ابي افضل طريقة للرز المندي😖

في مطاعم يضيفون للرز شوي ملح صيني او يسمونه الماجي الابيض وهذا اللي يعطي الرز نكهه مميزه
وكثير من الناس ما يحبون يستخدمونه لان سمعو ان له اضرار وابعدو عنه


اما بخصوص طريقة المندي
دجاج منظف و مغسول ومنقوع 10 دقايق بملح وخل ثم يشطف ويتبل حسب الذوق بهارات مشكله وكركم وكزبره ناشفه وكمون وثوم بودره وبصل بودره وزنجبيل بودره وبابريكا وعصرة ليمون ثم حطيه على شبك يكون مناسب لدخول الفرن بحيث ينحط فوق الرز وكل العصاره تنزل على الرز
اما بخصوص الرز نظفيه واغسليه وصفيه
خذي قدر شوحي فيه بصله مقطعه شرايح او جوانح مع قطعه زبده تشويح خفيف ثم فليفله بارده مقطعه شرايح وشوحيها خفيف ثم بهارات صحيحه كامله اعواد قرفه وحبات هيل وقرنفل وورق غار واذا متوفر فلفل اسود صحيح ويشوح ثم اخر شي طماطم مقطع شرايح او ارباع ويشوح خفيف ثم حطي الملح والرز وحركيه ثواني ثم صبي مويه مغليه وذوقيه اذا مناسب او تحطين زياده ملح ..
جيبي صينية تنفع تدخل الفرن وتكون واسعه وعميق شوي تكفي تحطين فيها خلطة الرز بمويته ثم فوقها مباشره شبك الدجاج وحطيه بالفرن بالنص تقريباً وشغلي الفرن فوق وتحت
وممكن تتركين الرز بالقدر وتغطينه كويس بقصدير طبقتين فوق بعض ثم تسوين فيه ثقوب بالسكين وتحطين الدجاج المتبل فوقه وتدخلينه الفرن ساعه او ساعتين الى ان ينضج
واذا نضج ممكن تسوين له تبخير بقطعة جمر حطيها بقصدير داخل زبديه او صحن صغير وحطي الدجاج فوق الرز والنص قطعة الجمر وصبي فوقها شوي زيت وغطيه خليه ينكتم دقايق ثم قدميه بالعافيه

شكراً ربي يسعدك دنيا و اخرة و ييسر امورك و يرزقك الجنة و والديك🌹

مندي الدجاج طريقه ام يزيد التركستانيه يوتيوب روعه

هذي طريقه مندي زي المطاعم
تلاقينها بمواضيعي