شاركي في النقاش

سجلي الدخول لإضافة تعليق.

التعليقات

483
  1. شام
    مرحبا عزيزتي نايس سميل : مقادير حشوة المعمول : 1 كأس سكر بودرة أو عادي (( يذاب بالماء :السكر دوبيه بمية العجن مع الخميرة ) 5 كأس دقيق ( تعادل كغ ) 2.5 كأس سمن بلدي 2 ملعقة صغيرة خميرة خبز أو خميرة بيكنغ باودر ماء للعجن يعادل 1 كأس ((…
    غاليتي شام
    الله يسلم إيديكي يا رب..بس علقتي و الله علقك:hahaha:
    بلشنا أسئلة...فيني حط بدل السمنة زيدة يعني فيني حط نص زبدة و نص زيت؟
    و بس تعجنيها بتطلع متماسكة و لا كيف؟
    و بدها تخمير و لا لأ؟
    و إذا بدي حط بيكنغ بودر بخلطوا مع الطحين مباشرة و لا كيف؟

    و سامحينا...
  2. nicesmell
    غاليتي شام الله يسلم إيديكي يا رب..بس علقتي و الله علقك:hahaha: بلشنا أسئلة...فيني حط بدل السمنة زيدة يعني فيني حط نص زبدة و نص زيت؟ و بس تعجنيها بتطلع متماسكة و لا كيف؟ و بدها تخمير و لا لأ؟ و إذا بدي حط بيكنغ بودر بخلطوا مع الطحين مباشر…
    اشكركم من كل قلبي والله حاسة حالي بالشام بين اهلي وناسي
    كيفكم وشو اخباركم
    اية سلامتك الف سلامة


    هنودة الحبوبه شكرا حبيتي منور الموضوع بوجودكم

    والحوامل الله يقومهم بالسلامة مجبورين الخاطر

    على سيرة الملفوف والمعمول عملت من فترة حراق اصبعوا

    ودوقتها لجاراتي شو عجبتهم وعجبت رجالهم

    بس سالوني عن سبب تسميتها بهالاسم

    ماعرفت جاوبهم ياترى حدا بيعرف ليش سموها حراق اصبعوا
  3. @sham_1

    صاحبة الموضوع
    أهلين عزيزتي نايس سميل
    تكرم عينك ولووووو

    البيكنغ باودر بتحطيه مع الطحين بتخلطيه معه وبععدين بتضيفيه للباقي

    أما الزبدة فهي طيبة مع الزيت

    يعني أي دهون بيمشي الحال

    بس إذا بدك النكهة المظبوطة اللي بتطير العقل بتعمليها بسمنة ومو حيلى سمنة
    سمنة البقرة الحلوب اللي هي سمنة بلدي

    بس لو ما عندك مو مشكلة بتضل طيبة وظريفة لأن المهم شي يطريها ودهونها كتيرة الله يعينا ويحمينا

    التخمير بدها ساعة مو اكتر لترتاح

    هي هي القصة

    أما العجينة بتطلع متماسكة ايه ما بتفتفت

    لكن لما بتقطعي شقفة منها دغري بتطلع بإيدي مو متل العجين الباقي بشط وبمط

    عرفت شلون ....

    الله يبيض وجهي منك وتطلع ظريفة وتحبيها

    أختي لالا

    أهلا وسهلا فيك وخليك دائما معنا بتونسينا وتتونسي انت كمان
  4. @sham_1

    صاحبة الموضوع
    نسيت قلك أنو اختصري الكمية لا تعملي 5 كاسات طحين كتار عليك

    جربي نص الكمية

    وكل مقدار نقصيه للنص
    أفضل و أحسن
  5. @sham_1

    صاحبة الموضوع
    عزيزتي بتر فلاي شفت بالكتاب تبعي طريقة محشي الملفوف مظبوط ....

    شوفي شو كاتبيين :

    لحمة مفرومة مع دهن شوي
    رز منقوع
    عصفر كمون ملح فلفل نعنع وثوم وحمض وشراب البندورة لو بدك ....

    بس أنا ما بحط بندورة

    بتضيفي كل المقادير مع بعض ما عدا الحمض ولنعنع والتوم المدقوق .وبتحشي فيهم الملفوفات

    وبالنهاية بتضيفي الليمون والنعنع اليابس والتوم المدقوق وبتتركيهم شي عشر دقائق وبالهناو الشفا

    أنا ما بساويها كتير

    ريحة الملفوف ما بحبها
    وكما بعذب بلفه .....

    بس الف صحة وعافية