زوجي مطنشني

انا يا بنات اللي خلاني ارسل له الكلام اللي قبل يومين لان حسيت الفتره الاخيره زوجي كأنه متغير وما صار يسال عني مثل اول ولا يتصل لمن اكون بعيده الا اذا انا بديت ، عشان كذا انفجرت فيه هذاك اليوم وصار اللي صار

انتي الكلام ضايع معاك يا خسارة الردود اللي انكتبت لك في كل مواضيعك
قالو لك اثقلي انشغلي بنفسك وبحياتك لا عاد تتصلين كفايه ارحمي نفسك وارحمي الرجال
وترجعين مثل الـ طووووط تتصلين عليه من جديد عشان تبوسين الاقدام والايادي وهو يقفل بوجهك
تستاهليييين ليته يطلقكك ويتزوج حرمه ثانيه عاقله وناضجه تريحه من الهم والغم
اذا طلقك وتزوج غيرك وقتها بتحسين ان الحياه اعطتك كف ساخن يصحيك من التدلع والمصاخه والمياعه العاطفيه اللي انتي فيها وبتعرفين انك انتي اللي جبتي كل هذا لنفسك
وبتعرفين وش قد انتي ارخصتي نفسك واهدرتي حياتك في سخافااااات واحبك واشتقت لك من شدة الفراغ اللي انتي فيه وبتنصدمين زياده وبتكتئبين لانك فعلاً انسانه فارغه ومفرغه نفسك ومسخره كل حياتك في ملاحقة ذكر تتوسلين رضاه وتشبعين فيه فراغك وهو حامت كبده وصار يبعد عنك والقادم اقوى بإذن الله

انتي انسانه تنرفزين وتستفزين كل انسان عاقل سوي كيف هالانسان اللي مرتبطه فيه ؟!!
جد انا اشفقت عليه الله يعينه ويرزقه زوجه عاقله ناضجه تريحه من الهم والغم

وبس احب اقول مو بكيفك تحددين اذا يومين كفايه او لاء

لاني لو مكان زوجك ابي الفكه منك لو شهر قدام ازين نفسيتي واتعوذ من الشيطان لاني احس في كل لحظه اعيشها معاك اني خلاص ابي اطلق واقفل الطريق معاك لكن امسك نفسي واكبر دماغي عشان كذا البعد افضل لعلك تراجعين نفسك وتصرفاتك وتعرفين اخطاءك وتطورين نفسك وشخصيتك المزعجه المنفره

وبعدين خير ياطير لو كان يعرف بنات غيرك !!
مراقبتك له احتياطياً ومداهماتك له بالواتس يقال لك بتقفطينه ماراح تغير شي من الواقع

شوفي امك وابوك ، وعمك وزوجته ، وخالتك وزوجها وكل الناس المتزوجين بالعالم

هل يسون مثلك طول اليوم رجالهم لاصقين تحتهم وماغير يرددون احبك واشتقت لك !!!
اكيييييييييييد لالالا

الحياه الزوجيه والبشريه اكبر واضخم واعمق من السطحيات والخرابيط اللي حاصره حياتك فيها

الواحد يطفش كل يوم تبينه يعطيك على جوك ويتفرغ لك ويترك حياته ويمثل معاك مسلسل تركي حب وغرام وهيام ويقول ما اقدر على بعدك واشتقت لصوتك ولا تمر دقيقه الا اكلمك واشبع منك !!! . . استفراغ غثاثه

اصحي يرحم والديك

ابحثي عن ذاتك اللي اقصيتيها ودفنتيها وسخرتي نفسك وحياتك تلاحقين مخلوق

روحي لصديقاتك سولفي معاهم

زوري اهلك واقاربك شوفي اخبارهم وعلومهم وكيف عايشين كمتزوجين طبيعيين

ابحثي عن هواياتك وطموحاتك ومارسيها

شوفي دينك وعبادتك اختمي القران وصلي التراويح والقيام وادعي ربك يغفر لك مغالاتك في حب مخلوق اكثر من حب الخالق



متأكده ان ولا حرف من اللي كتبته بيحرك فيك شعره وان كل همك ان زوجك يعطيك وجه

لكن لعل وعسى يجيك يوم تتذكرين كل كلامنا وتاخذينه درس واتمنى ان هالدرس مايخسرك شي غااااالي

ياحبيبتى الواتس بيعمل مشاكل اتصلى بيه واكلميه افضل وصلى على النبى كتيررر وربنا يسسرلك امرك ياارب

شكرا لردك،، طبعا كلامك صحيح وفهمته وان شاءالله راح اتغير ومعد اتصل ،،، لكن انا مو كل يوم كذا ارسل واتصل لاتفهموني غلط ،،، هو بس لمن حسيته تغير علي وبعد صبرا ايام كثيره على تغيره وجفاه ، انفجرت عليه وجلست ارسل واعاتب ،،،