شاركي في النقاش

سجلي الدخول لإضافة تعليق.

التعليقات

84
  1. صاحبة الموضوع
    [Faith]
    الناس والنساء طاقات.. هالموضوع جا ع الجرح، انا وانا بنت ماكانت الامومه من أولوياتي، في ناس يحبون الأطفال ويلاعبونهم انا كنت جامده في هذي النقطه ولا أفهم لهم ولا الاعب كثير.. ربي رزقني بطفلين، كنت في بداية انجابي لهم تعاملي آلي معهم بم…
    الحمدالله والله الردود فيها كمية شفافية

    انا من قلبي اشكر كل وحدة ردت سواء تفهمت شعوري او ما فهمته لاننا مختلفين بالتجربة


    بس مشاركة مشاعركم وتجاربكم بكل شفافية والله بتساعد غيرنا انه يكون قد القرار ولا يسوي شي هو مو مقتنع فيه


    خاصة نقاش مواضيع مثل الامومة او الوالدين او الدين كثير ما يكون الواحد متحفظ بقوة من انه يقول شعورة بصراحة او يحكي راية
  2. @tdll_yakmr

    sweeetbdoor
    من قلبي شكرا لك صراحة تحليلك هو الادق للي انا عايشته احيانا سبحان الله يسخر لنا الله اشخاص يحطو مشاعرنا الي احنا مو فاهمينها في كلمات تختصر كل الكلام الله يخلي لك اولادك اتمنى ياخذو هالطيبة والموضوعيه منك
    الله يسعدك ويريح بالك ويرزقك الطمانينه ويصلح لنا ولك النيه والذريه
    دايم احب احط نفسي في اي موضوع الاخرين يتكلمون عنه واحكم بعدل ماحب احكم على الاخرين بدون ماجرب شعورهم واتفلسف واسوي نفسي مثاليه او اكووووووون مثل ماقلتي يالغلا نكون مثل القطيع نسوي زي مايملي عليه المجتمع من تفكير وعادات وتقاليد ويغصبنا عليها اول كنا في جهل وكانوا مسيطرين علينا بافكارهم الرجعيه انه لاززززززم لازم يسير هالشي والا يعتبر الامر غير صحيح
    من قال انه الخلفه لازززززم وان السعاده ماتقوم الا بوجود الاطفال الله ذكر انهم فقط زينه يقدر الانسان يعيش بدون هالزينه ماقال الله انهم سعاده فرق في المعنى ترئ زينه اذا الاطفال منتجين للدين والدنيا مو زي اغلب الخلفه الان فقط عب على الاهالي الله ذكر في القران انهم عدو وفتنه ليش بس نذكر انهم زينه ومانذكر كمان انهم قد يكونون عدو وفتنه
    الزواج الله سماه سكن وموده ورحمه وخلق الله ادم عليه السلام وكان في الجنه عايش احسن عيشه ومع كذا احتاج للزوجه فالزواج سكن ورحمه وموده مو انجاااااب اطفال والا معناته كل العقيمين اللي ماعندهم اطفال حياتهم تعاسه
    الرسول عليه السلام عاش مع السيده عائشه وزوجاته رضي الله عنهم وارضاهن في احسن عيشه وكان يحب عائشه بدون اطفال ماانجب الرسول الا من خديجه عليه السلام وكلهم ماتوا في حياته الافاطمه وعاش بدون اطفال براحه وطمانينه لانه متوكل على الله في رزقه وان النافع والضار هو الله
    الاجانب ماينجبون الا وهم مقتنعين تمام الاقتناع بالانجاب وفي الوقت اللي يبغونه بدون ظغوطات حتى لو عمر الزوجين للخمسين يكفيهم طفل مو لازم درزن علشان يرضون مجتمعهم ويربون عيالهم احسن تربيه واحنا مجتمعنا يعيش كثقافه فقط كثرة الاطفال على غير سنع من باب التفاخر والمباهاه بدون تربيه سليمه وحرمانهم من ابسط حقوقهم لان فكروا في الانتاج بدون تصنيع لهذه الانتاج بانه يكون احسن انتاج وجيل مثمر
    طبعا اللي يفهم كلامنا انه جحود وتذمر وشكوى ماعتقد اننا في حاجه لاننا نشرح له تفكيرنا ونبرر له وبنخليهم مع تفكيرهم الرجعي فعذرا لهم
  3. @roaty

    كلامك جاء على الجرح هي الامومة حلوووه لكن بنفس الوقت متعبه هم ومسؤؤليـه انا جلست سنوات طوويله عقم لين جبت بنتي وانصدمت بالتربيه والاهتمام شي فوق طاقتك وانا جالسه بس عيني عليها وانا طالعه نفس الشي وانا اكل اتابع مشغوله فيها نور عيني خليها لي يارب😩❤️احس طول وقتي مشتته.
    .

    قد التعب يبقون هم زينة الحياه ولذتها 💗الله يرزقنا يارب 🍃
    لما اجي اتكلم ع الامومه انو تعب يجيني كم هايله م الملاحظات انتي عندك واحد انتي مرتاحه انتي انتي كونك ام ماراح تكونين مرتاحة بال لانك مسووله عن هالكائن الصغير لين يكبر ويشيل مسؤليته وحتى لو كبر نضل امهات نحاتي ونخاف عليهم من الدنيا❤️❤️
  4. @tdll_yakmr

    sweeetbdoor
    الحمدالله والله الردود فيها كمية شفافية انا من قلبي اشكر كل وحدة ردت سواء تفهمت شعوري او ما فهمته لاننا مختلفين بالتجربة بس مشاركة مشاعركم وتجاربكم بكل شفافية والله بتساعد غيرنا انه يكون قد القرار ولا يسوي شي هو مو مقتنع فيه خاصة ن…
    بالفعل زي ماقلتي ماكنا نقدر نفصح عن شعورنا لان المجتمع والكل بيكون ضدنا واننا شاذات عن تفكيرهم لكن الان والله اني اقول شعوري واحاسيسي بكل قوه طالما ماتضر الاخرين ولاعليا في مخلوق طالما اني محترمه وماتعديت على احد حياتي وانا حره فيها ولو كنت املك الشجاعه ايام زمان والثقه والله ماكون مشيت ورا القطيع واسوي نفس مايملون عليا لكن لعلها خيره الله يصلح لنا ماعطانا
  5. @aaf_mhrh_oroh_khyal

    عندي اثنين والفرق بينهم مررررة كبير
    وقبل اقرأ موضوعك سبحان الله كنت أفكر أجيب بمشيئة الله لأن العمر يمشي وانا ماحسيت
    لكن شايلة هم المسؤولية والتعب خاصة ان آخر طفل عمره الآن سنة ونصف يعني مع الحمل والولادة حيكون ثلاثة او حولها ان شاء الله ومحتاااارة ومترددة لدرجة عندي أعراض تكيسات وماعالجتها اخاف أحمل ومايكون الوقت مناسب
    يارب اكتب لنا الخير جميعاً

تابعي تجارب أخرى من هذا القسم.