السلام عليكم
بنات انا شريت للمطبخ الارضية سيراميك لونين نص الكمية اوف وايت و النص الثاني بني خشبي بس للحين ما ركبوها ( كنت ناويه اسويها شطرنج بس غيرت رايي )... و حابه لون دواليب المطبخ غامج نفس اللي بالصور اللي حطيتوهم بالموضوع اللي ابهالرابط
http://forum.hawaaworld.com/showthread.php?t=710047
اشتنصحوني بطريقه تركيب الارضية .. اخليها كلها لون خشبي ولا ادخل الاوف وايت معاه ؟
خايفة اذا ركبت الدواليب والارضيه خشبي يصير المطبخ معتم
علما بان مطبخي 9 امتار في 4.5
شاركي في النقاش
سجلي الدخول لإضافة تعليق.
التعليقات
4- ليش ما تخلين اطار من الاوف وايت وداخله الخشبي على شكل سجاده او العكس علشان ما يطلع المطبخ غامق وياليت تنزلين صوره المطبخ اذا خلص علشان نستفيد
- انا مسويه مطبخي مثل ما قالت ليدي
من الاطراف فاتح والوسط بني مثل شكل السجاد
لون المطبخ خشبي غامق
وبين الدولاب الارضى والمعلق مثل الاهرمات بس بلونين البني والبيج ودرجة البني افتح من لون الدولاب ...
أنا من رأي الاخت ليدي
انا كنت بسوي مطبخي شطرنج بس أمي الله يخليها لي قالت مو حلو يطلع زحمه مره لو فيه فرق كبير بين اللونين- مشكورين و تسلموووووووووووون عالردود .. الله لا يحرمني منكم يا بنات حواء
فكرتكم حلوه يمكن احط بالاطراف ايطار فاتح و بالوسط مثل السجاده بني خشبي .. و الطوفه بين الدواليب فاتح
لاحظت من الصور المعروضه ان المطابخ الراقيه مايحطون لها زنار عالطوفه ... ( زنار هو البرواز او الايطار او الخط المنقوش )
و راح احط ان شاء الله جزيره بالمطبخ عليها اللوح الساخن و فوقه شفاط للسقف و بحط مغسله اضافية صغيره ( مثل الصور ) و ثلاث كراسي
انا للحين مارحت لمحلات المطابخ .. احب قبل ما اروح يكون عندي في بالي تصور ولو مبدئي للشي اللي ابيه و طبعا لما اروح اشتري احب اسمع راي اهل الخبره اللي يشتغلون .
لاني لما اروح بدون فكره ابالي... اضيع بالالوان والموديلات ولا اعرف اختار شي
و ان شاء الله اذا خلص المطبخ بحط لكم الصور
مواضيع مشابهة
تابعي تجارب أخرى من هذا القسم.