و الحل مع نفسي😣؟!

السلام عليكم
انا متابعتكم من فترة طويلة و قلت اكتب لكم مشكلتي تعطوني حل
انا مشكلتي في شخصيتي جدا ضعيفة و اعترف بهذا الشي قبل لا اسوي اي شي لازم اول شي افكر فيه كلام الناس شبقولون عني و شنو ردة فعلهم و اقعد اسوي سيناريوهات و افلام في مخي و اتضايق عليها غير هذا اني بسرعة اتأثر بكلام الناس لو وحدة علقت علي بشي عادي اظل ايام افكر و متضايقة 😖والله تعبت من نفسي احس غصبا عني ، الي خلاني اكتب موضوعي الحين اني حامل ببنت الله يتمم على خير و قاعدة ادور لها اسم خلاص ما بقى شي و كل اسم افكر فيه كالعادة اتخيل فلانة شبتقول و علانة راح تتطنز قسم الله مقهووورة من نفسي ودي اعيش حياتي مثل ما ابغي و ما افكر في كلام الناس ابدا خلاص انا ودي اتغير و اصير انسانة ثانية الي عندها نصائح او كتاب او احد اتابعه ع يوتيوب او اي شي تتفضل تفيدني و الله يجزاكم خير يا الطيبين💗