يا ناس تعبت معها والله 💔

أول شيء بنتك باقي طفله والطفل بهالعمر دايم يكثر عناده وعصبيته ، ثاني شيء أنتي جالسه تعنفينها وعيب عليك كأم معليش على هالكلمه لكن أنتي أم فاشله وبنتك تطالعك بحقد وكراهيه تدرين ليش؟، لأنك تعاملينها بقسوه وضرب تعتقدين هذا الحل صحيح؟؟، لا طبعاً هذا حل غلط أنك تعاملينها بالضرب، صدقيني قسوتك معاها وضربك هذا ماراح تنساه طول عمرها لين تموت، تتوقعين كلامي غلط؟، شوفي كثير يقولون أمي كانت تضربني وأبوي كان يضربني ولا نسو وأنا الحين عمري ٢٠ سنه ولا مره نسيت ضرب أمي لي بعمر ٦ السنوات وما فوق وكل ما أتذكر معاملتها لي أحقد عليها وألعنها مليون مره بقلبي وأدعي عليها بالموت وبعدها أتذكر أنها أمي وأستغفر للأسف هذا اللي يصير في كل طفل يضربونه أهله!، أبشع شعور ممكن يحسه الشخص ضرب أمه ولا أبوه له تدرين ليش؟، لأن الطفل يعتقد ويكون بمفهومه أن الأم والأب هم الأمان بالنسبه له وإذا كنتي تضربينها كيف راح تحس بالأمان مع أم تضربها؟، راجعي تصرفاتك معاها وعامليها بحُب وحنيه وربي بتتغير عليك مليون مره ولا تفضلين أي طفل من أطفالك عنها لأنها تشعر بالحقد أتجاهك لما تفضلين أطفالك عنها، روحي أعتذري منها وفضفضي لها قولي لها كل شيء بقلبك وبوسيها وأحضنيها، قولي لها أنك أسفه وأنك غلطتي لما ضربتيها وماراح يتكرر هالشيء ثاني مره وحاولي تجلسين معها كثير وتسولفين معها وتعتبرينها مثل صاحبتك وقولي لها أنك صاحبتها وأحكي لها عن أيام طفولتك وعن تجاربك بالحياة البسيطه، أشتري لها اللي تحبه ولا تضربينها أو تعاملينها بقسوه لأنها بتفرغ طاقتها السلبيه في أخوانها الصغار وبتحسب ضربك لها أن هذا الشيء عادي وبتقلدك في أخوانها أو صحباتها، عززي ثقتها بنفسها وخليها كبيره بعينك أمدحيها كثير وخليها تساعدك بأشغال البيت الخفيفه أو خليها تساعدك بالحلى وعلميها أنها شاطره وسنعه، ودخليها تحفيظ قرآن أو نادي عشان تفرغ طاقتها فيه ، وشوفي الدكتور جاسم المطوع عنده حساب بالأنستقرام ينزل دايم عن التربيه الصحيحه للأطفال وكيف تتعاملين معاهم هذا حسابه عن الأطفال؛ maeenorg ، معليش إذا ضايقتك بكلامي لكن أنا أحقد على أي أم تعنف أطفالها لأنهم يذكروني بأمي، عموماً أتمنى بنتك تتغير للأفضل وتكبر بعينك ولازم تتحملين أطفالك لين تموتين لأن تربية الأطفال شاقه وإذا أنتي مو قد المسؤليه ولا قد التربيه لا تخلفين أطفال أبداً تطلقي وعيشي حياتك بروحك إذا بتجلسين تتذمرين، راجعي تصرفاتك قبل وبسسس أعتذر مرة أخرى على الإطاله 👍.

آآه يا بنات كلامكم و نصايحكم اثرت فيني الله يسعدكم سعادة الدارين فعلاً انا فاشله من ناحية احتواء اطفالي و بذات هي واعاملها كأنها شخص كبير وأغلب الأحيان اهزئها واحملها فوق قدراتها واعترف اذا اتكلمت ما استمع لها إلا نادراً سؤااال هل ممكن اذا احتويتها يتصلح اللي صار ؟ هل اذا كبرت ممكن تنسى و تتزن شخصيتها ؟ ولا خلاص تكونت شخصيتها 😔

أنا ماعندي بنت عشر سنين عندي وحده ثلاث ووحده خمس اللي خمس سنين جبت ع طول بعدها ام ثلاث سنين وكنت احسها مااخذت الحنان الكافي وماانومها كثير كانت تفرح إذا نومتها واسولف معها والله وصارت مسالمه وتسمع لكلامي اول ماكنت فاضي لها لان عندي الصغيره

وغير كذا احضنها كثير

حللي لها فيتامينات ،، بنتي عمرها ٨ وماتهتم باي ولاتستمتع باي لعبة .، ولاتتحمل اي مجهود لما اطلب منهاشي تبكي وترد بعصبية ،، واذا زعلت رجعت تصيح تقول مااقصد ازعلك .. طلع عندها نقص شديييييد بفيتامين دال ..