ودي اتقرب منها بس خايفه تقول ذي ماتنعطى وجه 😔⛏💔💔

ياصباح الخير والرضا والسرور
بادش بالموضوع دغري
بنات ابي كل وحده تعطيني رايها
فيه وحده تعرفت عليها يوم كنت بدوره فوتوشوب تقريبا قبل ١٠ سنوات يعني زمان البنت مرره اخلاق وهي اصلا تقرب لنا بس مررره من بعيد بس عرفتها واخذت رقمي من هذيك الايام
البنت مدري كيف اوصفها فيها شي احبه شي نادر عن كل اللي حولي بس مو عارفه كيف ودي اتقرب منها اكثر
بعد مواقف كثير ه باقول اهمهم سوتهم لنا
الموقف الاول كنا يابنات الدوره بقروب وكنت ابي حساب بالتويتير لو وهمي بس باقرا موضوع بعدين اسوي لي حساب صح
وطالبه حساب سريع سريع وشرح كيف اصلح
راحت سوت لي حساب صح وارسلته خاص وقالت لي كيف اغير الرقم السري
وارسلت لي تحت رابط يشرح كيف اسوي تويتر بطريقه مبسطه
موقف ثاني :
راحت الايام وبرمضان اللي راح كنا بنروح عمره ومره امي قالت ابي عند الحرم واسال البنات اذ يعرفون شركات وكذا تحجز وهي تجي تقول احجزي من بوكينق قلت يووه حوسه ماعرف
قالت خلاص انا احجز لكم وتضبط لنا كل شي طبعا الدفع كان اذ جينا لهم
جينا مكه ولقينا كل شي محجوز ومضبطه الوضع
موقف ثالث :
مره انا اشكي للبنات ان اختي مره عندها تكيسات وانها مانفع فيها المستشفى ونبي طبيبه شعبيه
والله يابنات يمكن اخذت نص ساعه وتدخل خاص علي وقالت انا اعرف وحده تقرب لي مجربه ونفس وضع اختك وتصور لي كلام بنت اختها وتغير وضعها يوم عالجت عند المعالجه الشعبيه
بنات تخيلوا علاقتي فيها سطحيه يعني تمر شهور مانتكلم مع بعض
بس جدا استغرب يعني اقولها باختصار بظل علاقات المصالح هذي البنت معاملتها باخلاص وفزعه يعني لو يشوفها احد يقول ذي تبي مصلحه وهالشي تراه مع الكل تسويه
وهي حقيقتها ماتبي مني ولا شي ومره علاقتها بالحميع سطحيه يمكن ثنتنن من ربعنا اللي معها مره واضح
بس جدا ودي اتقرب منها اكثر بس خايفه تقول ذي ماتنعطى وجه
اعطوني رايكم كيف احافظ ع هالنوعيه من الناس ودي الصدق اتقرب منها بكل ماوتيت من قوه بس هي حتى اذ اجتمعنا تسولف وتضحك مع الجميع ماتعطي فرصه ان احد يحتك فيها كثيير او يكون صداقه معها