معاناتي النفسيه بعد الطلاق افكر اقول تعالوا خلاص اخطبوني 💔💔

الحمدلله في خلال طلاقك درستي وتخرجتي هذا شيء ايجابي
والنعمه الثانيه انك عايشه عند اهلك في استقرار ورفاهيه
بالنسبه للزواج انصحك بالاستغفار وفعل الااسباب من اهتمام وتطوير
وبيرزقك الله
اشغلي نفسك توظفي ترا الوظيفه تشغل الوحده عن التفكير بالزواج
والوظايف كثيره احنا الحين في عصر المراءة

أزيد على كلام البنات ، ترى الرجال يخرعون ، ما تعرفين حياتهم في الخفاء وش يسوون مصايب ، معنى كلامي إنك لا تتمنين شخص معين لمجرد صفاته الظاهرة .. تراك ما تعرفين وش مخبي


وهذا انتي مجربة و تزوجتي هذاك الشخص وانتم سألتو عنه ، و ما قدرتو تعرفون .. عشان كذا يا قلبي خلي اختيارك هو الي يجيبه الله سبحانه لك ، ولا تبالغين في الإعجاب بشخص منهم ، أساساً احتمال سبب الطلاق منهم !!


يا ما بنات تمنو أشخاص قريبين ، وبالنهاية صار نصيبهم مع أشخاص ماكانو يقربون لهم ولا يعرفونهم ، وكان فيه الخير كله !! و عرفو بعدين عن القريبين انهم طلعو سيئين و طلع لهم فضايح !!


حتى لو كنتي 33 ترى النصيب بلحظة يجي .. أهم شيء تتوفقين فيه ! يا ما بنات تزوجو بهالعمر و اكبر و خلفو وانبسطو وسافرو و قهرو العذال هههههه لا تشيلين هم ترى ما فيه حال يدوم .

اول شي رددي الحمدلله
الشي الثاني. الحياة نصيب واقدار .. مو لأنك مطلقه ماتزوجتي البيوت مليانه ابكار ماتزوجن وباعمار اكبر منك ...
انا انصحك تتوجهين لرب العالمين بالدعاء ثم الصدقات .. لان الزواج بيده هو سبحانه..
ممكن فعلا تتلصقين بأحد وتعجبينهم لكن الرجال نفسهم يرفضون أو ممكن يوافقون وبعد النظره ينسحبون لأنك مو من نصيببهم اذا ربي سبحانه مو كاتبكم لبعض
لو الزواج مساله تعارف كان انحل من زمان ..
الزواج من رب العالمين
فنصيحتي تذهبين لربي سبحانه والسلام لو تروحين عمره وتدعين عند الكعبه بدال بيوت الناس

اللي ردت وقالت ان فيه ابكار مليانه البيوت وماتزجوا
فعلا هذا الشي هو اللي يخليني ارضى بالواقع واقول هم احسن مني ماتزجوا وقفت علي يعني
...........
والله يسعد كل من ردت سواء اعطتني حل او نصيحه اللي يجبر بخاطرها جبرا تتعجب منه اهل السموات والارض

الله يرزقك... رزقك عند الله وحده.. التجئي لله سبحانه بالاستغفار والدعاء والتضرع... وسيرزقك بالزوج الصالح اللي يحبك ويخلص لك ولا يمل منك ويسخره لك ويسخرك له عاجلاً غير آجل ويوفقك معه أكثري من الإستغفار والدعاء وتلقين الفرج بإذن الله قولي اللهم ارزقني الزوج الصالح اللي يحبني ويخلص لي ولا يمل مني ابدا وسخره لي وسخرني له عاجلاً غير آجل ووفقني معه.. وسخر لي اهله واجعلهم حمولة صالحه لي يحبونني... الله يرزقك..
وايضا ركزي على البر بالوالدين.. لانه من أسباب الرزق.. ادعي لهم كثيرا أمامهم وعامليهم معامله حسنة.. اذا هم مرضى اهتمي بأدويتهم.. اطبخي لهم.. الخ.. ََواطلبي منهم يدعون لك دعائهم مستجاب..
وبالنسبة للناس ما يمنع انك تلبسين لبس جميل وساتر في المناسبات واحضريها وابتسمي وسولفي وكذا..وخليك واثقه من نفسك.. حلو الظهور أمام الناس عشان ما ينسونك