ماهو ألطف شيء فعله لك شخص غريب؟

مره خرجنا السينما وزوجي بركن السياره بالشارع
وخرج بسرعه يلحق حجز التذاكر ...وانا مع عيالي وبيبي بالعربيه الا فجاه نزل مطر وانا أغلق على البيبي بسقف العربيه عشان مايتبلل ..الا شخص نازل من السياره ويفتح المظله ويحطها على البيبي ويمشي حتى ماامداني اشكره ...جزاه الله خير واسال الله ان يفك كربته وين ماكان..

داكرتي تخوني بس في موقف من كم شهر... انا ما تعودت على زحمة المواصلات.. خاصة فاوقات الدروة..

جائت صديقتي لاسطنبول وزرتها و هات يا تسوق طبعا.. المشكل ان المكان لي رحنا له فاخر المدينة من طرف و انا اسكن فاخر الطرف التاني.. مشوار ساعتين بالعربيه.. و التاكسي صعب الاقي وغير كده غالي... فركبت في الترام مثل الطفلة التائهة مو متعوده عالزحمة يا ناس... و ايدي مثقلة و انا اكره ما علي احمل شي تقيل حتى اني كنت اروح المدرسه بدون كتب.. المهم اول ما طلعت شاب اعطاني مكانه اجلس... رغم ان كان في ناس كبار وناس كثير لكنه اسر اجلس... حسيت لحظتها ان ربي حاميني.

انتهى شحن جوالي وأنا بالحرم بعد العمرة
وأحتاج أتصل على زوجي أشوف وين مكانه
حتى نطلع
وطلبت من كذا وحدة بخجل شديد وكلهم اعتذروا
الرابعة طلبتها وناوية أشرح وضعي وقبل لا أتكلم عطتني جوالها
وكبرت تصلي .. واثقة فيني وهي ماتعرفني .. ردت كرامتي
وإلى الآن أذكرها كل ما اعتمرت وأدعي لها❤️
الله يسعدها ويرفع قدرها ويفرج لها ✨

أنا كنت عايشه بسوريا قبل الحرب وأدرس ولا أقدر أرجع بلدي لان فيها حرب كمان. وسبحان الله فجأه لقيت مجموعه بنات أعرفهم وعوائل طالعين على تركيا للهجره على أوروبا . إستخرت وطلعت معاهم . وفجأه في الطريق قالوا بننزل من الباص وحنمشي مسافه ونطلع الباص عشان لا نواجه شرطة الحدود . وطلع المكان بحيره كبيره لازم نقطعها ولا أعرف أسبح .والكل عبر مع أهله ووقفت أنا وصحبتي ما عندنا أحد على الشط والدموع اربع إربع هههههههه.
والله وفجأه رجع لنا شاب وأخذ شنطت الظهر حقتي وقالنا كل وحده تمسك في طرف يعني يمين ويسار وعبر فينا والمويه وصلت لخصرنا وهو يشجعنا . وشال شنطتي طول الرحله . الله يسعده كلما أتذكره أدعيله من قلب .

جبت صالونه بالبيت تنقش لبنتي بالعيد ... وخربت بنتي تخريب والنقش والله تقل خربشة عصفور ...قلت لها دامك ماتعرفين تنقشين ليش تكذبين وتقولين اعرف... وبنتي صار شكل يديها مسخره... قالت اعرف انقش استفزتني بالكلمه حيل . قلت حق تخريب بنتي مالك ولا دينار يلا روحي ... هي تدري انها غلطانه قالت زين وراحت ... المهم قبل تطلع ناديتها وعطيتها حسابها لوجه الله... رحت الصالون بشوف حل لبنتي ... دشيت زحمه حيل .. قامت وحده عطتني دورها قالت خلاص سوي بنتك انا بسوي شعري... جيت ابي احاسب مامعي فلوس موقف صعب ...وزحمه قدام تلحريم استحيت ... قالت وحده انقشي بنتها ع حسابي...سبحان الله ... نفس تللي عطيته الصالونه هذيك. دقعته عني الحرمه الله يجراه خير .... سبحان الله عمل الخير ‏د