شاركي في النقاش

سجلي الدخول لإضافة تعليق.

التعليقات

92
  1. @am_mskg

    رحيـل1415
    كلامك ابكاني قسم بالله الله يجزاك جنات النعيم ويفرج لك ويسعدك عسى ايدينك ماتمسها النار ..وبالنسبه للرقيه يوميا اشغلها له ابدا ماوقف الرقيه والماء بالبراده ماء مقري فيه من شيخ ما اقطعه من البيت نهائي ..الشي الثاني الزيت يوافق مره ومره لا حت…
    والله حاسه بوضعك واعتبريني مثل اختك وعارفه الأطفال وبالذات العيال الله يهديهم لكن دامه صغير عمره ٥ سنين اكسبيه بالمحايله والحنان مريت بظروف والظروف والتجارب تعلمنا كيف نتعامل مع الأمور بتركد وهدوء بعيد عن العصبيه والصياح والهواش باب الحمام قفليه اللي فيه غساله حاولي تنقلينها لحمام ثاني وتقفلين الحمام مع الوقت ترى ينسى يبكي مره مرتين ويفهم الوضع انه خطر اما سالفه تجيبين له غسالة سلامات انتبهي له لاتاكله الكهربا هذا لانه تعود يبي غساله وشافكم اليوم طلباته قولي انا مابيك تموت يصير فيك شي اموت معك اخاف عليك . اهم شي لايبكي بالحمام مو زين
    انا بنتي قفل عليها باب الحمام قبل المغرب وقَعَدت تصيح ع بال ماجبنا عامل يفتحه وبعدها انتكست حالتها بس تتحلم وتبكي وتخاف والحمدلله ربي لك الحمد بعد الرقيه تعافت يعني الحمام مو زين يصيحون فيه
    وترى اغلب الأطفال بس يسمعون انه زيت شيخ مايتدهنون فيه يرفضونه ، زي ماقلت رجوله لأنام باطن رجله هذي قاله لي شيخ تسحب الطاقه السلبيه من الجسم وفوق ذَا اذ كان داعس على مكان فيه بِسْم الله مع الوقت يهدأ . وامسحي راْسه فيه وهو نايم وصدره عسى ربي يفك ضيقته ويشرح صدره.. شوي شوي وبتحسين ب اثر التغيير
    .......
    غير كذا التروش كل الأطفال يخافون يغسلون رأسهم ويمكن مثل بنت اختي مره شرّقت بالماء وتروعت من التروش تخاف بس تبكي كلن يسمع صوتها تبكي وهي تتروش شربتها امها عصفر بالماء وصارت امها تغسل راسها بالمغسله حقت الحمام بدل الدش يكون وجه البنت مقابل وجه امها وتغسل راسها ولاخلصت تغسل جسمها لين بالتدريج عاد اتطمن للوضع وتروش من الدش وترى عندنا وعندك خير بالعائلة اغلبهم كذا
    ولدي جيته بالتدريج قلت لو ماتغسل راسك بيطلع فيه حشرات وقمل ووريته صورة جروح بالراس قلت هذا الغبار والعرق يتجمع بالراس وإذا مانظفنا شعرنا يصير كذا كله جروح.وخاف ونفس الشي ترى اغسل راْسه بالمغسله ارفع راْسه فوق عشان مايجي وجهه المويا والصابون. لين دخل ابتدايي وصار يتروش بالصنبور اللي تحت شوي شوي لين يتعود انتي خليك معه تراهم اطفال يكون فيهم خوف وبحاجة الأمان ونشرح لهم بس احنا مانعرف بهالشي بس نصرخ ونتذمر نبيهم زي الجهاز الآلي نتحكم فيهم.اهم شي الفتره هذي لاتتكلمين عنه قدام الناس حتى اهلك اسكتي وصلحي امورك بنفسك الأهل بسرعه يتذمرون ويطفشون من عيالنا وازعاجهم
    ودعواتي لك عسى ربي يهديه ويصلح حاله وتشوفينه ب احسن حال
  2. @rhyl1415

    صاحبة الموضوع
    أم مسكگ
    والله حاسه بوضعك واعتبريني مثل اختك وعارفه الأطفال وبالذات العيال الله يهديهم لكن دامه صغير عمره ٥ سنين اكسبيه بالمحايله والحنان مريت بظروف والظروف والتجارب تعلمنا كيف نتعامل مع الأمور بتركد وهدوء بعيد عن العصبيه والصياح والهواش باب الحمام…
    والله العظيم ماني عارفه اوفيك حقك واشكرك 😭قسم بالله كلامك كانه ثلج على صدري حسيت من كلامك براحه ماتتخيلينها الله يوفقك ويسعدك وينولك ماتمنيم ويفرج لك همك ويسهل كل امورك😭❤️❤️❤️❤️
  3. @aaz_albnat

    طيب اساليه ليش يحب الغساله وايش موجود فيها او اساليه ليش يحب المروحه وهكذا لازم تعرفي سبب حبه لهذي الاشياء واساليه ايش فايدتها وليش نستخدمها ..وكيف تخترب؟؟
    انا اتوقع تلفتها الاشياء اللي تدور تلفت نظره والطفل بطبيعته مستكشف خذي له العاب تدور زي اللعبه الطائره حجمها صغير ومجرد تضعيها علي يدك وتشغليها تطير وتتحكمي بها بيدك ان شاءالله تكوني فهمتي قصدي ..
    وحاولي انك دائما اذا طلب منك هالاشياء اساليه ليش وش فايدتها وكذا..عشان تعرفين ايش الشي اللي يحبه بالظبط
    وان شاءالله اكون افدتك وبالنهايه لاتنسين الرقيه لاتقولين ماشفت نتيجه بالصبر كل شي يتحقق والله يعينك ويصبرك ويقويك ..بيكبر وبيعقل وبتنسي هالايام بس الصبر
  4. @toooty410

    رحيـل1415
    بدخله روضه ان شاءالله لكن خايفه مايقدرون يتحملونه او هو مايسلك معهم 😔هذاني باديه امهد له اقوله الروضه حلوه فيها العاب وفيها رمل تلعبون ويصير لك اصحاب يقول مابي العاب ابي غسالات ابي ادخل بغسالتهم ومدري ايش 💔والله يابنات تعبت اجي احيانا ال…
    طيب لاسمح الله هذا يمكن يدخل بالغساله وهي تشتغل خوف والله وخطر
    طيب الحمام الي فيه الغساله قفليه بالمفتاح ولعد تستخدمونه واذا بتغسلي ملابس غسلي وهو نايم

تابعي تجارب أخرى من هذا القسم.