من يخطب ؟؟

جارتنا ماتطلع بالمره ماشاء الله الله يبارك لهم متزوجات بناتها كلهم صغار النصيب يجيك والدعاء ادعي الله ..

ماله دخل مو شرط اللي امها تسير وتروح ينخطبون بناتها احيانا يقلون بناسب فلان اللي هو ابوك والموضوع كله نصيب اعرف بنات تزوجو عن طريق اخو صديقتها او من معارفها يعني كله نصيب الله يرزقك بالزوج الصالح

شوفي يابنت الحلال خذيها مني نصيبك يجيك لو كنتي فالصين
فيه وحدة عندنا ماخلت مناسبه وماخلت قرايب ولا زميلات كانت تحتك بالناس والعوايل تبغى تتزوج تروح وتساعد وتفزع وكل شي ومع كذا ماحد خطبها
وبيوم جا شخص مايقرب لهم ابد ابد شخص مختلف عنها تماما فالشكل وقبيلي عيونه ملونه شخص لما خطبها كلنا تفاجأنا فلانه !! ماخلت زواج ماخلت مناسبات الا وراحت وماحد فكر فيها ابد وبالنهايه يجيها شخص لا عالبال ولا عالخاطر
والان متزوجته يعشق الارض اللي هي تمشي عليها يمووووت فيهااا مووووت ماعرفت السعاده والسفريات والمولات والمطاعم الا مع ذا الشخص تحولت هالادميه الى كتلة من السعاده تعرفي اللي اذا شفتي وجهها تشوفي السعاده باينه على بشرتها على شعرها من عيونها هذا المقصد من كلامي بلحظة يجيك شخص غير متوقع وتكوني اسعد وحدة
وثانيه
محجوزة لعيال عمها من نفس القبيله وتنخطب وابوها يرفض لما قربت عالثلاثين خطبها شخص قبيلي ووسيم جدا اصغر منها خارج قبيلة البنت وابوها معروف مايطلعون برا القبيله لو ايش
اقسم بمن احل القسم الاب وااافق معجزة
اقولك زي السحر الاب معروف ياتاخذ من القبيله يا لا
البنت الان من دولة الى دولة والزوج طااااير فيها لو تشوفي كيف شايل قلادة اسمها معاه واساميهم عالبحر
اشبه بالمعجزة

نصيبك حيصيبكً لاتقلقي

ابد وانا اختك لا تفكرين كذا النصيب لسا ما جائك وبيجيك نصيبك لا تخافين باذن الله والله يوفقك لا تحطين امك السبب او تثبتين هالفكرة براسك امك ماله اي شغل هذا نصيب والنصيب بيد رب العالمين واذا انتي حابة تتزوجين وتكوينن اسرة وهذا من حقك عليك بالدعاء والحوقلة و حطي اسمك عند خطابة

ماقصروالبنات الي ردو كفو وفو👍🌺

وذكروقصص جميله عن اقدار الله يسوقها سوق ..
سبحانه ،

وانتي عليك بالتقرب الى الله بالاعمال الصالحه وب
الدعاااءدائماً ادعي في سجودك

اللهم ارزقني بالزوج الصالح الغني التقي واسعدني ولا تشقيني❤️