زوجي مطنشني

انا ما راح اتصل ولا راح ارسل ، و بس حبيت اخبركم عن اخباري واخذتوها ضحك وتريقه

تعرفين اللي من قهره ونرفزته يضحك ؟
انتي طاقتك مره سلبيه تجيب الضيقه والنكد لدرجة ان اغلب الردود او كلها حسو بهذا الشي واستفزهم اللي تكتبينه عن نفسك واسلوبك وطريقتك بالحياه

انا الحين افكر اذا احنا بعيدين وكذا حاسين اتجاهك والله ثم والله ما ألوم زوجك يوم يحظرك لانه تعب منك اسلوبك وطريقة تعاملك وحياتك تهدر الطاقه وتسحبها وتخلي الشخص متكدر ومتضايق

لا تظنين ان اللي يردون عليك مبسوطين وشامتين فيك بالعكس مقهورين عليك ومشفقين على وضعك وحاسين فيك انك جالسه تعذبين نفسك بنفسك

الله اعطاك حياة واهل واقارب وعافيه لكنك حاصره حياتك وتفكيرك ومشاعرك كلها في هذا الزوج ان رضى ارتحتي وانبسطتي وان زعل سخطتي وسويتي استنفار وقلق وتركضين بكل مكان تشهقين بطاريه
لدرجة انك تحسبين الدقايق والساعات وتراقبينه وتنتظرين اللحظه اللي يفك الحظر عشان تركضين له وتنطفي نارك اللي ملتهبه ومشعلله ليل نهار ماتنطفي !!!

بالله عليك متى اخر مرة ختمتي القران او قرأتي سورة البقره ؟
متى صليتي اخر الليل ركعتين وجلستي تدعين الله ؟
متى اخر مره طلعتي لاهلك واستمتعي وضحكتي معاهم بالساعات بدون لا تفتحين جوالك او تفكرين فيه ؟
متى طلعتي تمشيتي وتسوقتي مع صديقاتك وقريباتك وجلستي بمطعم او كوفي لحالكم بدون لا تفكرين فيه او تجيبين طاريه او تشيكين عليه بجوالك ؟

اجلسي راجعي نفسك انتي أسرفتي في علاقتك وتعلقك بهذا الزوج لدرجة انك باقي شوي ويصير هو اللي تعبدينه استغفر الله اصحي من غفلتك

لو ان علاقتك في زوجك طبيعيه والله ماراح تكونين بهذا الحال وكل كم ساعه تكتبين رد انه ما اتصل ولا شال الحظر كأن صبرتي اسبوع ثم جيتي تكلمتي عنه بس غصب عنك تدورين اي شي يربطك فيه ويحسسك انك عايشه وتتنفسين هواه حتى لو كان مجرد الكلام عنه

ماراح تفهمين كلامي لانك عمياء بالحب المرضي التعلقي ومتى ماوعيتي لنفسك بتفهمين قصدي وبتعرفين كيف تسيطرين على وضعك

انا يا بنات تشوفوني وضعي كذا لان خايفه يكون عنده وحده يكلمها ومصبرته عن السوال عني عشان كذا تشوفوني مكبره الموضوع ،، انا اشغل نفسي الحمدلله ولا تحسبون وقتي كله افكر فيه وانتظره ،، لكن تجي اوقات افكر ان عنده وحده غيري

والله منجد نحن مقهورين عليكي ليش تعيشين نفسك هذا العذاب والنكد
وانتي عند اهلك يعني بأمكانك تسوين اي شي يسعدك بعيد عن زوجك اللي ماخذ كل عقلك
اخرجي وانبسطي ولا كانه موجود بالحياة ارجعي لايامك زمان قبل ماتتزوجينه كيف كنتي مع اهلك وصديقاتك مبسوطة
لاتنتظرين اتصال ولا رسالة منه لو يبى حيجي من نفسه خليكي حمامة خفيفة وتطير براحتها وين ماتبى لاتكوني متقيدة بزوجك الجبان الهارب 🙂🤷🏽‍♀️
يارب انك تفهمين 😭😭😭

طز خلاص واذا عنده وحدة غيرك اش بتسوين خلاص محد قلك تتكلمين معاه وتقولين له عندك وحدة غيري
الانسانة لما تعرف ان زوجها يكلم وحدة غيرها تسكت احسن لها من المواجهه عشان لايصير كل شي قدام وتموتي الف مرا باليوم 🤓