامله بكراهية وتحرض زوجها عليه ومرة تصادم مع زوج اختي عشان مشكلة وبهذله بين الناس
اما انا وبقية اخواني علاقتنا فيه عادية ومتقبلينه
يعني الوضع بينا متلخبط

استغفر الله

يا اختي حتى في موضوع الزواج ابوك غلطاااان
الولد يحب وحدة ويجي يفرض عليه بنت عمه ليه !!!
ولما اخوك تراجع سوى شي طيب
انكسر خاطرها قبل الزواج وتراجع افضل من لو تزوجها و قعد يفكر في غيرها وظلمها من اول ليلة وهي ما تهنت !
بالنسبة لامك هو مو ولد ضرتها!
امه تطلقت وانتهى نصيبها وبعدها جت امك
يعني ما جمع بينهم ابوك وصاروا ضراير
ليش الكره !
ابوك دق باب امه وهو يحب امك
مثل لما دق باب امك بعد ما طلق امه !
الدعوة نصيب وبس
وحتى لو ضراير وبينهم مشاكل
اخوك ماله دخل تعامله كأنه لو كان امه
ولا تزر وزارة وزر أخرى
مو لازم تحبه بس تعامله مثل اي شخص عاادي
امك مالها عذر ابدا
الله يهديها يارب
وانت واضح فيك خير
المشكلة في ابوك وامك يا اختي
المهم انت تواصلي مع اخوك واتركي الموضوع للزمن لما يطيح الحطب وتهدأ النفوس ويجي يوم يتصالحوا