زوجي وزواجته الثانية

لو زوجي يقولي هالكلام ماراح اقعد ثانيه يعني الترهلات كيف جاتك؟ لانك جايبه له اطفال طبيعي هالشي ليه ما يفكر كذا ليه يهينك قولي ما تبي تتزوج لا تفتح معي الموضوع خلاص هذا وانتي راضيه عادي وليه يقرف منك وقت الحمل وانتي بوسط معاناه عشان طفل ينولد للحياه وتحتاجين احد يحسن من نفسيتك والله يعينك يارب .

مو انا قلت لك في موضوعك السابق زوجك يتلكك يبي العيال ...بس هو نفسه يتزوج!!
وانت صدقتي قمتي تحملي ب٦
زوجك يبي يتزوج ومالقى له عذر قوي..هو عنده مبدأ ومايبي يكسره...يمكن هو في داخله كان ينقد كثير عاللي يتزوجوا بدون سبب
مايبي يصير هو في نفس الوضع عنه..
اولدي لا تحملي ثاني عشان تهديداته الفاضية ..
بكرا تتوقفي عن الانجاب ..وبيطلع لك بنفس التهديدات وتكوني اتعبتي نفسي وارهقتي صحتك عالفاضي
اهتمي بصحتك . ..الوزن ١٨ زيادة كثيبييير..انا ٣ كيلو ومرره اتضايقت واسوي دايت..
انت دخلتي في أواخر ٣٠ لو ما نزل وزنك الحين بعدين يصير صعب..
سوي دايت،لو ما نفع تكميم...اشتغلي على نفسك وسمكريها زي ما يقولوا..شدي ترهلات الصدر والبطن..عنده فلوس خلي يدفع!!
كذا تتحسن نفسيتك وتصيري توب..
شوفي شي يشغلك وظيفة أو شغل حر او اي شي ...هذا بيرفع قدرك عند نفسك ويزيد ثقتك، ويزيد مدى اعجاب الزوج بك
الله يقويك يارب ..ما شاء الله عليك كيف محتملة ذا الكلام

عنده مبدأ فعلا
ان الزواجة الثانية بس هياط
وهو يستحقر ويستهزأ بكل واحد يتزوج ثانية ويخلف منها وانهم يتزوجون بس كذا هياط ومايعدلون ويدخلون بمشاكل
ان شاء الله بعد ما اولد وارتاح رح ادخل نادي وازبط جسمي
جسمي كان زابط قبل ما احمل بالسادس بس بعد ما حملت رجع اخترب

هههههه
يجيب عمال يفكونها وياخذوها
انا مراعيته لاني صارلي 16 سنة معاه واعرف طباعه وكيف يفكر بس عشان كذا اسمع واطنشه واعطيه على جوه لانه مثل الطفل

نسيت اقول لك..خلي يجيب لك مربية تمسك النونو عنك
روحوا اخروجوا انتي وياه سوي لكم أجواء رومانسية...فندق شاليه ..
كرري الحركة هذي مرة في الشهر عالاقل..واسبوعيا لو قدرتي روحي مره لوحدكم لكافي بدون عيال ولو لمدة ساعة فقط تغير النفسية والمزاج
ان شاء الله ما يشوف غيرك..
زوجك يبي التغيير والتجديد..