بنتي والروضه 😔

السلام عليكم ..
بنات بعرض لكم مشكلة بنتيقبل كم يوم روضتها ارسلوا لي رساله عشان احضرالمهم رحت وتكلمت معي استاذتها وسألتني عن وضعها أنا جاوبتها إنها طبيعيه .. بعدين قالت لي إنها إذا سألتها بعض الأسئلة ماتفهم السؤال تجاوب بعيد عن الإجابة أنا قلت لأنها يمكن موفصيحه مرره بالكلام عشان كذا تعطي إجابات عشوائية .. وقالت إنها إذا استمرت على وضعها ممكن إذأ راحت لأولى تدخل صعوبات تعلم وهي جزاها الله خير نبهتني عشان اتدارك الموضوع من بدري
خرجت من الروضه وخاطري مكسور ونفسيتي تعبانه 😔بنتي يوم كان عمرها 3 سنوات تتكلم كلمات بسيطه والحين عمرها 5سنوات والحمدلله تحسنت كثييير تتكلم جمل من 3 و4 و5 كلمات وتعطي أوامر تعرف الألوان وتعد لبعد العشره وتعرف اسماء الحيوانات وأسماء الفواكه والخضار وتحب الناس وإذأ طلبت منها اي شي تنفذه وذاكرتها ماشاء الله قويه وتحب الرسم، وحافظه بعض السور القصيره بس احسها مو زي اللي في عمرها ماتعرف تسولف أو تقولي ايش صار معها بالروضه بس رؤوس أقلام هي عنيده وعصبيه لأنها تحس بالفرق بينها وبين اللي في عمرها اسألها ايش اسم صاحبتك أو ايش اسم البنات اللي معك في الروضه احسها ماتفهم .. غير أنها تعاني من بعض الأمراض الروحيه وطلعت عليها أعراض واضحه جدااا
بنات اعطوني حل ايش اسوي مع بنتيالله يسعدكم ويفرج همكم يارب🌹🌹

36 تعليق 5,185 مشاهدة

شاركي في النقاش

سجلي الدخول لإضافة تعليق.

التعليقات

35
  1. @faith_5

    والله بعض المعلمات ماتعرف شي ..


    عااادي اللي تمر فيه بنتك انا اثنين أولادي تاخرو في الكلام وولدي الان في الروضه نفس وصفك لبنتك يسألونه سؤال يقول اسمه بس ولدي طبيعي جدا وانا عارفه ولله الحمد..


    فتره بيتعلم الجمل والكلام مثل اخوه الكبير مع الروضه والمدرسه انطلق الان احتار كيف اسكته..


    ماعليك فيها ابدا، اللي عليك انك تحاوري بنتك في البيت وكل يوم تسأليها اش اخذو حتى لو جاوبت غلط بترجع تتكلم وتنطلق مع الوقت..


    ولدي الثاني العام كان أولى وكان مايعبر مضبوط اقوله اش صار اليوم مايقولي شي ويلخبط بالهرج لدرجة انه يتخيل شغلات ويقولها..


    الان تبارك الرحمن يقولي كل اللي صار معاه ويتناقش معاي ويخش في عيني احيانا 😁


    الفاصل في الموضوع حفظها للقرآن والأرقام والحروف، اذا طبيعي لاتخافين عليها وراح تنطلق مضبوط في الكلام بس عليك بالصبر وحفظيها قرآن ولا تخافين من تهاويل المعلمات..


    الله ينبتها نباتا حسنا ويجعلها من الصالحات ❤️❤️
  2. مالفتني الا كلمتك ان بنتك تعاني من امراض روحية
    بنت توها ب٥ سنين وش هالامراض الروحية اللي عندها
    يعني وش الاعراض اللي عندها خلتك تقولي عندها كذا
    واما بخصىص بنتك مدام معلمتها نبيهتك
    وانتي كمان ملاحظة على بنتك
    فالأفضل انك توديها لطبيب نفسي
    او دكتور متخصص في صعوبات التعلم
    وهو اكيد بيعملها اختبارات وييعرف اذا بالفعل عندها مشكلة
    او لا
  3. @aagoz_malha_dros

    ويش أمراض روحيه!!!!!!!
    انا عيالي كذا لما يدخلون اول ابتدائي خلاص امورهم طيبه ..


    انا كانوا يستعدوني عشان عيالي يقولون لي مو طبيعين بس الان الحمدلله تمام التمام ....
  4. @mymo1403

    مو كل شي يقولونه صحيح ولاتصدقينهم وتثبت براسك وتحسينه صدق وكلي امرك لله وقولي بنتي طبيعية الحمدلله مافيها شي لاتوسوسين بناء ع راي معلمة بس شي طبيعي في اللي بعمرها مايتكلم الا كم كلمة او يتكلم في شي خارج الموضوع وش المشكلة ليش تكبرون المواضيع ؟؟ ابد وسعي خاطرك ولاتتضايقين

تابعي تجارب أخرى من هذا القسم.