ذي اختي ساعدوها بحل
***********************
اهلي مو اي مناسبه يحضرو ونادرا بيقومو بالواجب تجاه العائله والاقارب الا اذا شي كبير ويستاهل بس مايحبو المشاكل وانطوائيين،،،
ومع اهالي ازواجنا انا واخواتي مررره مقصرين وكل ازواج اخواتي متعودين عالوضع وساكتين لان اخواتي طيبات مع ازواجهم واهلي عمرهم ماتدخلو في حياتنا،،،
الا زوجي كل يوم مشرشحني كل يوم يسبني ويجرحني بالكلام ومتضايق ليش اهلك مايجو ليش مايزورو واحيانا يمنعني فترات طويله عنهم اقوله هذيل امي وابوي لو مايدخلو بيتي انا لازم ابر فيهم وكمان اولادي مانعهم يروحو بيت اهلي اروح لوحدي كلمت اهلي قالو هذا حنا ليش نغير اطباعنا عشان زوجك واهل زوجي عندهم مبالغه في كل شي يعني لو بنتهم تتخرج من الثانوي وماحد جاء بالهدايا والعطايا شرهو عليه هم يشوفون هالشي مهم واهلي يشوفوه مبالغه ودلع تعبت منه ومن عاداتهم اللي مو مناسبه مع عادات اهلي ومن زوجي اللي مو راضي يستوعب اني من مجتمع غير عن مجتمعه كمان انا مو مقصره معاه ابدا وهو معترف بس مصر يخرب حياتنا بالمشاكل ومراقبه اهلي تارك حياتنا الحلوه الخاليه من المشاكل وحاط اهلي تحت المجهر فكرت اخرج من البيت واتركه اكثر من مره لانه ضاغط عليه بشكل لايحتمل بس اتعوذ من الشيطان لانه مو مقصر ابدا علينا مكرمنا ويسفرنا باستمرار وعندي بيت ملك وعيال ويحب عياله ويحبني بس اذا تذكر اهلي قلب علي ،،،كلمته كذا مره مافيه فايده كلمت اهلي مافي فايده اهلي مو راضيين يتغيرون وهو مو راضي يريحني من المشاكل ،،
شاركي في النقاش
سجلي الدخول لإضافة تعليق.
التعليقات
11- قولي كل ناس على اللي تعودوا عليه
وحنا ما تعودنا نزور ع اشياء عاديه
وما راح نغير طباعنا عشان الناس
كل واحد على عاداته
اهم شي ما ضرينا احد
وزوجك ابدا لا تسمحين له يمنعك
قولي له وبكل قوة عين الواحب حنا نزورهم انا ما انتظرهم يزوروني!!!
انتبهي تعطينه مجال - زوجك فهميه مره ومرتين طبيعة اهلك وقولي له احنا مو كذا و لو صارت مناسبة لاهلي عشان تتاكد ان محد بيزعل منك لاتحضر وقتها بتتاكد ان محد بيتشره عليك او يقول شي فيك ..
وانتي دايم خليك عنده مطنشه
مهما قال طنشي اذن من طين واذن من عجين
ولو في مناسبات بينك وبين اخواتك حفلة نجاح اطفالكم الخ لا تبينين له ابدا عشان يغثك
واهلك هم احرار .. مو ملزومين ولا عليهم صلة رحم تجاه اهل زوجك .. ولا هم ملزومين يباركون لهم باي شي ..
مدري ليش ماخذين اهله وضعيه محور الكون
عجب صراحه بعض الناس ماتعرف من وين تجيب لنفسها المشاكل .. - ليش يرد العيال عن جدانهم ماله حق
قولي هذولا اهلي مو عماني ولا خوالي ولا جيراني اذا مازاروني مازورهم وش هالمنطق
واجب علي اني ازورهم انا وعيالي ومالك حق تردنا
ممكن مايقتنع بالبدايه بس ضلي اقنعيه
هو غالبا يقارن بين بيئته وبيئة اهلك ويقول ليش مايجون
دائما بكل نقاش ابدي فيه بان الناس مو واحد ومو ضروري يكونون نفس بعض بالطبايع
خليه يتشرب فكرة ان اهله مو مثل اهلك وان طبايعهم تختلف لكن هذا مايغير واجباته تجاههم
مع كثرة تكرار الموضوع ذا له بيقتنع مع الوقت - اكثري من قول لاحول ولاقوة الا بالله والله يفرجها عليك ويسخره لك
- رفع
مواضيع مشابهة
تابعي تجارب أخرى من هذا القسم.