شاهي وقهوة جارتي

سكنت جنبي جاره جديده بالعماره اللي جنبي عروسه جديده ماخذه لها واحد كبير زوجته متوفيه وهي مي صغيره عمرها بالثلاثينات وأول ماسكنوا جاء زوجي وعزم الرجال وجانا بين مغرب وعشى وتقهوا عندنا وسار كل كم يوم يتحرش بزوجي بعد الصلاه لين يجي ويتقهوا واضح يعني انه يبي يدخل عندنا وزوجي يقول ذا الشايب مدري ايش سالفته كل يوم عند واحد من الجيران يتقهوا عاد اليوم اجازتي من الدوام قلت خل اروح ازورها بعد الفطور اخذت ثلاجة قهوه وحلا وفطاير ورحت ازورهاوكان عندها كم وحده من الجيران سلمت المره حليلهاواستقبالها ايش زينه شوي جابت القهوه وصبت من ثلاجتها ياربي قهوتها ماتنشرب بمعنى كلمه ماتنشرب ماطبخت وخفيفه واللكل سار يتقهوى من ثلاجتي وثلاجه وحده من الضيوف وشوي جابت الشاهي يالله ما احد منا قدر يكمل الفنجال مره طعمه عجيب لونه زين بس فيه طعم وطلعت من عندها وجيت البيت افكر اقول ياحليله رجلها اكيد انه بين المغرب والعشى يدور احد يتقهوى عنده وده بالشاهي والقهوه الزينه عاد ضن مو اكيد طبعا ونط عرق الفزعه عندي اعلمها والا اسكت رحمة الشايب طبعا يمكن يكون مو صحيح بس صدق قهوتها وشاهيها مره مدري ايش ذاك الطعم اللي فيها