شاركي في النقاش

سجلي الدخول لإضافة تعليق.

التعليقات

390
  1. لميس2008
    السلام عليكم جميعا كيفكم يااعظم امهات وكيف توائمكم الحلوين كل عام وانتم بخير وعساكم من عواده ولو متاخر😁 وش اخر تطوراتكم مع توائمكم ووين وصلتو في العمر😍؟ انا عيالي توهم مكملين سنتين لكن حابه اسالكم ويارب القى حل النقطة الاولى عيالي غالبا…
    وعليكم السلام
    وانتي بخير وصحه وسلامه بعد الزحمه😂
    انا تؤمي حاليا عمرهم سنه وست اشهر لسى مامشو بس يخطون يحاولون يمشون خطوتين ويطيحون💔😭 يبغالهم شهر تقريبا وباذن الله يمشون صح
    سالفه السرير عندي خير😫 واحد يطب من السرير ويالله انواع الحوسه شريت محبس وحطيت مرتبه والحمدالله الوضع مستقر ولو انه يصيح مايبغاه بس اهم شي مايقدر يطب💔 جربيه معهم وبيخدمك ان شاء الله
  2. Um.saad_qatar
    وعليكم السلام وانتي بخير بالنسبه للقعده في نص النومه عندي بناتي وحده منهم تقوم من مرتين لثلاث علشان ترضع وياليتها تخلص الرضعه اقول لخواتي تحسسني انه توها مولوده 🤦🏻‍♀️ الثانيه هي اللي جننتني تخيلي مستحيل اخليها ترقد عشر بعد ساعتين تقوم …
    هلابك ام سعد
    سالفه المصاصه ماعليك من احد والله انها تفك ازمه وتريحك انا تمنيت ان عيالي متعودين عليها بس عحزو يتقبلونها جربت كذا نوع رفضوها رفضضضض💔😭 ومن خلال التجارب مع الي حولي اول مايصير عمر الطفل سنتين ونص بيكبر شوي ويكرهها ويفهمك لو قلتي هاذي مو حلوه او خبيتيها وقلتي خذتها البسه 😂 يعني يفهم وياخذ ويعطي بس بعمر بناتك صغار مايفهمون وحرام تفطمينها منها وهي متعلقه فيها
    ومن ناحيه انها تطلع الاسنان ماسمعت ابدا انها تخربها كلام يتداول غير صحيح الي صدق يخرب الاسنان اذا الطفل يمص اصبعه اشوف الي حولي احس الفك يتقدم شوي عاد عندنا وراثه ** الاصبع😂 بس اول مايكبر ويترك هالعاده ترحع الاسنان عادي لان الاصبع قوي ع الاسنان مو زي المصاصه بلاستك واخف شوي👍🏻
    ومن ناحيه الانتقادات اسمعي من هنا وطلعي من هنا
    وامك الله يحفظها قولي لها فتره وبتعدي ان شاء الله وحاولي ماتطلعين المصاصه برى البيت قللي شوي منها عوضيها برى البيت باي شي

تابعي تجارب أخرى من هذا القسم.