الله يعافيكم يا حريم اللي تعاني من اهل زوجها تفيديني

السلام عليكم ورحمة الله وبركاته
كيفكم يا بنات حواء الله يخليكم ويسعدكم ويسخر لكم اهل ازواجكم وازواجكم قولوا امين
ندخل بالموضوع وفديت روحها الي ترد عليها الله يجعلها في ميزان حسناتها
انا يا طويلات العمر متزوجه من سبع سنين وعايشه في مدينه اهل زوجي حلو الكلام حلو
والله وبالله وتاللهً ماني امدح نفسي لكني نية ماني اعرف بخباثه الحريم وحركاتهم غشيمه بهالامور وحاولت اتعلم حركات ونغزات الحريم بس ماعرفت احسها هبل وقلة ادب
عندي ام زوجي معها ست بنات طبعا بناتها لازم تعليهم السقف حتى لو انهم فاشلات ما اقول انهم فاشلات لا والله راعيات بيت هم ست ثنتين متزوجين والباقي عندها بالبيت بعمري واصغر مني حلو الكلام
طبعا ام زوجي هذي ما اقول تكرهني الله اعلم عنها لكنها وااااااضح انها ما تحبني وياويلي وسواد ليلي لو اسوي شي احسن من بناتها خاصه بالطبخ ذبحتني كل زيارة لهم ذلتني بناتي يسسون ويطبخون ويفعلون المهم اعطيها جوها واسكت الحمدلله اعرف اطبخ وكذا مره اجيب اكلات معي عندهم والله تمدح اكل بنتها وانا لا يعني انقهري وانا ما ارد اسكت
بناتها يغارون مني غيرة مرض مو غيرة طبيعيه زي الحريم لا غيرة توصل للكره والحقد لاني انافسهم بالمكياج واعرف الموضه هم مايبغون كذا يبغوني لحجيه ما اعرف ولاشي عكس سلفتي مسكينه ماخذينها من قريه ماتعرف شي يموتون فيها مرررره وانا كاني شيطان رجيم غيره مع اني اشوف احيانا عليهك ملابس حلوه والله انبسط احب اجلس مع احد لابس ومتشيك هم لااااااا اعوذ بالله اذا شافوني لبست وتشيكت او احيانا اكون عاديه لبسي مرتب قسم بالله تعالوا شوفوا وجيههم كاني ضرة ما كاني زوجة اخوهم
اما القنبله النوويه تخيلو جبت ولد مريض توفى قبل شهر والله للحين ماجو عزوني في بيتي وبيتهم بعدي بشارع يعني دقيقة وهم عندي اما سلفتي جابت بنت وتوفت شفت بعيني محد قلي لما رحت اعزيهم يقولون بنروح لها ما بنتركها وفوق هذا مشيت الموضوع لما قالي زوجي امي تعبانه ويشهد الله دايما اوصيه عدى امه مو حبا فيها لكن خوفا من الله لما قالي ان امه تعبانه رحت وسلمت عليها ولما دريت وحذه من خواته المتزوجات تعبانه ارسلت لها وقلت لها بجيك اسلم عليك قالت بعطيك خبر تخيلو ماردت علي من يومين شفتوا قلة الادب يعني فوق ماجو حتى عزونس بولدي وابغا اقوم بالواجب ساحبين علي حتى زوجي بنفسه انحرج مني ماقدر يدافع عنهم واضحه حركاتهم وضوح الشمس وغير لما ازورهم ولما اكون متشيكه انا وعيالي يسوون نفسهم ماكاني موجوده يسولفًون مع بعض لا ويسولفون عن عيالي قدامي يعني منتي مهمه شفتوا قلة الادب انا صراحه زهقت ومليت من حركاتهم واحس لاني ساكته وامشي زاودو بس انا مو من طبعي التهجم وحركات الحريم وترا الي قلته لكم نقطه في بحر من حركاتهم الله يهدينا ويهديهم عطوني حلول انا صراحه بديت اكرههم وهم السبب

36 تعليق 8,041 مشاهدة

شاركي في النقاش

سجلي الدخول لإضافة تعليق.

التعليقات

33
  1. @shab4_1

    والله انا اقول ريحي دماغك ولاتضيعين لحظة من تفكيرك عشان يرضون أو تشوفينهم بالشكل اللي تبغينه خليك عالظاهر اللي يزورك زوريه واللي مايزورك لاتزوريه قدمي زي مايقدمون لاتزيدين عليهم بعدين تتعبين..خلاص اسلوبهم كذا ومافكروا في أحد خلي جهدك وطاقتك وأخلاقك للي يستاهل
  2. @aaloah_1

    الشاهد خليك بعيده عنهم احسن لك
    مانتي مجبوره على زيارتهم. .
    أهم حاجة برك ل أهلك. .
    بعض أهل الأزواج البعد عنهم غنيمة
  3. @shnt_mkyag

    عندك وعندنا خير انا وصلت انها ضربتني الله ياشيخه يشل يدها ليش ضربتني والله عشان بنتها ضلمتني وافترت علي ويوم دافعت عن نفسي وحلفت مدت يدها علي شفتي اكثر من كذا يعني مالك حق تدافعين لازم نظلمك وتسكتين وتطلعينا صادقات وقبل كم شهر مرتين تهجم علي بتضربي وولدها يمسكها عني تدرين ليش اقسم بالله عشان لبس وشياكه شفتي اكثر من كذا حسبي الله ونعم الوكيل وسبت اهلي وامي واحنا ماكررم الا كرمنا معاها اللي ماتستحي الله يريني فيها عجائب قدرته
  4. @saaa_aamr

    نصيحه هدي الأصناف اقطعيهم طولي لاتروحي واثقلي اذ شفتيهم شوفي كيف يركضو وراك واد ركضو اثقلي رحم الله امرئ عرف قدر نفسه تصرفاتهم غيرررره بس ولدهم خليه يروح لهم ويتواصل معهم ولايقطع أمه ابدا وزوري سلفتك واللاتجيبي سيره أهل زوجك ابدا اد طيبه سلفتك اخرجو مع بعض وانبسطو والله يسهل وراح يقولو لك وينك واسمعي كلام كثير منهم قولي مشاغل الدنيا
  5. ياقلبي سوي الشي لله
    اذا احد مريض زوريه لله
    في الحديث القدسي (حدثني محمد بن حاتم بن ميمون حدثنا بهز حدثنا حماد بن سلمة عن ثابت عن أبي رافع عن أبي هريرة قال قال رسول الله صلى الله عليه وسلم إن الله عز وجل يقول يوم القيامة يا ابن آدم مرضت فلم تعدني قال يا رب كيف أعودك وأنت رب العالمين قال أما علمت أن عبدي فلانا مرض فلم تعده أما علمت أنك لو عدته لوجدتني عنده يا ابن آدم استطعمتك فلم تطعمني قال يا رب وكيف أطعمك وأنت رب العالمين قال أما علمت أنه استطعمك عبدي فلان فلم تطعمه أما علمت أنك لو أطعمته لوجدت ذلك عندي يا ابن آدم استسقيتك فلم تسقني قال يا رب كيف أسقيك وأنت رب العالمين قال استسقاك عبدي فلان فلم تسقه أما إنك لو سقيته وجدت ذلك عندي )

تابعي تجارب أخرى من هذا القسم.