تعبت من المرض

السلام عليكم
كيفكم يارب تكونوا بخير
ابقولكم حالتي الي حيرتني
انا من ثمان شهور صخنت بلا سبب في وقت ما احد فيه مصخن ولا وقت أمراض رحت الطبيب قلت له ابغى أقوى مضاد لان عندي مناسبة لازم احضرها. كتب لي مضاد وبعدها حالتي تدهَورت
اولا بعد اسبوع صار لي التهاب في الأذن الوسطى ورحت طبيب اخر وكتب لي مضاد استمر عليه اسبوعين وارجع له وقال لي الأذن الوسطى تطول في العلاج لازم ترجعين لي وصكني مبلغ وقدره فما رجعت له حسيت اني خفيت وراحت عني الدوخه
بعدها صار جسمي بس مصخن وما اتحمل ازعاج وثقل في راسي ألم في الأذن اكتئاب قلق. رحت للحكومي مواعيد وبهذله الين شخصوني بأن عندي التهاب شديد في الجيوب الأنفية ولازم عملية
بعد معاناة سويت العملية وقلت خلاص ابنتهي من الدوامه بعد العملية بيوم صار عندي ألم شديد في العين رجعت للدكتور قال احولك للعيون يكشفون عليك كشفوا علي كل شي سليم قالوا ارجعي لدكتورة يرجع يسوي لك أشعة يمكن عمليتك ملتهبة
دكتوري يكشف يقول مافيك شي وانا الألم في الرأس من الخلف و ثقل في النظر واحس ضغط في الجبهة وخلف الأذن ما ادري وين اروح وايش اسوي كرهت الحياة ما صرت احس للدنيا طعم اخاف اموت عن عيالي بس مرهقه وقلقة و عيني صار فيها جحوظ ومهما اهتميت في نفسي شكلي تعبانه. مين يقولي وش اسوي انا على هذا الحال من ثمان شهور