مرحبا بنات بتكلم معك بموضوع
جالسه احس الله يعوضني انا عمري ٢٩
امم
شكلي جدا جدا جدا جدا اقل من عاديه ودخلت
مرحله عدم ثقه وتنمر من اهلي ومن اللي حولي
فشلت بدراستي ولا استسلمت كملت دبلوم
وتخرجت السنه هذي
خطبني شخص يختلف عنا ١٨٠ درجه
اهله ناس فوق مادتهم ممتازه
وهو وظيفه وشكل يعني يقدر يجيب احلى بنت
اللي صار انا كنت احط عند محل اسر منتجه
وكان هو وصاحبه اصحاب المحل وكان يتواصل
معي لما يبغى يطلب او يخلص الطلب
المهم خطبني عن طريق الشي هذا ماودي ادخل
بالتفاصيل بزياده واقول السالفه كامله
فيه عدة نقاط خايفه منها
واتمنى المتزوجه تنصحني
اول شي شكلي شكلي خايفه يحتقرني
او يكرهني او كم فتره ويخوني بسبب اني
مو زي البنات وشكلي اقل من عادي وكلي عيوب
وهو عكسي احلى مني بكثير
ثاني نقطه اهله مجتمع جديد
ناس فوق حنا بسيطين جدا واقاربي بسيطين
كيف بتعامل معهم كيف يحبوني واحبهم
مقوله سمعتها من اكثر من بنت متزوجه
اذا حبوك اهله الولد بيموت فيك
واذا اهله وامه بالذات ماحبتك
انسي الولد يميل لك حتى لو تشغلين اصابعك شمع له
انا هالشيين مخوفني
شكلي واهله
ماعرف كيف اتعامل معهم وشكلي خلقه مافيني ثقه فيه
احس بس الحلوه اللي لها حظ وزوج يحبها ومدلعها
لكن انا احس حتى لو اخذني فتره ويخون او يكرهني
بسبب شكلي وبسبب الجمال اللي يشوفه ببعض البنات
شاركي في النقاش
سجلي الدخول لإضافة تعليق.
التعليقات
13- اول شي و قبل كل شي عززي ثقتك بنفسك لان اذا كنتي مهزوزه كذا محد بيحبك ابد حبي نفسك يحبونك الناس و ثاني شي استخيري و اتركي التدبير لرب العباد ممكن انتي تشوفين انه حياتك معه مو حلو و انه ماراح يحبك و و و لكن ربي اعلم ممكن يكون حالك افضل من مليون وحده جميله و بعدين ياعمري انتي مافيه وحده شينه فيه وحده ما عرفت تبرز جمالها بس اعرفي نقاط جمالك و اهتمي فيها بتكونين اجمل الجميلات فعين نفسك قبل عينه و اذا على اهله احترميهم يحترمونك و اذا على الماده لا تبينين له انك اقل منه مادياً و وكلي امرك لرب العالمين الله يسهل امرك و يجعله زوج صالح لك و يكتب لك الخير ❤️
- مافيه انثى موب جميله يابنت الحلال المحبه من الله موب من الشكل اهم شي الاخلاق والاسلوب جمال الانثى باسلوبهاواخلاقها وتعاملهامع زوجهاواهله اكسبي هاذي النقطه وسنعهافي بيتهاوالنضافه لهادوركبير واهم شى خليك واثقه من نفسك والله يرزقك ويوفقك ويكتب لك الي فيه خير
- ماراح تحبيه ويحبك بين يوم وليلة
العشرة تلعب دور وقتها تعرفي مفاتيحه وبأسلوبك وطريقة تعاملك ينجذب لك أكثر وأكثر
ويكفيك ان المودة والرحمة تكون بينكم وربي يتمم لك ع خير ويسخره لك
ذحين عيشي لحظتك ولا تفكري وتنكدي ع نفسك هو من طبقة وانا من طبقة وشكلي وشكله .. لاتخلي الشيطان يلعب ف راسك وتنكدي ع نفسك - عمرك يعتبر ناضج يعني مو صغيره29 حلوووو جداا
وانا اقول الجمال مو بالشكل
ترا ممكن تكوني كشخههه وتعرفي لنفسك ولشعرك
ولبشرتك بتكوني جميله ( مو كل شي الجمال)
اهتمي بنفسك وبنظافتك انا اشوف هذي اهم من الجمال نفسه
وعلى سالفة المستوى خلاص هو تزوجك هو راضي فيك
الرجال يعايرو على كل شي حتى لو ماحصل شي
يخلق شي عشان يعكر حياتك عالعموم مو الكل زي بعض
استخيري الله اولاا واخيررررا - البنات كفووا ووفوا في ردودهم الجميله
اهم شي خلي ثقتك كبيرة
اذا تحسي عندك عيوب ظاهرة ابدأي عالجيها
واذا زيادة في الوزن حاولي تنزلي وزنك
واذا عيبك في الشعر حاولي تجيبي خلطات واستمري عليها وكذا...
التوفيق والمحبة من الله ادعي دائما اذا كان خير لك هذا الزواج فييسره الله لك واذا كان شر فيبعده الله عنك
مواضيع مشابهة
تابعي تجارب أخرى من هذا القسم.