يبي رقم جوالي السري ورفضت

يابنتي قسم بالله مشاكلي اسمعها من اهله ومن حريم اخوانه ومن جماعته انا فخذ وهو فخذ

وانا مكتمه ع بيتي ودايم انصحه مشاكلنا بينا بس مايعرف يسكت الا يعلم امه وامه بخور السوق

تعودت اني امشي الحياه هذا هو صحا وبنتي حطت له اكل وتركته ماجيه مطنشته ولا اتكلم معاه بس هو يتبلاني

بس ياقمر ارحمي نفسك وارحمي عيالك
وش هالعيشه اللي انتوا عايشينها
جالسه علشان عيالك وعيالك اساسا ودهم يهجون من هالبيت اللي كله صراخ من هالبيت اللي مافيه لامخدات ينامون عليها ولافيه شي يخليهم يحبون هالحياه
يابنت الحلال على ايش صااابره ومصبره عيالك
ع زوج وقح لسانه وسخ ويده طويله وبخيل واناني ويحب نفسه ومقصر على عياله ومعيشهم الحرمان


لاتتوقعين المضاربه هذي اللي حصلت بينكم انتصار لك وانك اخذتي حقك لاياماما اذا قام وشافك باقي موجوده بيقول ايوووه هذي هي مثل كل مرره بربرة وتهديد وتجلس وادعس عليها


عيالك الله بيتولاهم ويمكن اذا رحتي وخليتيهم ينقهر ويشيل مسؤوليتهم ويعرف قدرك
انا في اخر مره تنومت بالمستشفى مع بنتي خليت عيالي بالبيت مع ابوهم وشغالتهم وقتها ابوهم انجن من المسؤوليه يقول شلون لك نفس تجلسين تتقهوين وتسولفين وتطبخين وهذا يصيح وذاك يتضارب والشغاله باارده بس تتفرج
قلت مو دايم تقول وش عندك بس جالسه ولاشغله ولامشغله
لازم نحسسهم بحجم المسؤوليه اللي اخذناها وريحناهم
واذا ع السوق والمقاضي وهالاشياء اغلبنا كذا
بس نسويها علشان نخفف عليهم المسؤوليه ونحسسهم ان الحياه مشاركه

انتي جلستك مع هالرجال بتدمر عيالك
انتي بالقوه تبين الحياه بينكم تستمر والحياه وااااضح انها خربانه لانك كارهته وهو حاس بالشي ذا ويبي يقهرك


روحي لبيت اهلك وخلي عياله ف بيته وبيطفش من مسؤوليتهم حتى اهله بيطفشون وبيرجعك ويمكن يعتدل

ياعمري ياام هند كلامك كله صح وعلى راسي

انا سبق ورحت لاهلي وعيالي عنده بس امه تشيلهم وتجي بييتي وتغسل وتنظف وراهم ماتحسسه بمسوليتهم وتطبخ لهم تبي تبين له ان وجودي مثل عدمي ماتخليه يتحمل مسوليتهم علشان يرجعني وتتصل علي تقهرني انه تضربهم تحرق قلبي عليهم بزياده
ولما جابيرجعني زعلت وقامت تضررب عيالي وهو كان كل يوم يرسل لي يبيني ارجع وحط لي فلوس بالبنك وذهب
ولما رجعت قالت الله يعينك ع عياالك اطارد وراهم كل مكان يحوسوه ماخلت زوجي يتحمل مسوليتهم

طيب كان يوم طلع اعطيتيه الشريحه جقت البيانات وانتهينا ترى مافي اسهل منها يروح محل جوالات ودقيقه وهو فاتحه
شي ثاني ليه محتفظه بالحش احذفي اول بأول ماتدرين وش قدامك اقلها الموت يجي بأي لحظه الله يغفر لنا يارب ويحسن خاتمنا
وثالث شي اذا في صور لاحد عندك ورقص وكيذا احذفيها حرام لاتحتفظين فيها


مشكلتك مع الجوال بسيطه يختي واذا شاف حسابك البنكي اصلا مافيه شي ولا ولاعندك راتب واذا شاف ارقام اخوانك حقت التقديم ماهو مسوي شي هو كل الموضوع على الحش والمنتدى ماهو داري عنه


يعني بأسلوبك هذا الشيطان بيكبرها بينكم انا والله مالومك ادري مضغوطه لكن عشان تخف حدة الخلافات بينكم


والله يصلح حالنا وحالكم يارب

ام زوجك بتنظف شهر شهرين وبتطفش وتمل
حرمه كبيره حدها مكايد باللسان اما تقوم ب اطفال ومدارس وطبخ ونفخ مستحيل تجلس تخدم عيالك وابوهم سنه
وعيالك لاضربتهم خليهم يصيحون ب اعلى صوتهم يجننونها يشيلون الحاره بصياحهم خلي زوجك يحس انه ضيع بيته بسبب افعاله


جلستك ماراح تحل مشكلتك ولاراح تغير زوجك وبيقوم هاللحين وبراسه عشرين جني

ليتك اخذتي تقرير تلوين ذراعه فيه


اقولك ياقمر ترى انا اتنرفز من مواضيع الضرب وموضوعك نرفزني حسبي الله عليه

وتوه ضاربك قبل كم يوم كف دوخك
وطلب شاهي
معناه الرجال ماهو حاسس انه غلطان عليك ومدة اليد عنده عااادي