انصحوني قبل ما ادمر حياتي واشتت عيالي

يااختي اول مره اقول يمكن انتي ماعرفتي تتعاملين مع زوجك
يمكن طريقتك للطلب ماتنفع مع شخصيته
يمكن انتي اهملتي نفسك وزوجك والبيت
والاهم الحين لاتاخذن قرار دامك حامل له دور كبير الحمل
ولااقدر اقول لك وقفي الحمل شيء بقدره الله ومكتوب
يمكن لان عندك صغيره وحامل صار عندك جهد
وموضوعك متشعب
مع نفسك
مع بيتك
مع عيالك
مع زوجك
مع اهلك
امسكي كل شيء وحلي امورك وحده وحده
وقبل كذا امورك الدينيه كيف يعني
الصلاه بوقتها . الاذكار لنفسك وعيالك وزوجك والدعاء
ذكر حوقله صدقه بماء للعصافير
ثاني شي ء نفسك خلصتي ولاده بااذن الله قولي لزوجك ابغى حبوب لين يكبرون عيالك حابه تجيبين جيبي مايجوز لك تحددين
لاكن طولي شوي لين يكبرون
مااقدر اقول لك اشتري ملابس ومشغل وكذا دام زوجك مايعطي
بس اقلها شيء تقدرين عليه مثل الاستحمام افتحي الشبابيك رتبي البيت لو فيه فواحه بخور معمول استشوري شعرك وحطي مرطب شفايف ولا روج وكحل البسي خواتم حلق اكسسوار
اقل شيء داوني حطيه مع ماء ببخاخ ورشي البيت يتعطر ان اصلح كذا
سوي اكله حلا اي شي عصير فاكهه
رتبي عيالك واجلسي معهم بالتلفزيون بالحوش لو فيه
القران دايم شغليه البقره وباقي السور
وحطي براسك ان ان شاء الله هالوقت بيمضي ويروح
وماتضيق الا تنفرج
واجلسي جيبي ورقه وقلم وشوفي سلبيات وايجابيات نفسك وبيت زوجك عيالك وشوفي الي يحتاج تعديل
مثلا انتي هل من النوع الي يتكلم كثير تزنيين كثيره زعل حساسه مثلا ماتقولين كلام حلو لزوجك عصبيه وكذا
وثم باقي البيت
الحين . البيت وش المكان الي يحتاج تجريد كركبه زايده غرف ماترتبت دواليب مطبخ ملابس كنس وووو
سويه شوي شوي تساعدك بنتك او اذا قريبه لك اطلبيها خدامتها تساعدك
الااكل غيري طريقتك فيه وكذا الاثاث لو يتبدل بدليه مثلا حق المقلط يجي بالصاله والصاله بالمقلط مافيه خلاص مو شرط
نجي للعيال انتي ربيهم وعلميهم بالكلام الطيب اللين مثل ياولدي حبيبي انتي رجال البيت بكرا تكبر ان شاء الله وتسوي كذا وكذا انت الي تحمي امك وخواتك ياحبيبي الله يوفقك مايصلح تسوي كذا وكذا وتطلع مع هذا اكبر منك او تنام ببيت احد وقولي قصص وفهميه عن احد مايتعرض له او يسوي فيه شي
ونمي فيهم الخوف من الله وبعد الله اذا خفنا يوفقنا بحياتنا وان مانشوف حرام وكذا
جيبيهم بالكلام والدعاء وقصص اجذبيه لك يجلس بالبيت
قال ابوه شيء اسكتي مايسمع ابوه ولاتناقشون قدامه
بياخذ بكلام ابوه لانه رجال مثله يشوفه هو الصحيح
وولدك امدحيه ادبه اخلاقه وانه احسن واحد وكذا
اما بنتك ماعليك منه ابد علميها وربيها
بالي تحبين
والباقين نفس الشيء عوديهم الصحيح والباقي من الله صلاحهم وهدايتهم ادعي لهم
ودايم ربي عيالك بنفسك ولاتنقشون عنهم قدامهم ابدا انتي وزوجك لاتقولين انا اقول كذا وثم زوجك قدامهم يكسر كلمتك
نجي اهلك خلاص باين مايفيد معهم الكلام ولايساعدون
حلي امورك بنفسك صدقيني بنتحل وخلي امورك بينك وبين نفسك ومع زوجك وقبل كل شيء
وكلي امورك لله وثم الدعاء وحسن الظن وان كل شيء وقت وان كل شيء بينحل
الطلاق ابدااا ماينفع دام اهلك كذا
اذا فيه امكانيه تشتغلين دوري . وسجلوا بالضمان حساب المواطن يساعد
والبيت نظامه غيريه خصصي وقت للعب وقت اكل وقت نوم وقت جلوس
وقت تجلسين فيه مع زوجك فقط
نجي الحين لزوجك
اهتمي فيه بالكلام بالدلع باللبس بكل شيء والباقي تعرفين
وش سبب روحته للمجلس راح روحي نامي معه
هل فيه صياح بنتك او او
امدحيييييه في كل شيء
وادعي قدامه له مثلا الله يجزاك الجنه ياابو فلان ابغى كذا وكذا
قولت انت ماتعطي ماذا ماتفيد
الله يرزقك وو
واتوقع بسبب الماديه دام مامعه سياره من وين بيجيب لكم طلباتكم
تناقشي معه عن كل شيء بااسلوب الي يناسبه
اشتغلي على نقاط ضعفه كلام هل اكل هل شيء خاص هل اهله
اهله وش وضعك معهم اعزميهم وامدحيهم وو
اما عن الافلام ذمبه عليه هو اهم شيء مايسوي حرام يضرك وعياله
والصلاه كيف وضعه انصحي صيري مثل امه واخته وو
جربي كذا طريقه
دام مافاد اهلك بس تنفضحين ومن يطلع ماينفذ
الله يكون بعونك يارب
طولت كلام ادري ووجهت نظري
حاولي بكذا طريقه وصدقيني بتمشي امورك بااذن الله
بس يبغى لك اتوقع تغيير اسلوب وحوار واختيار الاوقات
وحسن ظن بالله
وحياتك بعد الله بتفرق كثيروالدعاء له دور كبير
كثير فرق لمن نحوقل ونصلي ليل واذكار واوراد واستغفار سبحان الله تمشيء امورنا
وبااذن الله وقت ويزول

هدي بالك ووسعي خاطرك واهتمي بصحتك ونفسك وعيالك واسفليه لاتخلينه شغلك الشاغل قومي بواجبك ولاتديري له بال غلطتي بحركة السناب يعني تغارين عليه!!ياشيخه خليه لاشكاله وتمي وسط عيالك فرحتك وسعادتك بينهم في بيت ابوهم بكره يكبرون ويعوضونك عن صبرك وتحلو الحياة بس اصبري اصبري ولاتحتكين فيه وعيالك تربيتهم بيدك انصحيهم ووجهيهم وخليهم تحت عينك لاتشتتين شملكم وتندمين لاتخلينه يشوفك ضعيفه قوي ايمانك وادعي ربك يصلح احوالكم ولا تدورين حوله خليك في دايرة عيالك وهوه تحصيل حاصل اما يعقل من نفسه او مع نفسه خليه ولا تقصرين بواجبه والله يعينك ويقويك ويعين كل زوجه صابره وتكافح في سبيل تربية عيالها واستقرار حياتها وعلى فكره ترى اغلب البيوت داير فيها الزوج السلبي هذا واردا منه بكثير الي يسكرون ويتعاطون ويمدون ايدهم ولسانهم ومعاهم زوجات زي الملاك ادب ودين وجمال الله المستعان

الواضح من موضوعك عندك اطفال كثير
واحس انه انتي نفسك ملخبطه ومتوترة
الموضوع مايسوى انفصال
انتي اهدي بس
ولاحظت من كلامك انه زوجك مو بذاك السوء بس كلميه بهدوء انتي و فهميه
ورتبي اموركم حبه حبه وتنظمي
ولدك دخليه غرفه و فهميه مافهم امسكي السلك و اضربيه احرميه من أشياء يحبها والبنت كمان ازعلي منهم لا تكلمينهم
ان ابوهم قال شي قولي هذا شي بيني وبين أولادي لا تتدخل ... بهدوء
والله يسخره لك

جلست ساعتين اقرى ..وشفت كل الردود ...واغلبها جميلة ورائعة ..فما ابغى اكرر اللي قالوه البنات لكن بحاول اجيب شيء جديد..
اولا : شيلي من راسك سالفة الطلاق حاليا ..لان هذا الشيء بيدك في اي وقت وبطرق كثيرة راح تحصلين عليه ..لكن الاشكالية لما بعد الطلاق ..وواضح من وضعك انه مكركب وماراح تعرفين كوعك من بوعك مثل مايقولون.
ثانيا: مسألة انك دخلتي معاه سناب ..هذي لها سلبيات تزيد الطين بلة ..وفيها بعض الايجابيات ..فهل استفدتي من هالحركة انك تعرفين سبب اهماله لزوجته ؟؟او انك سولفتي باشياء تافهة وخرابيط؟؟؟
اذا كنتي عرفتي تفاصيل حياته فاكيد راح تكتشفين سبب وضعه الحالي ..واترك لك باقي الموضوع.
ثالثا:كلامي ليس تبريرا لافعاله ولن اسبه فهو ابو عيالك وابوك رحمة الله عليه وثق به وزوجك اياه ، ولكن افهمي جيدا بان الامور المادية لها تأثير نفسي على الرجل ..وتخدش في كرامته ويكفينا دليلي تعوذ النبي صلى الله عليه وسلم من الفقر ةمن قهر الرجال ومن غلبة الدين ..الخ
فانتي اعلم بحاله ..ويمكن حتى الشباصة اللي تقولين عليها تصير مثل الجبل على صدره باسلوبك وطريقة طلبك منه ..واحيانا لو تبغين تغيري غرفة نومك تكون من اسهل الامور على قلبه ..اللي اقصده راجعي طريقة كلامك معاااه.
رابعا: اياك والزننننننن ..ترى اصعب شيء على الرجل هو الزن ...وخصوصا لما يشوف او يعيش جو اللا مسؤلية بعض الوقت فيحس بالراحة ..لانو طبعا الزواج والابناء هم ومسؤلية لايقدم عليها الا من هو كفؤ لها ..الطرفين طبعا سواءا احنا او الازواج ..
خامسا: انا اختي عايشة نفس وضعك الان بالتمام وزجها داعية من الدعاة اللي يسمونهم جماعة التبليغ ...صار ينقل هم الناس في ادغال افريقيا ومهمل عياله ..المهم ارتاحت لما اخوي الله يجزاه خير جلس معاه وبدون لايبين انو اختي تشتكي منه ..وفهم انو الرجال يبغى يتزوج ..فساعده وتزوج فعلا ..واختي بالبداية كانت بتنجن من اخوي وتبغى تطلب الطلاق ..لكن اخوي فهم زوجها انو يطنشها ويعيش حياته الجديدة لين تهدأ الامور ...وخلاه فترة لحد ماهدي واختي جربت معتى الطلاق وتركها هي وعياله لخالهم ...المهم رجع للبيت واختي تعتبره كنبه ولكنها قايمة بحقوقه وهو صار يعطيها مصروف ..وتحمست اختي واصطلحت مهاه انو ماعندها مشكلة يجيهم لو بالشهر مرة ...وصارت تدعي لاخوي ليلا ونهارا ..على هذا الحل ..

المهم انتي فصلي الموضوع على حياتك وحسب اولوياتك ..ومو شرط تطبقين كل اقتراحاتنا ..لكن حاولي تشوفي الصورة بشكل اكبر ...
وفي الختام ترى 70% من الضغط على نفسيتك هو التراكمات + الحمل ...
فاحذري تسوين شيء مافيه خط رجعه ...لا سوي الاشياء اللي ممكن يصير فيه خط رجعة ...
وكنت اتمنى انك استغليتي العطلة واقترحتي عليه تروحين انتي وعيالك عند اهلك اسبوعين او حتى شهر ..عشان يصير فيه تجربة لك للوضع ..ويصير فيه اشتياق واعادة ترتيب الاوراق من جديد ..
في نفسي كلااااام كثير لكن اخاف اني طولت عليك وتملين من السالفة ..
الله يوفقنا واياك لما يحبه ويرضاه ....وانتبهي لنفسك وصلحي تقصيرك ...وكلنا مقصر الله المستعان ويصلح الحال.

انتبهي لولدك ابو 10 سنين لاتخليه يروح مع ولد عمه اللي بالثانوي انتبهي بذمتك حافظي عليه واشجعك على تربية بنتك بالشكل الصحيح ام مثلك مستحيل تقدر تتخلى عن أولادها امسكي أرضك وادعي ربك ليل نهار ربي يسخره ويعينك وهو سوي الواجب عليك وطنشيه حتى جدال لاتجادليه بعض الناس مرررررض وهو خلاص تعود على وضعه وعلى الهدوووء شارد عنكم وعن الازعاج بس يجي يأكل ويرجع لمخدعه
والله انهم هم لكن فكري بعيالك ونفسك ووقفي حمل ارتاحي احسك تعبانه تعب جسدي ونفسي ادا ولدتي بالسلامه ان شاء الله راح يخف عنك التعب وتنظري للأمور غير
ذحين ادعي ربي يسهل عليك وعلمي بناتك الشغل ويساعد نك أو جيبي شغاله وراح تهدأ الزوبعه اللي انت فيها
وهو حله الوحيد الدعااااااء وربي يغير من حالك لحال أحسن