زوجي والشراب

انتبهي تحملي خذي مانع لما تشوفي اخرتها معاه

دخلي اهلك بالموضوع لاتسكتي.مافي شي اسمه بساعدك هو مو طفل،نصيحه انتبهي ع نفسك مو بعد كم سنه تقولي بطلق بس انا صابره عشان عيالي

مالك الا تدعين الله يهديه


إِنَّكَ لَا تَهْدِي مَنْ أَحْبَبْتَ وَلَٰكِنَّ اللَّهَ يَهْدِي مَن يَشَاءُ ۚ وَهُوَ أَعْلَمُ بِالْمُهْتَدِينَ (56)



دعا الرسول عمه أبا طالب إلى الإسلام عند موته ولكنه أبى عليه ذلك، وقال : أي ابن أخي، ملة الأشياخ . وكان آخر ما قال : هو على ملة عبد المطلب[7]. فعن ابن المسيب عن أبيه[8]
أن أبا طالب لما حضرته الوفاة دخل عليه النبي وعندهأبو جهل فقال: أي عم قل لا إله إلا الله كلمة أحاجُّ لك بها عند الله، فقال أبو جهل وعبد الله بن أبي أمية: يا أبا طالب ترغب عن ملة عبد المطلب، فلم يزالا يكلمانه حتى قال آخر شيء كلمهم به: على ملة عبد المطلب. فقال النبي : لأستغفرن لك ما لم أُنْهَ عنه فنزلت {مَا كَانَ لِلنَّبِيِّ وَالَّذِينَ آمَنُوا أَنْ يَسْتَغْفِرُوا لِلْمُشْرِكِينَ وَلَوْ كَانُوا أُوْلِي قُرْبَى مِنْ بَعْدِ مَا تَبَيَّنَ لَهُمْ أَنَّهُمْ أَصْحَابُ الْجَحِيمِ}[9]، ونزلت {إِنَّكَ لَا تَهْدِي مَنْ أَحْبَبْتَ} [10]

أهلين بنات
بقول لكم وش المستجدات
طبعا ماسويت ولا شي لانظفت الشقه ولا طبخت ولا كويت ملابسه حق الدوام ولا شي
يوم جاء اليوم من الدوام كنت منسدحه بالغرفه جاء وقام يصارخ انتي وش قصتك لاكويتي ملابسي ولا سويتي غدا ! قلت ماراح اسوي شي ، قال وش اللي ماتسوين شي
انا تكلمت معك وبررت لك وحلفت لك وش تبين ! قلت ابي اثبات ، ودني للمطعم اتأكد او احلف ع القران قال مانيب حالف ولا موديك صدقتي ولا ماصدقتي كيفك انا تعبت منك انتي شكاكه وملقوفه وتراقبين وماتثقين فيني
قلت له انت وش هالقوه والبجاحه اللي فيك جاي تكلمني كذا وتصارخ !!! قال لاني على حق لاني مظلوم
طبعا هو يعرف اني مابي اعلم اهلي بالسالفه ومابي اروح عند اهلي
قام قالي مايصير الوضع كذا اذا بتجلسين كذا بدون طبخ ولا كوي ولا شي قلت انا تعبانه ونفسيتي تعبانه انت ماتحس قال تعبانه روحي بيت اهلك كم يوم لين ترتاحين قلت وش اقول لهم !!!! قال قولي لهم السالفه قلت لا ماراح اقول لاهلي انت تعرف اذا اهلي دروا ماراح يخلوني ارجع لك خلاص انا بقول لامك قال اذا قلتي لامي خلي اخوك يجي ياخذك من الشقه بعدها !!
بعدين قلت له وش الحل يعني ليش خايف اقول لامك مو انت مظلوم خلاص برر لها قال قلتلك ان علمتها خلي اخوك يجي ياخذك ، وروحي لاهلك علميهم السالفه خل يجون يتفاهمون معي مابي اتفاهم معك !!! طبعا هو يقولي كذا لانه عارف اني ماراح اعلمهم بعدين قال جد وش الحل قلت طلقني قال هذا الحل بنظرك قلت مدري عنك
بعدين قال دام وضعك كذا انا مانيب نايم اليوم هنا وراح جلس بالصاله
ياجماعة تكفووون وش اسوي ؟؟؟؟ اعلم اهلي خلاص !؟؟؟؟ الرجال مو ناوي يعترف ولا ناوي يحلف ويفكني لو كان جد مظلوم ؟؟؟ انا مدري وش اسوي واهلي اذا دروا ماراح يخلوني ارجع له مستتتحححيييل اصلا يع مالي وجه ارجع له اذا كلن درى عن هالسالفه !!!!
مدري اكلم امه واتفاهم معها بس اكيد بيعصب اذا كلمت امه
وش اسوي تكفوووون ساعدوني