ابني ضيع بطاقة الصراف حقة ابوه وانا متورطة

زوجي تارك لنا بطاقة صراف بالبيت عشان اذا تأخر برا البيت او سافر واحتجنا شي نصرف منها
الولد الله يهديه امس رسلته للبقالة يشتري اغراض وكانت معاه
اليوم ندورها وماحصلناها ابدا
قلبنا عليها البيت قلب وهو ناسي
مرة يقولي نساها بالبقالة ومرة يقولي طاحت منه ومرة يقولي يمكن بجيب الثوب
كلمت زوجي استفسر منه يمكن يكون شايلها هو وذاك قالي لا وبدأ تحقيق والولد لما عرف ان ابوه درا بالموضوع دخل غرفته وقفل على نفسه
مع انه هذي مو اول مرة اعطيه ياها لا كثير من قبل معتمدة عليه وهو حريص جدا بس مدري وش لي صار معاه امس
والبطاقة هذي مع العلم ضاعت مرة من قبل وطلعنا بدل فاقد
تتوقعون يعطونا وحدة ثانية والله يجيرني من لسان زوجي

14 تعليق 2,124 مشاهدة

شاركي في النقاش

سجلي الدخول لإضافة تعليق.

التعليقات

14
  1. @ghrb_alohdh

    عادي دايم تصير ماهي ذيك المشكلة .
    فقط يتصل زوجك بالبنك ويلغيها ..ودقايق في البنك يطلع غيرها برقم سري جديد ..
    لا تكبرونها الواحد غصب ينسى عاد مهوب ملاك ..والحمد لله ما نسى الصلاة والا البر بكم .


    وزوجك ذكريه بأن الإنسان ما سمي إنسان إلا لأنه كثير النسيان .
    ويعطونكم البنك عاشرة مو بس ثانية المصلحة للبنك في كسب العميل وخدمته
  2. @non_algmaaa

    لا بنك ولاهم يحزنون..
    الان في مكاين صرفات جديده بكل بنك
    زوجك يروح المكينه و يبصم و يجي رساله على جوله و تطلع له البطاقه
  3. @shb_oghyom

    خليه يدورها ويقول اللهم رب ضالة رد ضالتي عليا


    اذا فالبيت بيلقاها اذا مضيعها بره ماحيلقاها


    فالغوها عن طريق الهاتف


    وطلعوا جديده
  4. @hyooshh

    اول شي قولي لابوه بسرعه عشان يوقف البطاقه لان بعض الصرفات فيه الواي فاي يعني اللي يحصلها يقدر يستخدمها في الشبكات بدون الرقم السري
    بخصوص بدل فاقد الموضوع جدا سهل بدون بنك يروح لاقرب خدمه ذاتيه ويطلعها في اقل من عشر دقايق
  5. @doody_282

    تصير بكل مكان هالسالفه
    كبار وصغار
    يوقف البطاقه
    يروح اقرب صرافه ويطلع وحده جديده
    بدون مراجعة بنك وحوسه
    اهم شي الولد مايجيه شي لاضرب ولا صراخ لانه طبيعي جددا
    انا قد ضيعت صرافتي والأمور طيبه

تابعي تجارب أخرى من هذا القسم.