إلي متزوجة وعقلها واعي هي بس إلي تدخل !!

فيه مثل عندنا يقول الجاره الرجل موالمره فذالك يرجع للرجل وضميره فاغلب الرجال يمشون على شهواتهم وراحتهم وبس

أولا: قال تعالى "فإن خفتم ألا تعدلوا فواحدة" فالعدل شرط ضروري لزواج..
ثانيا: نفس المرأة مجبولة على كراهة التعدد وكانوا أمهات المؤمنين كذلك..
ثالثا: لو لا قدر الله حصل ذلك فهذا قضاء من الله سبحانه وواجب علينا الرضا بما كتبه الله..
رابعا: الرجال إذا أرد التعدد فلن يفكر إلا في نفسه..

تصدقون احيانااقول معليا اذا زوجي تزوج علي لانه بيكون مستشيرني واحيانا اقول في نفسي اني هبله
لكن له كم يوم يقلي الموت والموت عندها قلت في نفسي عندي يتزوج ولا يروح عني ويتركني الله يحفظه لي ولعيالي ويحسن خاتمتنا جميعا

والله كلامك يااختي مقنع جدا00يجب ان ننظر للتعدد من منظور ايجابي00اي انه سوف يفيد المجتمع ككل 00يعني مااعتقد فيه بيت الا وفيه عانس او ارمله او مطلقه00يعني الكل راح يستفيد00ولكن المشكله في نظره المجتمع للزوجه الاولى لانه ينظر لها على انها مقصره وان البساط سحب من تحتها وانه سوف يدلع الجديده ويهجرها00وان الزوجه الثانيه مخربه بيوت لاتحب الا نفسها00يعني حتى لو كان الزوج حريص على العدل 00والزوجه الاولى موافقه على زواجه 00والزوجه الثانيه متقبله ان تكون صديقه للاولى 00المجتمع لن يتركهم يعيشون بسلام

ترى محد من رجلنا بيصر الحاج متولي بالعدل والمساواه بين زوجاته

انا لو زوجي بينصفي مثل الحاج متولي انا ازوجه والله واختار له بنت الحلال

وبنفس الوقت انا ارتجى زوجي عشان يتزوج علي
لان ما عندي عيال وتعبت من العلاج لكن رحمه الله واسعه
وقلت له تزوج هذا شرع الله وحلال وشوف عيالك وانا ارد لاهلي هني هو عصب
وبعد مرور السنين قلت له تزوج وانا اتم على ذمتك هو سكت
وانا الله يشهد علي اني صادقه بهل كلمه وابي له الخير
وكلمت امه واخواته وقلت لهم شوفو حرمه لولدكم
رغم امي هني هي تطوعت له بالحرمه وزوجي علاقته مشالله جيده باهلي وامي ويحبوه اهم بعد
وهل سالفه كلها قنعتني فيها امي قالت هذا حلال وخليه يشوف عياله
والمشكله ان اهلي واهله يدرون فينا نحب بعض حد الموت والجنون وهذا الشي الي مخلينا نتمسك ببعض رغم مرور كل هل سنين بدون عيال مشالله تبارك الله

واخر مره فتحت فيها هل نقاش كان شهر 8 الي طاف بعد اخر اسقاط لي
وهو الرجل يقول انا ما ابي عيال الا منج
وهي صارت مشكله كبيره انا ابيه يتزوج وامي تبيه يتزوج واهو واهله ما يرضون
يعني صار عندنا العكس

لكن قبل اقل من اسوبع قلت له كلمه وللحين استغفر ربي عليها
قلت له انشالله ما تشوف العيال الا مني
واذا انا ما خلفت لك عيالك انشالله عمرك ما تشوفهم لو تاخذ الف حرمه
هو انصدم المسكين بس ما قال ولا كلمه
قلت له شوف اذن انت تبي تتزوج علي وحاط هل نيه في راسك

وهل موضوع يوم نتكلم فيه ويوم نتكره

لكن لما كتبت للبنات هني بالمشكله قالو لي انتي هبله وانتي متخلفه وانتي وانتي ..... الخ
والي تسويه غلط وبعدين بتندمين وهل سوالف كلها

لكني اقسم بالذي لا اله الا هو الحي القيوم
ان زوجي لو قال لي بتزوج والله وهذا يمين اتحاسب عليه يوم القيامه
انا ازوجه وارقص بعرسه بعد واجهز له عروسه عشان يدخل عليها
دام اهو مسوي شي حلال والله انا اشجعه عليه

هو صحيح الغيره موجوده
وانا عندي حب تملك يعني الشي ابيه بس لروحي
لكن الي يريحه يسويه وانا معاه

بعدين بنات ترى الرجل لو بغى يسوي شي راح يسويه بدون علمج ومن وراج وانتي ما تدرين
فخليه قدام عينج احسن

وفي رجال سنين متزوجين على حريمهم وهن ياغافلين لكم الله