عقدتي بالحياة

مرحبا بنات
فيه مشكله معقدتني من لما كنت بثاني ثانوي
والحين عمري٢٩
بثاني ثانوي
صرت الاحظ وجود كم شيبه بشعري
وطنشت الموضوع
لكن كل سنه يتزيد لين صار مثل النار
غزى شعري
قسم بالله عمري ٢٩ وشعري كاني عجوز
عمرها ٧٠ كان فيني ٧٠ شيبه شويه
والمشكله بالمنابت وبطول الشعره كلها
يعني شفتو منابت الشعر
الجوانب عنذي كلها بيضاء الجوانب
بتقولون اصبغي تعبت شعري طاح ىتنتف من الصبغات
وخلقه شعري خشن وخفيف مو ناقص صبغات
هذا غير اهلي وقريباتي
اذا شافو شعري شهقو
قالو كلك شيب!!
كانه شعر عجوز
اللي فيهم شيب
وش تسون خاصه صعبه الصبغه
وصعبه الحنا لاني اسوي بروتين
وش الحل
قسم عقدتي

14 تعليق 1,500 مشاهدة

شاركي في النقاش

سجلي الدخول لإضافة تعليق.

التعليقات

13
  1. @aazof_27

    حطي حنا ثلاث ساعات وبعدين حطي عشبة الوسمة ساعتين
    تلقين الوسمة عند العطار
    طبعا الحنا من الليل حطي معه مويه وعشبة الوسمة حطيها ساعة مع المويه
    وكذا ترتاحين من الصبغات
  2. @sgayaa34

    لا تحطين حنا ولا صبغه لأنك حاطه بروتين..
    ممكن تحطين ربطه عريضه (بندانه) اذا كنتي طالعه من البيت وماتبينهم يشوفون الشيب..
    انتظري الين يطول وينزل البروتين اسألي الكوافيره متى ممكن تحنين شعرك... اذا خلص البروتين بعد سنه كذا أو سنه ونص لا تحطين بروتين ثاني حطي حنا معه نسكافيه عشان يغمق لونه
  3. @faith_5

    بصدم عيشتك 😂
    مرا احب الشيب ومنظره في الشعر..


    انا منابت شعري من قدام طالعه شعرات شيب احسها جميله وماابغا صبغات ََولا افكر اصبغ..


    ان شاء الله يفيدونك البنات..
  4. مين قال محد يحط حناء والشعر فيه بروتين
    انا احط بروتين في شعري
    واستعمل حناء فاتيكا رووعة اشتريه من الصيدلية
    وسعره 10 ريال ونص وشكل علبته مثل الصبغه
    ويجي عدة الوان اختاري الي تبين
    انا احط بني غامق ويطلع اللون اسود حلو
    تحطينه لمدة نص ساعة فقط مع تغطيته بكيس بلاستيك وتغسلينه بشامبو وبلسم
    لان حناء فاتيكا طبيعية وآمنه على الشعر
    واطمني ماراح يتأثر شعرك وفيه بروتين
    ادعي لي بالتوفيق

تابعي تجارب أخرى من هذا القسم.