السلام عليكم
صبحكم الله بالمسرات
حبايب قلبي ابي حل للزوج البيتوتي كيف تتعاملون معه
كيف ادمجه مع المجتمع لاني والله تعبت
زوجي24 ساعه متقابلين لبعض
من الدوام للبيت ومن المسجد للبيت
تعبت مااروح ولا اجي ولا زيارات ولا طلعات حتى المكالمات مااخذ راحتي اذا بكلم امي او اخواتي مااقدر اكلمهم
ولا اهتم بنفسي ولا اطفالي
استانس اذا طلع لو نص ساعه من البيت بس يصير فيها مكالمه
نظامه تطلعين معي وتجين معي مافي مجتمع تحتكين فيه ولا جيران ولا اهل
😢😢😢 متخلين اننا عايشين مع اطفالنا معزولين عن الناس
حتى اهلي اذا رحت لهم يكلمني عندهم بالساعات اذني صرت مااسمع زين بسبب مكالماته
اقسم بالله اهلي يطفشون مني اجلس عندهم بس خمس ايام نصها يروح بالمكالمات ولما يدق وماارد تروح مشاكل
يروح لاي مكان سوا مراجعات او دوامه يكلمني بالساعات يعني بمجرد ماافرح انه طلع من البيت الا يدق ع الجوال
حاط في راسه انتي كل شي بالنسبة لي
انا مليت منه ومن طريقته احس اني مخنوقه
من جد ابي حل
الي ازواجكم بيتوتيين ومالهم اصحاب نهائي وعيالك صغار كيف تتعاملون معهم
لا تقولين اجلسي معه وفهميه جلست معه وتناقشت معه وفهمته بس مو راضي يتغير طبعه
شاركي في النقاش
سجلي الدخول لإضافة تعليق.
التعليقات
35- نفس المشكله كثير يقولون ليتنا مثلكم لكن خير الأمور الوسط خلاص احس ودي بمساحه خاصه فيني الحل ان كثر الدق يفك اللحام انتي عوديه ولا تستسلمين🥴
المشكله زوجي من النوع اللي ينقد يعني اغلب وقتنا ناقر ونقير 🤦🏻♀️ - على فكره انا اكره هالطبع لان احس فيه انانيه انه يتملك زوجته كأنه خايف انها تطير وما ترجع بالذات اذا المعامله مو قد كذا
- والله المعامله مو قد كذا اخلاقه تعبانه اهله مايحبونه من تصرفاته
تصرفاته تصرفات احمق لانه مايحتك بالرجال وياخذ خبرات او يمارس انشطه او رياضه
بس جالس بالبيت وحتى شغل البيت لا تشتغلين اجلسي قابليني واذا جلست عنده جلس ع جواله بس اهم شي مااغيب عن نظره ولا اكلم احد حتى اطفالي مايبيهم ولا يبيهم يزعجون
او تلقينه نايم
تعبت صراحة من هالموضوع حتى الناس تستفيد من الاجازة الصيفية وحنا مكانك سر نفس نظامنا بالمدارس وهاجرين المجتمع هجر كلي 😭 حتى المناسبات مانحضرها والا المهرجانات 💔💔 - الان متزوجة لي ثمان سنوات ع هالحال واشوف افضل حل انه يتزوج وحدة ثانيه
عشان يوم كامل ارتاح واخذ راحتي بكل شي نفسي فيه
انا كنت اجتماعيه والان اخاف على نفسي من الاكتئاب
هل تشوفون الحل هذا صائب - هذي خنقة مو اهتمام.. ومو قضية بيتوتي البيتوتي يعني يجلس في البيت اغلب اليوم لكن يقضيه في أكثر من حاجة.. وانت بالعكس خذي راحتك وخليه بكيفه.. وإذا ناداك مو حاضر وطيب تنطين له.. قولي مشغولة.. شوية واجيك خليه يعرف انه بس هو همك الأول والأخير.. عندك اهتمامات ثانية.. وإذا زعل بيزعل مرة واثنين وبعدين يتعود ويطفش ويطلع من البيت..
مواضيع مشابهة
تابعي تجارب أخرى من هذا القسم.