هنا نستقبل اسئلة الاخت الفاضلة الدكتورة نجلاء محمود..

دكتوره ما في حليب غيره...تنصحيني به...

لأني الصراحة مقاطعه حليب نيدو...وأصلاً ما أفضله

مرحبا دكتورة
رجعت مرة ثانية
بنتي بعد ما رضعتها الساعة 9 ما جت الساعة 10 الا وهي ميتة صياح تبي ترضع
ابي اعرف هذا طبيعي او لا
للعلم هي ترضع طبيعي وصناعي لكن الصناعي اكثر

مرحبا دكتوره
عساك بخير
دكتوره انا بنتي عمرها7شهور صحته بشكل عام زينه من امس مزكمه
جبنالها من الصيدليه علاج
كتبلها الصيدلي شراب ساين-اب لعلاج الرشح والحساسيه
مصري الصناعه
الجرعه 5مل 3 مرات
ونقط انف اوترفين للاطفال 3 مرات
امس عطيتها اليوم شفت النشره للشراب لقين الجرعه للاطفال سن سنه
نص ملعقه شاي 3 مرات
وبنتي 7شهور كتبلها5مل
احسه مره زياده فوقفته اليوم قلت اسالك اول
شورايك في العلاج والجرعه هل استمر عليه ولا لأ؟
وبالنسبه للقطره شكيت فيها بعد ما شفت الشراب
الحين انصحيني شو اسوي بالنسبه للقطره والشراب
الف شكر

السلام عليكم
عندي بنت عمرها سنة وشهرين أغلب الدكاتره ببريطانيا حيث نقيم حاليا يوصون باعطائها حليب طازج وهي تتقبله أكثر من غيره ،صحتها الحمد لله جيدة
ما هو رايك بالموضوع؟ وبعدين هي تصحا من النوم بالليل يمكن مرتين أو ثلاث طبعا تبغي ترضع وأنا أرضها طبيعي خاصة بالليل فهل هذا جيد لها أم أعودها على النوم المتواصل بالليل أفضل ؟ وإن كان النوم المتواصل أفضل فكيف؟
وعندي بنت عمرها سنتين وأربع أشهر من حوالي ستت أشهر وأنا أحاول تتريكها الحفاظة وفترة كانت ضابطه نفسها وتطلب الذهاب للحمام بس في الوقت الحالي صارت ما تتكلم إلا بعد ما تبلل نفسها ، مب عارفة كيف أتصرف معاها؟ مع العلم إني ألبسها حفاظة وقت الخروج والنوم فقط.

دكتورة لو سمحت ..
بنتي عمرها 5 شهور ونصف ..
معاها اسهال وترجيع من يومين ..
ومن امس الليل ارتفعت حرارتها ..
لما ترتفع الحرارة اعطيها تمبرا والحمد لله تنزل ..
بس بالنسبه للاسهال والترجيع ماوقف .. ومو قادرة تشرب حليب ..
اعطيها بعد كل اسهال محلول جفاف 40 مل ..
مع العلم انها ما تاكل شي ابدا وخايفه عليها ..
وزنها الحمد لله 8 كيلو و300 غرام ..
ترضع صناعي اس 26
عملتلها تحليل للبراز طلع سليم الحمد لله ..
معاها كحه وعطاس خفيف
بايش تنصحيني يادكتورة جزاك الله خير