سؤال اخوي الصغير🤔🤔🤔

قولي بطني يوجعني والدكتور قالي انتي تعبانه لازم تفطرين

شوفي ي قلبي إذا كانت بنت ممكن تفهميها وتعطيها شوي معلومات عن الدوره وليش انتي فاطره بس هذا ولد عادي قولي له انا شوي مريضه وفهميه انو ربنا اباح الفطر للمريض بس بدون اي تفاصيل كذا افضل له وحاولي المره الجايه تكوني حذره ولاتاكلي قدام احد من الاطفال هو صحيح مافيه حرج بس عشان تتجنبي كثرة الاسئله منهم

قولي انا آخذ علاج ولازم آكل حاجه قبله ..والله سبحانه وتعالى يسمح عن المريض ..

اتفق مع رد هدوء بارد الله يجزاها خير

لا تكذبين عليه لكن بنفس الوقت لا تقولين له الحقيقه الصريحه بس قولي له مريضه عندي ألم واخذت بنادول او مسكن وافطرت وراح اقضيه بعد رمضان

واستشهدي بهذي الآيه :



(شَهْرُ رَمَضَانَ الَّذِي أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ مِّنَ الْهُدَىٰ وَالْفُرْقَانِ ۚ فَمَن شَهِدَ مِنكُمُ الشَّهْرَ فَلْيَصُمْهُ ۖ وَمَن كَانَ مَرِيضًا أَوْ عَلَىٰ سَفَرٍ فَعِدَّةٌ مِّنْ أَيَّامٍ أُخَرَ ۗ يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُون)
والافضل انك تحرصين ماتفطرين وتاكلين وتشربين براحتك والناس صايمه انعزلي بمكان مغلق

لانك حتى لو قلتي للطفل مريضه انتي كذا جالسه تجرينه لتساؤلات اخرى مثلاً وش مرضك وليش فلان مرض وما افطر او ربما هو ياخذها منك معلومه ان الافطار بنهار رمضان شي يتهاون فيه عشان كذا الافضل الحرص

اما بخصوص انك تعلمينه هو اكيد بيجيه يوم ويعرف كل شي من المدرسه او اللي اكبر منه من الاولاد

لكن مثل هذي المعلومات اذا كنتو عائله متفهمه وبينكم اساليب حوار واحترام ممكن تتدرجون في ايصالها للطفل بطريقه علميه حسب عمره مثلاً ان الله خلق البنت غير عن الولد وان البنت الكبيره هي اللي جسمها يحمل الجنين ويغذيه اذا كانت متزوجه وان الله سبحانه وتعالى كل شهر يجهز البطن لهذي المرحله واذا ماصار جنين البطن ينظف نفسه وبنفسه وبهذا الوقت البنت الله اباح لها ترتاح لان بطنها يعورها او ممكن تبسطين المعلومه اكثر من كذا حسب اسلوبك وحسب قدرته على الاستيعاب .

وترى ممكن يكون مر عليه معلومه او سمع ناس يتكلمون وبس حاب يتأكد مثلنا يوم كنا صغار نسمع الحريم الكبار يسولفون عن الحمل والولاده والدوره بس مانعرف تفاصيل ومع الوقت صرنا نفهم .

مشكورين 🌹
استفدت منكم وبعمل باللي قلتولي عليه😙