اخوي وابوي

معاها

صحيح يا اختي
انا هي صاحبة الموضوع
والله يا اختي سوا فيني اشياء هو وحرمته والله لو اقولها يمكن ماتصدقوني
عشت طفولة قذرة بكل معنى الكلمة
والى الان اعاني من تبعاتها ورغم انه صار عمري ٣٠ سنة الا اني يوميا اعيش بحالة نفسية يرثى لها بسببه وسبب حرمته وبناته الله لايسامحهم
والله عندي اصبع تورم وانتفخ بشكل مخيف على من كثر ما اتذكر واعض عليه من قهري
ورغم كل هالشي الكل يلومني ويقولي عاقة ولازم تبري فيه وانه حرمته وبناته تخلو عنه ويعقونه
وفوق كل هذا يطالبوني اني اخذ فلوس من زوجي وادفع ل ابنه عشان يطلع من التوقيف وابنه هذا كان يضربني ضرب بتحريض امه ويتهمني بشرفي ويخليني خدامة له
والله مرة قعد يضربني بالليل ضرب مبرح وامه واخته واقفين يناظرون ويقولون له اي بعد واقوى ويتهموني اني مو شريفة ومو بنت وكانو يسعون لطلاقي من زوجي بس كذا لانه زوجي غني ويبغون يزوجوني لواحد مدمن وفقير
شوفي القهر
والحين يقولون لي اخوكي ولازم تساعديه ومهما يبقى اخوكي وعضيدك
اي عضيد الله يلعنه وجعله طول عمره بالسجن
مايحس بالوجع الا صاحبه يا اختي والكل يلومني

وليه يا اختي
ما انا شفت الويل منه
خلي بناته طيب ينفعونه كل واحدة ياطول لسانها معاه الحين وانواع العقوق
هو ايش سوالي عشان انا اصير اعتني فيه
تدرين اني قايمة ب ابو زوجي وام زوجي وشايلتهم فوق راسي
وافرح من كل قلبي بخدمتهم لانهم ماعاملوني الا بالرحمة والمودة وتكفيهم رحمتهم ب ابني
هو لما كنت ازورهم وابني معاي يسخرون من مرضه وخصوصا ابنه
والحين ابن ابنه مريض سبحان الله وابوه مسجون
مستحيل ابر فيه ولا لي علاقة فيه
هذا كله نتيجة ظلمه خليه يحصد لي زرعه

تقريبا كان وضعنا انا واخواتي واخواني كذا
تطلقت امي بسبب زوجة ابوي ظلمتها. وبسبب ابوي نفسه
كان غير عادل يحب عيال زوجته الثانيه وطاير فيها
واحنا مهملنا ومطنشنا وحتى بعد الطلاق اخواني انقسمو قسمين قسم الصغار مع امي والكبار عند ابوي
الصغار 4 كانو عند امي م يصرف عليهم فتره طويله كانو اهل الخير يعطون امي وجدي الله يرحمه رفض امي تروح المحكمه وتاخذ حقها اشتغلت امي فتره بمدرسه وكأنو يعطونها بالشهر 500 ومع اهل الخير كانو يرسلون اكل وفلوس.
اما احنا كنّا عند ابوي ولد وبنتين شفنا انواع القهر بسبب كان زوجة ابوي حتى التلفزيون ممنوعين منه مرا اخوي طلب سكين يبغى يقطع شي اتهمته انه بيقتلها كان عمره 14 وأبوي طرده من البيت جلس عند المحطات ينام بالشوارع لين قلت لعمي وراح دوره وجابه. كمان مرا عيالها رمو علبة مويا ع التلفزيون وطلع شرار قالت البنات ناوين يقتلوني
لو نطلبها دقيق تزعل كنّا نطلب الجيران وأبوي كل م قلنا جيب قال عمتكم روحو لها تعطيكم واذا رحنا تطردنا وأبوي م يصدقنا لانها تالف علينا اكاذيب حسبي الله عليها ونعم الوكيل سوت أشياء تشيب شعر الراس خلاصة الكلام
ابوي تعب قبل كم سنه انقسمو اخواني واخواتي اللي من امي وابوي قسمين بعضهم برضو فيه مِن حن عليه وزاره وطلب رضاه وفي من يروح مجامله ولا يحرك ساكن اخواني واخواتي اللي كانو جالسين عند امي يقولون ابوي ب الاسم فقط م نحمل
له ذرة مشاعر لان تركنا عند خوالنا ولا يصرف علينا غير الناس يتبرعون لنا وامي وجدتي الله يرحمها وخالاتي كانو يجيبون ملابس واكل للمعلوميه ابوي تاجر ومشهور بالمنطقه وعنده خير كثير م شالله بس كنّا محرومين منه ولليوم بعد محرومين
اللي عايشين معاه احنا نحبه ونموت فيه مع ان كان قاسي علينا بعد ونشوف التفرقه بس كنا نشوفه ب استمرار
خلاصة كلامي اللي بعيد عن العين بعيد عن القلب
يمكن لو كان عايش معاه لو قاسي اهون من تاركه ولا يزوره
دارت الدنيا سبحان الله
اللي رباهم وتعب عليهم ودلعهم وحبهم من كل قلبه تركوه
ويتلفظون ع ابوي ويهددونه بالسجن ويهددونه الحين بتجميد أملاكه واشياء تشيب الراس
وواحد قبل اسبوع ابوي دق عليه يقول لابوي ياكلب
والثاني يرمي ع ابوي تراب
والثالث يفحط ع ابوي قدام الناس
واحد متهم ابوي انه دخل شقته وسرق فلوس فوق الدولاب
ترى كلها اكاذيب بس بيقهرون ابوي
وبعد ثلاثين سنه ابوي تو اعترف يقول م نفعني وقام فيني الا عيالي من فلانه اللي طلقها وتركها

والحين كيف علاقتك مع اخوانك من ابوك
وابوكي ايش وضعه الحين معاكم
وزوجة ابوكي لسا عايشة