زوجي والشراب

الله يعينك ويفرج همك
هذا قرارك حبيبتي انتي شوفي ايش الصح بالنسبه لك وسويه

الله يهديه ويصلح حاله

وعليكم السلام ورحمة الله وبركاته
عفواً بس توقفين معاه يعني وش بتسوين له ؟
على اساس هو طفل ولا يعرف الحلال والحرام والصح والغلط ؟
أو تتوقعين انه يسافر ويدخل بارات ويشرب كحول بدون قصد ومايدري ؟
ترى كلها يسويها بكامل قواه العقليه
ويسويها وهو مستمتع فيها وراغب فيها
ومتعني من ديرته ومسافر وحاجز بهذا المكان لانه هو يبيه
لا تخدعين نفسك بكلام المسلسلات والافلام وتتوهمين انك المنقذه اللي بتوقف مع زوجها وتضحي وتساعده وتنقذه ثم يرجع لها ويتزوج الامير الاميره ويعيشون في تبات ونبات ويخلفون صبيان وبنات !
نصيحه طالما لسه ماعندك اطفال احرصي على منع الحمل ولا تحملين تحت أي ظرف من الظروف
وخذيها قاعده ان كل شي يحصل في هذا الكون له أسباب
ورب العالمين كشف لك بعض الخفايا اللي هزتك وصدمتك وانتي من قبل عاشرتي الرجال وعرفتي عنه الكثير من الكذب والاهمال واللا مبالاة بالاخلاق والدين رغم حرصه على التستر إلا انه انكشف لك
يعني حالياً انتي المسؤله عن اتخاذ القرار المناسب لانك راح تكونين مسؤله عن نتيجته وتبعاته
اجلسي فكري وراجعي نفسك بمنطقيه وعقلانيه وابعدي عن العواطف والمشاعر حقت الافلام
لان اللي يشرب ويخربط بالدول الثانيه ماهو سفيه ولا جاهل ولا منتظر منك تنقذينه من شي يحبه

تستهبلين انتي ولا وش قصتك
يعني واذا حلف على القران وش بتسوين ؟
خلي عنك لعب العيال
الرجال واضح انه غلطان ومايبي يحلف على القران لانه كذاب
يعني ليش تطولينها وهي قصيره
زوجك سافر ودخل بار وشرب كحول هاااه وش عندك ؟
بتروحين لاهلك ؟
بتطلبين الطلاق ؟
بتضربينه ؟
متأكده 100 % انك ماراح تسوين شي غير الهواش والصياح والدموع يومين ثلاثه ثم بترجعين لحضنه وتنسين السالفه ثم بتراقبينه وتشكين فيه وتتمشكلين معاه ثم ترجعين تبوسين الايادي وتصالحينه ... الخ
وفري على نفسك الدراما ووجع القلب
هذا زوجك وهذي عيوبه اعترافه ماراح يغير شي ولا حتى حلفه على القران
الله يهدي ويصلح الجميع

احمدي ربك مو حامل ولا عندك اطفال كثير اعرفهم يشربون ومايرجى من وراهم خير الكذب كثير وسهل مثل شربة الماء