أم زوجي كرهتني حياتي
السلام عليكم جميعا عندي مشكلة يأخوات ماعرف كيف اتعامل معاها. أنا متزوجه صارلي ثمنيه سنين عندي الحمدلله خمسه أطفال كلهم صغار أكبر وحده بنت عمرها ٧ سنين وأصغر وحدها بنت عمرها ٩ شهور وعندي ولدين صغار وبنت عمرها أربعه سنين عايشه في منطقه لوحدي وأهلي بعيد عني كنت عايشه سعيده ومبسوطه الين ماترملت أم زوجي وجات تعيش عندنا زوجي ولدها الكبير وعندها أصغر منه في منطقه ثانيه المهم أمه مريضه عندها خوف موطبيعي من كل شي حولها تخاف تقعد لحالها بالبيت تخاف تنام لحالها تخاف من دخلت الحمام ولاتحب تطلع من البيت وماتبغانا نطلع نتمشى او حتى أروح مشاويري لو قلنا حنخرج مشوار تزعل وتتنرفز وتعصب وتقول انتم ماتبغوني طيب أنا أبغى أعيش حياتي بشكل طبيعي ماأقدر أحبس نفسي عشانها وفيها صرع كل شويه يجيها وأولادي يفزعوا منها وفوق هذا كله تحرش زوجي عليا تقوله في حريم أحلى من زوجتك بكثير وتقعد توصفله فلانه وعلانه من جماعتهم وتدخل بيني وبين زوجي تمنعه يساعدني او حتى يمسك معايا بنتي الصغيره لمن أكون مشغوله واذا شال السفره معايا تزعل وتصارخ وتسب وتقعد تدعي على عيالي وأنا ساكته ولدها مايقوله شي يقول هذه أمي وإذا شافتني ماسكه جوال زوجي تأخذه من يدي تقول حق ولدي انت معاك جوال وتدخل مطبخي وتشيل مواعيني وتعطيها بنتها تقول بفلوس ولدي تعبت منها اش أسوي كلمت أخواني ماسوا شي وانا أبويا متوفي وامي فيها جلطه تعبت منها ومن مشاكلها محبوسه معاها في البيت ومتحمله مرضها وفوق كذا كل يوم مشاكل وكل ذا وأنا ساكته شوروا عليا اش أسوي أطلق وألزم زوجي بمصر ف لعياله.