تجمع مطبقات برنامج اندلسيه دودي لعلاج التوحد

مشررع امل فعلا فبه نقطه نبهتبني عليها اللي هي تركيب المكعبات انا دايم اركب وبنتي تحب تفكك كنت اشوفه غلط بس كنت اقول مو مشكله راح تشوفني ومع الوقت بتقلدني... وماقصرتي عزيزتي جزاك الله خير الجزاء معلوماتك قيمه وبتفيدنا اكيد....

الله يسعدك مشروع امل
ماقصرتي الله يجزاك خير
اللعب التخيلي موجود بالمرحله الرابعه ومايمنع نلعبها مع الطفل اذا بدا وعيه واداركه يزيد
انا العب معاه الالعاب اللي يحبها وكمان اعمل اعمال فنيه مع اولادي مثلا اجيب ورق ابيض اقصه دوائر كبيره بحيث انها تمثل الوجه واقص من ورق ملون حواجب وشكل فم زي الهلال وارسم الوجه فقط العيون والانف وبعدين نتحكم في تعابير الوجه عن طريق الحواجب والفم ..وجه غاضب 😠 ووجه حزين ووجه سعيد 😄
هذي اللعبه تعرف ابني عالمشاعر وطريقه التعبير
وبعدها صرت اعبر بوجهي والحين مستوعبها الحمدلله

مساء الخير ع الجميع كيفكم عزيزاتي... بسالكم يامهات انتو لما تطبقون المرحله الاولى تلعبون اغلب الوقت مع اطفالكم والا بس تطبقون التمارين فقط؟ اللي لاحظته انه بنتي اول اسبوعين كنت العب معها من اول ماتصحى لغاية وقت نومها مع تطبيق للتمارين حسيت بتطور ماشاء الله.. هذا الاسبوع الثالث تعبت كثير خاصه انها تبغاني الاعبها اغلب الوقت وانا شايلتها غير كذا متطلبات اخوانها والبيت فأحس حالي انهلكت فأحس هالاسبوع مافيه اي تطور لكن الحمدلله....وسؤال لما تتركون اطفالكم بعد التمارين ومثلا يسوون حركاتهم اللي يسوونها مثلا ضرب الراس بالجدار اورمي الالعاب تخلونهم والا عادي والا ايش تسوون؟ ومشكورات جميعا يعطيكم العافيه

هلا سارا
انا عن نفسي اطبق التمارين والعب معاه بالمعقول لعب مكعبات او استغمايه او اي شي يحبه
بالنسبه للسلوكيات مثل ضرب الرأس ممكن تحضنيها من ورا تحاولي تطلعيها من هذا السلوك بسلوك اخر محبب لها ورمي الالعاب ارمي معاها واضحكي كأنكم تلعبون جيبي صندوق وارموا الالعاب سوا في الصندوق

يعطيك الف عاااافيه نينا وربي يشفي طفلك وطفلتي واطفال المسلمين اجمعين يارب