السلام عليكم
متزوجه وعندي طفلين
متخرجه من الجامعه وكل ماقدمت على وظيفه الله مايكتب اتوظف وكل مره اختبر عشان الوظايف والله مايكتب لي انجح والحمدالله ماقد اشغلت بالي وتذمرت وقلت ليش وليش مااتوظف لان ذا شي بحكمة الله ومتى ماجاء رزقي بيجي اذا الله كتبه
لاكن زوجي يالفاشله تخصصك فاشل ياكسلانه راحت فلوسي على الاختبار يافاشله
لدرجة اول مااطلع من الاختبار اركب السياره يقول جت الفاشله
كل الحريم متوظفات غير انتي يالفاشله
كنت كلي ثقه بنفسي وبالله الحين صرت ام دمعه اول مايسب فيني تخنقني العبره وودي اصيح
حتى لما يشوفني جالسه يناظر بوجهي ويقول بسم الله
ارد عليه واقوله بسم الله منك والله
لاكن بالقلب غصه منه
هو حليل وكويس لاكن فيه عذروبين
الاول يحب يقولي يالفاشله ماهي مرا وثنين وعشر لا يعيد ويزيد وليته لحالنا لا قدام اهلي واهله
لدرجة اخته ماقبلتها الجامعه وتطقطق علي هي وياه يقول احمدي ربك ان الجامعه ماقبلتك هذي فلانه كملت وفاشله ماتوظفت وهي تضضضضحك
الشي الثاني يسب بشكلي مرات من باب المزح اذا تعدا من عندي يضحك ويسمي
ومرات وجهك فيه حبه طالعه من ايش
الكلام الي يجرح الشخص اذا تكرر خلاص يبدأ الشريك يعوف الثاني
شاركي في النقاش
سجلي الدخول لإضافة تعليق.
التعليقات
16- لازم يحترم نفسه ويتوقف عند حده ولاعاد يتجاوز حده معام لازم يكون بينكم احترام
- قولي له .. يكفي أنت ناجح بالحياه ...
واذا عندكم بالعائله واحد منصبه افضل من زوجك .. وطلعتي مكان اذا رجعتي قولي شفت فلأنه زوجة فلان ماشاءالله العز والدلال وزوجهااا وظيفته كذا وكذا وأسلوب وشخصيه وتمدحه مررررره انه يدعمها ماهو انا ي حظي وكشي ع نفسك واذا تقدري كشي عليه بعد 🤦🏻♀️🤦🏻♂️
او قولي له توظفت ماتوظفت مشكلتي ماهي مشكلتك خليك انت بحالك وسنعنااااا وعيشنااا بعز مثل الرجال وبعدها تعال ناقشني عن الفشل .. هذا الكلام قوليه له قدام اَي احد يعايرك عنده حتى لو امه .. - يالله من الغثا
هذا اللي يكسر مجاديف الشريك ما يدعمه ويجيب الكره زي ما قلتي
ثقتك لازم ما تنهز قدامه..قولي انا كذا مرتاحة..ما يهمني كلامك
اي انا الفاشلة وافتخر
المهم ذاكري واجتهدي واعملي باسباب النجاح هذا بيرفع ثقتك بنفسك
الله يعينك - فين اهلك في الموضوع،لازم تدخليهم لا تسكتي
- فيه مثل يقول الجدار القصير كلن يتوطاه
وهو شافك جدار قصير فلا تلومينه
لو وقفتيه عند حده من اول مره ماتجرأ عليك بهذا الشكل الوقح
اذا احترمتي نفسك بتجبرينه يحترمك رغم انفه وحتى اهله يحترمونك
مواضيع مشابهة
تابعي تجارب أخرى من هذا القسم.