وبعدين مع الأمهات الفاغرات

امس اهلي وحريم اخواني وخالاتي طالعين استراحه محتفلين برجعة الحجاج انا ببيتي بمدينه ثانيه جالسه انتظر سناباتهم لانه مسوين حركات وتوزيعات وضيافه للحجاج انتظر انتظر جاء الصبح محد نزل واعرف اهلي حدهم بالاستراحه ٢ بعدخا خلاص كلا يروح بيته بعد الصلاه اراسل اختي اقولها وين الصور وين الحركات قالت اي صور انحسنا حوس اكلنا فجعه لاصورنا ولاشي قلت ايش فيه قالت تو نزلنا اغراضنا وجالسين نرتب الا ابوي ارسل اخوي يجيب دبات مويه عشان بيطبخون طلع اخوي من الباب الكبير وولد اخوي الثاني طلع وراه ولا احد انتبه وامه كالعاده ماتسأل عنه ولاتدوره اخوي وقتها بالدوام وقالها لاتروحين بجي المغرب ونروح وعييت كلمت اهلي مروها وجات معهم تبي تتونس من بدري واللكل لاهي ولا احد انتبه ماشاء الله البزران واجد وامه مادورت عليه جاء اخوي بعد المغرب اول مادخل الاستراحه سأل وين حمودي قالوا الاطفال ماندري قام يسأل قالوا ماندري وتوهم يفقدونه وسارت انتفاضه كلن يدور من جهه واهلي والضيوف وطلعوا الشارع ومن جد موقف يفجع راح الولد وعشان اخوي ضابط على طول كلم الدوريه وجاو يدورون معاه وساروا اخواني يدقدقون الاستراحات على الناس يسألونهم جاكم ولد صغير جاء العشى وهم يدورون ولالقوه اخوي انهار ولده هذا جاه بعد سنوات انتضار وعلى الساعه ٩ونص الاهندي بسياره توه راجع المنطقه شافوه وسألوه قال انا العصر وانا رايح من هنا شفت طفل هناك ووداهم مكان بعيد شوي على طفل انه يمشي ذا المسافه وراحوا دوروا هناك وجات الشرطه وفتحوا الاستراحات المسكره اخر شي لقوه لقى غرفة حارس بابها فاتح ولافيه احد مغبره شكلها مهجور ونام فيها من التعب وباين ماشي مسافه على طول شالوه وشربوه مويه وودوه مركز صحي لانه كان جسمه احمر وشاب حساسيه ولقوا السكر عنده ٥٠ حبيبي واخترب يومهم ولاعشوا ضيافانهم ورجعوا البيت بعفوشهم مثل ما اخذوها

219 تعليق 61,340 مشاهدة

شاركي في النقاش

سجلي الدخول لإضافة تعليق.

التعليقات

202
  1. لا اله الا الله ..الحمدلله لقوه..
    ذكرتيني بعضوة مرة اخوها فاغرة.. واخوهم تارك الولد عندهم طول الوقت ولا همها..مع ان الولد جاي بعد سنين انتظار
  2. ماابغى ادعي ع امه لكن باقول حسبى الله ونعم الوكيل هذي حرام حرام حرام تكون ام مريضه وربي لو اني في زوجها يعطيها علقه ماتنساها وجعانه
    مررررررررررررررررررررررررره مرررررررررررررررررره ارتفع صغطي منها وجع
  3. @mnaryta

    بالله اتاكدو منه لا يكون احد سوا فيه شي
    وأمه هذه كلمو أهلها لعلى وعسى يربونها على اللا مبالاه في ولدها
  4. مره ارتفع ضغطي افرضي جاء كلب واكله من الكلاب المسعوره ولاطاح في حفره من الحفر ولا طاح بيدين شباب مايخافون ربي ولادعسته سياره في الظلام حسبى الله ونعم الوكيل ع امه يختي العنو شكلها هذي ليتها عندي وربي لاعطيها كف ع وجهها الي من عصر مادرت عن طفلها لين جاء ابوه من الدوام بعد المغرب ذي انسانه طبيعيه
    غيرت ع العالم وع الضيوف كلها بسبب فغارتها ولاجاه شي انهبلت مريضه
  5. @raykh_lhaly

    صاحبة الموضوع
    نفسي اكون ماما
    مره ارتفع ضغطي افرضي جاء كلب واكله من الكلاب المسعوره ولاطاح في حفره من الحفر ولا طاح بيدين شباب مايخافون ربي ولادعسته سياره في الظلام حسبى الله ونعم الوكيل ع امه يختي العنو شكلها هذي ليتها عندي وربي لاعطيها كف ع وجهها الي من عصر مادرت عن …
    اسكتي بس انا من الحره مانمت لهلحين ودي اشرشحها ودي انفجر كتبت هنا من حر مافيني مقهوره قهر الدنيا مو اول مره دايم مهملته اخوي امس يقولون قال ماترجع للبيت تدور مكان تنام فيه من قهره على ولده اصلا لمن سالها قالت مدري قالها متى فقدتيه قالت توه كان هنا يعني كذابه بعد وهو الطفل نفسه لمن سألوه قال رحت ادور لعمو عبدالله يعني بعد ماطلع اخوي طلع وراه

تابعي تجارب أخرى من هذا القسم.