ثقتي بنفسي معدومه والسبب زوجي

وان شاء الله عدتيها يوم ياخذك مصخره عند اخته
لو قلتي له هالفاشله على الاقل قبلتها الجامعه وتخرجت منها
واذا جيتي للبيت هزئيه عند هذي الكلمه
وقولي يومك تنعتني بالفاشله وش مسوي بحياتك انت متخرج طيار ولا مهندس ولا دكتور (طبعآ اذا وضيفته عاديه)
تكفين لاتسمحين له يوصفك بالفاشله تراها تحطم المجاديف كثرة التكرار تعطيك انطباع انك فاشله
وهو مو بس انتي لا حتى الي حولك معطيهم انطباع انك فاشله

ليه تسمحين له يتمادى عليك ويخرب نفسيتك وقفيه عند حده ان قال فاشله قولي يكفي معي شهادتي اللي وصلت لها وقدام اخته قولي يكفي قبلتني الجامعه وتخرجت ولو اني فاشله ما اخذت هالشهاده بتعبي وجهدي او كلمي ابوك يتفاهم معه ولا يدمر ثقتك بنفسك كذا لازم الاحترام بينكم بانتقاء الكلمات بحيث ما يجرح بعضكم الاخر وصح عليك مع الوقت ان سكتي بتنفرين منه ولا عاد تتقبلينه الله يعينك يارب ❤️.

تقريبا مثلك انتقاد عندي وعند اهله او امي
الحمدلله اهله يحبوني ويمدحوني واحبهم وعارفبن طبعه كذا قبل يتزوجني مثال إذا مدحوا حلا مسويته قالي تراهم يجاملونك لاتصدقين ولالبسي المهم لازم يحطم 😪
أنا اسكت مااقول شي ولا اقوله عادي يجاملوني مافيها شي اوافقه على كلامه ابين له ان كلامك مااثر فيني ولو بتحسس قال امزح لاتصيرين نفسيه
ولا بشكلي ولبسي ارد عليه بكل ثقه أنا عاجبه نفسي ولبسي عاجبني رايك ماهمني
حتى طاري الزواج إذا جابه اقوله مع السلامه مامسكتك عنه أنا رح تزوج
أهم شي وضحي له انه مايهمك وبيني له ثقتك بنفسك
عاد ممكن تجي انفجارات خفيفه على حسب النفسيه 😂💔
لدرجه من كثر انتقاداته بنات اخته يقولون لي بتدخلين الجنه 😂⁦❤️⁩
احيانا ابكي بسبب كلامه طبعا بمكان لحالي ماابيه يشوفني لين يطيح اللي براسي وارتاح
طبعي مسالمه هادئه مااحب المشاكل ولاادورها اتغاضى وبس عشان راحه بالي
طبعا سنين وهو كذا وأنا مطنشه ماعمري اسأت له او انتقدته بشي شين ابد
النتيجه ارتحت معد ينتقد زي اول بكثره وطاري التعدد والزواج معد جابه من زمااان
إذا طنشت وسحبت وعلى الصامت يدورني يدري اني زعلانه ويتحسف على كلامه لكن لو بناقره على كل كلمه ماتحسف ولاشي بيهاوش واتضايق زود فعرفت له السكوت هو دواه وبس 💓
طولت عليك بالرد معليش بس قلت ممكن ينفع معك التطنيش جربي ان شاء الله ينفع 🌺
الله يسخرهم لنا ويهديهم يارب 🌺💓

السلام عليكم
كبف حالك اختي ؛ تغيير طريقة تواصلك معه ستفرق بالتاكيد .... حاولي ان تستغلي هذه الفترة لصالحكما ..
اخبريه ان كل ما تفعلينه في الحياة ، يسمى السعي ، و على الله التوفيق ...، و الوظيفة بالنسبة للنساء ليست بالنسبة للرجال ، فهي حياة الرجل ، و لكن بالنسبة للزوجة فهي قد تضيف شيىا جميلا للحياة ، أنا لم افشل بدليل اختياري لك ، و لكن الله وفقني معك ، و لن امل من السعي حتى يرزقني الله توفيقه في العمل ايضا ...
فلوس الاختبار لم تضيع لأنها جعلتني اشعر بقيمتي عندك و زاد حبي لك انك تساعدني و تحفزني ...


دارين حسن مستشارة نفسية و زوجية

ركزي ع عيوبه وكسري انتي مجاديفه ، داويه باللتي هي الداء ..
اذا قال فاشله قولي ماعرفت الفشل الا من يوم عرفتك
وعلقي ع كرشه او شعره او عمره
لا تحطين يدك ع خدك وتتبكبكين ترى عجبه الوضع ..
خذي حقك بيدك ..